臘月奏鳴曲: 臘月奏鳴曲（結局篇）
「你嘅意思姐係話，你宜家係一隻鬼，之後冤魂索命想復仇？」阿廸聽畢天佑的經歷後總結道。
「係，冇錯，自從個晚之後，我嘅靈魂就封印左係本琴譜度。」天佑。
「咁你綁住我哋有咩用，我哋都幫唔到你架喎。」曉彤。
「方法呢，唔係冇嘅，其實自從我成功係本琴譜入面掙扎出嚟之後，我就發現只要我每一次彈《普世歡騰》呢首歌，我都可以隨機返返去事發個一日嘅某一個時段15分鐘，而我亦都已經試過好多唔同嘅方法改變過去，但係都唔成功。」
天佑歎了一口氣，續說：「例如我曾經試過一開始就扮自己唔識彈鋼琴，但係最後都係比個貪生怕死嘅垃圾音樂老師篤左出嚟，最後返返去一樣嘅結果。我又試過晚會個陣彈琴彈到一半，直接係個窗到跳出去，點知落地個陣扭親隻腳，被班日軍捉到之後當眾斬首。我諗左好耐究竟點解會咁，既然個天比我繼續留係度，一定係有意思，既然我自己無能為力，我決定搵人幫手。」
「你想我哋用旁觀者身份回到過去，之後幫你改變未來，等你唔洗死？等陣先，但係點解係搵我哋而唔係搵其他人？」阿廸。
「其實我冇特登搵你地，一切都係天意安排。」天佑擺出一副故弄玄虛的模樣。
「點解咁講？我哋都只係無啦啦出現左係度。」曉彤。
「其實我被困係呢個禮堂已經有大半個世紀，其他人又睇我唔到，真係每一日都空虛寂寞冷。直到有一晚，佩汶無端端係禮堂正門推門行入嚟，話自己陽壽已盡，所以想過嚟陪下我，原來佢一直放唔低當年件事，覺得我哋之間嘅關係唔應該就咁就完結。而正正因為呢一個心結，佩汶百年歸老死左之後，佢嘅靈體就一直繚擾不散，仲返返去十七歲個陣咁嘅樣，希望可以搵番永遠停留左係十七歲嘅我，同我再續前緣。」天佑。
「哇，成件事真係仲悲壯過人鬼情未了……」阿廸真心慨歎。
「的確幾感人，但係你頭先話係天意安排姐係點，同埋我哋兩個係咪真係可以改變到過去架……萬一失敗左咁會點？」曉彤。
「我話係天意，係因為佩汶嚟左之後無耐，我就發現你地兩個無啦啦攤左係禮堂近門口嘅位置，原本諗住我哋作為靈體，就已經無能力去插手陽間嘅野，但係你哋醒番之後竟然可以見得到我哋兩個，仲當我哋係咩隔離班嘅同學，所以我就覺得你哋兩個絕對唔係普通人，雖然唔知係咪真係改變到過去，但係難得咁有緣，都希望你哋可以幫下手，當係完左我惟一嘅心願。」天佑哀求道。
「佢咁慘，不如我哋幫下佢啦。」曉彤向身後的阿廸道。
「好，反正我哋宜家都唔知點先可以出返去，幫下人都冇壞嘅。」阿廸。
「多謝你哋，咁我哋直接開始啦。記住呀，每次穿越只係得15分鐘，所以動作要快呀。」阿佑。
「等陣先，你都未講如果最後失敗左會點，萬一我哋救你唔到……」曉彤。
天佑打斷了曉彤的話：「其實我都未知之後件事會點發展，不過我哋四個相隔一個世紀都可以相遇，已經代表左一切冥冥中自有主宰。你哋只要有心肯幫我，我已經感激不盡，就算最後改變唔到呢一場悲劇，我都已經無悔，同埋我隱約覺得，咁難得嘅機會應該只得一次，總之你哋加油啦。」
歷盡滄桑的天佑完成最後一席話，便開始彈奏那首令他百味雜陳的《普世歡騰》，聖誕輕快的節奏在空盪盪的禮堂徘徊，溫馨的旋律乘載阿廸和曉彤二人的思緒到了七十六年前，那個由愛情、鮮血、仇恨交織而成的聖誕節。
