一個香港留學生在美國的生活: 三人行(1)

轉眼已經十一月中，仲有幾日就放Thanksgiving。Alan同阿健會返三藩市同LA同屋企人過節，阿君呢，好似約咗人去Las Vegas玩，最近阿君神神秘秘，我地估計佢可能追緊女。 Aaron就差唔多日日都見到，唔係上堂見就喺響Gym見，我又介紹啦Aaron同Alan佢地認識，所以有時都會一齊食下飯。  

Aaron自重認識我之後，好多時都響我Apartment hang out，佢姨媽好𡃶佢，不過始終係長輩，響姨媽屋企點都冇咁自由。「阿偉你就好啦！有自己地方！我想溝女帶女返屋企都唔得！」「喂，我從來冇帶過女返屋企喎！」「你冇女朋友咩？」我仲未同Aaron提過小詠嘅事：「我女朋友仲響香港，十二月尾先過到嚟，不過會先去三藩市讀大學，會盡快轉校入嚟同我一齊。咁你呢？」Aaron：「我過嚟美國之前有個女朋友，不過佢屋企條件冇咁好，冇打算過嚟，我地冇分手，算係Long Distance啦！」「咁都叫做有吖！」「我屌都未屌過！我十八歲仲係處呀！」「我仲慘，我同小詠連手都未拖過呀！」我哈哈大笑咁講，Aaron有啲唔信，於是我就將我同小詠嘅故事講佢知，Aaron笑住講「估唔到你同我一樣係青頭仔！」「屌！我邊忽似青頭仔？」「你扑過女？快啲分享下！」我笑住冇答佢，唔知點解，我冇同Joe講有關京子嘅事，反而覺得可以同Aaron分享，於是我就話「不如去食飯啦！帶你食日本嘢！」  

今日係禮拜二，京子要返工，我揸車去到餐廳已經六點半，禮拜二生意一般比較少，餐廳中只有三四個客人，我地坐響Sushi Bar，京子就同我地打招呼，「京子，呢個係Aaron，Aaron，京子係我ESL同學，佢係日本嚟嘅交換生。」「Hi你好！我叫Aaron，好高興認識你！」我地講咗幾句京子就去招呼其他客人，壽司師傅就為我地整壽司。「無啦啦走嚟食壽司，仲要認識個咁靚日本妹，快啲講，係咪有陰謀？」Aaron用廣東話講，京子同師傅都聽唔明！「小詠過嚟美國之前，京子算係半個女朋友呱！其實我同佢之間算係炮友多啲！」我一句英文都冇用，make sure京子唔知道我講嘅係佢。Aaron好興奮「喂你勁呀！你同佢玩過幾多次先？」「一個禮拜一次左右，多數禮拜四，不過最近少咗，因為我唔洗再上ESL，同佢見面少咗。」上次期考我一次就Pass，可惜京子只考到6分，要繼續努力！「衰仔你咁好彩嘅！」「你有興趣可以主動約人呀！」「嘩你都得啦！連女都可以同人分享？」「佢唔係我條女呀！其實我早幾個禮拜已經知道除咗我之外，京子仲有另一炮友。」Aaron好奇咁問：「吓！你咁都知？」「早兩個禮拜我有一晚突然想揾京子，點知我響佢樓下見到有個男仔從佢個Studio出嚟，我響車等咗十分鐘先上去，佢好Surprise我出現，佢張床好亂，我諗佢估到我知道啲乜咁，就主動同我講啱啱佢個前男友嚟過，其實佢以前都同我講過佢有其他炮友，呢個男仔係佢嚟美國第一個學期響大學宿舍認識，分咗手後仲會見面扑嘢！」「嘩！咁都得？」「所以我咪打張好牌畀你上囉！」  

全餐飯我地同京子都有講有笑，埋單差唔多八點半，我就提意等埋京子收工車佢返屋企，京子同Aaron響車上交換咗聯絡電話，我睇京子對Aaron有啲好感，以後佢有冇機會就唔關我事啦！