不能見面的女朋友: 第四章

終結對話後，忽然有一種莫名的失落感。為什麼呢？

平時跟我的朋友聊天也不會這樣子的……

難道我真的對她有好感？

不是吧……我們只不過聊了大約兩個月，這麼快便對人有好感？好像很隨便似的……況且我們從來都沒有面對面的交談，怎麼會對她有好感？

但是感情這回事，也是不能解釋吧？





還是只不過我找到了一個很投契的朋友？

但我與我的其他朋友也很投契啊！

唉，不知道……
＊＊＊
直至晚上，她又找我了。

卓瑤:「我返嚟喇」





當我看見她的whatsapp，心裏有一絲悸動。

不是吧真的有好感？？

我:「終於返嚟嗱 :(？」

卓瑤:「唔好嬲啦」

卓瑤:「我啱啱去咗食甜品，好好味喔」





我:「食咗啲咩？」

卓瑤:「綠茶布甸」

卓瑤:「不過好細杯食唔飽」

我:「喺邊㗎？」

卓瑤:「我屋企樓下囉」

我:「我都唔知你住邊lol」

卓瑤:「我住紅磡架」

我:「icic間嘢叫咩名？下次可以去試下」





卓瑤:「好似叫正月十五」

我:「之前好似路過過」

卓瑤:「正架我成日都去食」

我:「小心肥死你呀」

卓瑤:「唔會！」

我:「wow食極都唔肥真係羨慕死人」

因為我是那些很貪吃的人，但是每次吃到正爽的時候大腦就忽然會警惕自己不要過分攝取卡路里，認真沒趣。





卓瑤:「梗係唔係啦」

卓瑤:「我都要做運動keep fit架」

我:「做咩運動？」

卓瑤:「跑步囉」

我:「wow我運動唔係太得」

卓瑤:「哈哈我叻」

我:「叻叻豬喎」

卓瑤:「多謝 :)))))太好喇」





我:「不過DSE邊有時間做運動」

卓瑤:「做運動呢啲冇藉口架」

卓瑤:「有心要做實抽到時間出嚟」

我:「都啱」

卓瑤:「你每日抽30分鐘出嚟做運動啦」

卓瑤:「做完運動沖個涼瞓覺會瞓得好啲㗎！」

我:「盡量啦」





卓瑤:「咩盡量喎」

卓瑤:「一定要喔」

我:「知道大人」

卓瑤:「乖~」

我:「大人仲有冇其他吩咐？」

卓瑤:「冇喇，你可以退下 :)」

我:「俾人拋棄咗添」

卓瑤:「想你早啲瞓覺咋 :)」

卓瑤:「養足精神迎接聽日嘅挑戰吖嘛！」

我:「知道喇」

卓瑤:「早抖！」

我:「goodnighttt」

我肯定自己對她有好感了。我把我們之間的對話由頭到尾再看一遍，一邊看就一邊甜笑。

本來只是參加了一個活動，然後我們漸漸變成了朋友，再變成好朋友。不知道……我們的關係能否再進一步呢？