[阿廸視覺]
再次張開雙眼，天已經亮了，我們依舊在禮堂的台上。
曉彤若有所思地望向四周，道：「所以我地咁樣就返左去1944年？」
一切來得有點突然，但也沒有多餘的時間多想了，我在曉彤面前揮了揮手：「喂，唔好再望啦，時間無多，行啦。」
既然要阻止這一場悲劇發生，我和曉彤商議出一個簡單的計劃，我們只要在日本軍人到校前，找到了天佑，然後叫他躲起來不要去那群變態日本軍人的聖誕晚會就可以了，如此一來，天佑便不會死，然後佩汶也不用痛苦地傷心幾十年，如無意外，最後會是如電視台膠劇般的大團圓結局。
或者我跑得太快，曉彤不太跟得上：「得陣先，你唔好咁衝動住，其實我哋會唔會諗得太簡單呀，頭先天佑話佢失敗左咁多次，宜家我哋就咁同佢講幾句就可以成功改變過去？真心咩？」
我聽完之後立即停下腳步，陷入了一陣沉思：「你又講得幾有道理喎……我哋竟然乜都未計劃就穿越左過嚟，點算好呢……」
「同埋你有冇發覺，我哋唔知點解着住校服。」曉彤。
我這時才回過神，原本我們二人的確只穿着便服，但現在卻是變成正式夏季校服。
「我都唔係太解釋到係發生緊咩事，但係時間無多，我哋上去搵下天佑係邊先啦。」我看了看禮堂正門外的大時鐘，下午一時四十七分，我心知不妙，若果被音樂老師先找到天佑就麻煩了。
我和曉彤連跑帶跳地奔向上層，眼前是一條長走廊，此時我和曉彤已經再沒有口頭上的交流了，我們的焦點只在於每一間課室的每一張男生面孔上，這間課室沒有，也不在這間。時間一點一滴地流逝，我只感受到我焦急的心在燃燒，我們很快來到走廊盡頭的一間課室，坐在第三行最後一個座位的那個人，我和曉彤交換了一個眼神：他就是天佑。
這時身後的走廊傳來一連串高跟鞋落地的聲音，轉頭一望，是一個穿着高跟鞋和黑色長裙的女人，正在走廊盡頭向我們迎面走來，我已經猜到她是誰了。
「今舗死得啦……係個個音樂老師呀！我哋要快啲帶天佑匿埋呀，唔可以再畀歷史重演！」我開始激動，但正因為激動，我情急生智。
我直接推開課室門，大叫：「程天佑，校長想見一見你。」
程天佑果然乖乖地起身，他一踏出課室，我和曉彤便一人捉着他一隻手，將他拉到下層操場旁的草叢後才停下來，過程就像走難一般。
我們三人一直喘氣，直至天佑呆頭呆腦地問：「唔係去見校長咩，你哋扯我過嚟呢度做咩，我唔識你哋架喎。」
「嗱，你聽我講，我哋兩個係由2020年穿越過來幫你架。你宜家即刻返屋企匿埋，唔好畀班日本軍人捉走呀，如果唔係你就會畀佢哋斬左對手落嚟，之後你就會死架啦，明唔明呀？」我緊張得開始有點語無倫次。
「我唔係好明，你話你哋係由未來穿越返嚟？？？」天佑半信半疑地道。
「你相信我哋兩個啦，我哋都係為你好架咋，記得一陣見到日本軍人就調頭走，最好唔好再同任何人接觸，同埋今日之內唔好再彈琴啦。」曉彤補充道。
「好，我明白啦，我會照你哋講嘅做，咁我宜家走啦。」天佑說罷，便轉身離去。
「走個陣唔好經過校務處呀！行後門啦！」在天佑走遠後我不忘大叫。
天佑舉了舉右手，向身後的我倆表示明白。
「咁樣可以阻止到天佑嘅死啦……應該。」曉彤。
