一個香港留學生在美國的生活: 誘惑(2)

返到屋企得我一個人，咁我打個電話畀Joe報到：「Joe少，我人就返到屋企，今晚幾點出去食飯？」「咁早返？你送Amy返屋企冇送到上床？」「黐孖筋！你估個個都好似你咁淫蕩咩！」「呢啲唔係叫淫蕩，係叫風流！哈哈哈！」「咁你依家同Nancy風流完未？」「我同Nancy仲響學校，等陣返嚟先一齊出三藩市食飯，食完飯返屋企睇碟！明益你啦！」「咁我瞓個晏覺先！返到就叫醒我！」  

瞓醒已經下晝五點，起身洗完臉Joe就同Nancy一齊返到，面對面見到Nancy 始終有啲尷尬，我腦海中不斷浮現嗰晚口交場面，Nancy反而好似冇事發生咁，有講有笑，我相信Joe係完全唔知我同Nancy做過啲乜。  

夜晚我地去咗三藩市一間老字號韓國燒烤，聽Joe講呢間餐已經開咗二三十年，我地去到已經好多人響外邊等位，我地三個等啦半個鐘先有枱。餐廳地方一般，冇乜裝修，又冇乜服務，但係就人山人海。坐低之後Waiter就攞咗一盤燒到紅晒炭放入枱中間嘅火爐入面，Joe負責點菜，點咗個牛肋骨，牛尾湯，烤黃魚，食物水準十分好，Nancy自己仲叫咗半支Soju，埋單又係Joe堅持請客。  

走嘅時候差唔多八點，外邊仲有十幾人等位，睇呢間餐廳真係好有名。去攞車嘅時候，Joe嘅電話響起，講完收線之後：「Sorry我臨時有個聚會要去，你開我架車返屋企先。我完咗會坐朋友車返。你哋睇住碟先，，我啲碟放晒響電視左邊櫃入面。」之後佢call咗架的士走咗！ 

我嘆咗口氣，問Nancy:「咁得返我地兩個，你想返屋企定去Joe度睇碟？我可以車你。」「乜你好唔想同我睇碟咩，小朋友？」叫我小朋友？雖然佢起碼大我四五年，都唔洗咁叫我呱！「咁我地返去一路睇碟一路等Joe啦！」  



開車返去大約半粒鐘，我其實好緊張：「阿偉其實你係唔係好唔想我去Joe屋企呀？」「唔係唔係！點會呢！」「其實你唔洗介意上次嘅事喎！大家開心咪算囉！女仔都唔介意，你仲咁扭扭零零，仲渣過女仔！」我唔知點答佢，唯有儍笑！ 

返到上樓，我先開暖氣，佢好自然走咗去廚房攞嘢飲。Joe屋企係有啤酒，我地一人一支Corona，我準備去睇下冇乜新碟可以睇，Nancy：「食完韓國燒烤成身味，不如沖完涼先睇啦！反正有兩個廁所，我去Joe間房，你去你嘅。」Nancy就自己入咗Joe間房，我一個人呆企響電視前面…