時針劃過二時正，我突然感受到有一陣強大的吸力，打算轉身看看身邊的曉彤，卻發現她不知道在甚麼時候經已消失，我的意識慢慢變得薄弱，最後進入了一條不見盡頭的隧道當中。
。
。
。
[程天佑視角]
果然，面對着精神病患者，只要一切隨他們的意就可以了。
「頭先個兩條友究竟講緊乜，咩2020年穿越返嚟，咩日本軍人斬我對手，同埋無啦啦做乜叫我今日唔好彈琴，你話佢哋係咪讀書讀到痴左線？」放學後，我在課室將我剛才的經歷跟班上的友人抱怨。
友人對我的遭遇一笑置之，說可能是香港學生的壓力太大了。
沒錯，他們或許有精神病可以是解釋這一切的其中一個理由，但其實，我還想到另一個可能性更大的理由，那就是他們是受人所託，想要阻止我向佩汶表達心意。
剛才我給佩汶的那一封信，其實是想進一步肯定我和她之間的關係，所以約定她今晚在學校禮堂，而她的出現將會代表着我倆戀情的開端。其實我對這件事的信心十足，我相信她今晚一定會出現的。佩汶向來在班上都是個低調的人，但她的氣質一直都吸引了不少班上的男生，想必是當中有人從中作梗，想要趁我表白前搞破壞，所以剛才那兩個人才會叫我躲起來不要彈琴吧。
抱着這樣的想法，我的意志變得更加堅定，一切必須按原定的計劃走，否則我肯定會後悔的。對的人，對的時機，對的地點，一旦錯過了，可能永遠沒有第二次，現在只差我的勇氣了。
為了今晚的約會，其實我早已在家練習好一首鋼琴曲目，準備要送給佩汶。為了一場完美無遐的表白，我決定要先用禮堂的鋼琴綵排一次。
正當我陶醉在自彈的旋律，沉溺在美好的幻想當中，一名日本軍人在不知不覺間走到了我的身旁，原來，他很欣賞我的音樂造詣，並想邀請我這晚到日本皇家軍官邸演奏，我抬頭看着軍帽下那歪掉的笑容，看來我根本沒有拒絕的權利。
。
。
。
[阿廸視覺]
也不知道過了多久，我們終於到了隧道的盡頭，眼前竟然是禮堂的雙木門。我向曉彤有默契地推開了門，感覺最終的答案就藏在這被詛咒的空間。
木門才開了一半，震耳欲聾的聲線便突然來襲，我和曉彤都知道是她，為甚麼？到底這次又是哪裏出錯了？原來有時候，努力不一定可以改變現狀。
「阿佑呀！究竟係邊個搞成你咁架！你快啲醒下啦！！」佩汶傷春悲秋地哀號。
可以做的都做了，可以說的都說了，難道一個人的命運真的永遠無法逆轉？盡力抗衡的結局卻只是維持原狀？
血液從阿佑的屍首不斷滑落，地上的血泊映照着世人的黑暗和無知，當我們自以為人定勝天，到頭來卻發現命數難逃；有時候我們以為人生有很多的選擇，但原來無論選擇哪一條路，最後都只會殊途同歸。
在這件事以後，我和曉彤回到了2020年，之前所經歷的一切彷彿就只是一場較為真實的惡夢，我知道曉彤的內心其實也十分介懷，但卻再也沒有提起這件事了，也許是希望忘記不願提起，也許是不願意承認世人面對着天命其實無能為力的事實。
而之後每逢聖誕前後，禮堂都會傳出用鋼琴彈奏的《普世歡騰》，歡快的音韻旋律間總有着淡淡的憐惜，音符的跌宕低迴處皆顯現歷史的迴響，到了最後的最後，這一場小插曲以淒美的姿態告終。
(完)
Ps原本個故事就咁就完，但係作者我自己同埋部份讀者想要個happy ending, 所以之後會出個番外篇，想睇嘅記得繼續追啦！！！