不能見面的女朋友: 第三章

我:「早晨！」

今天是星期日。由於剛剛完成了一大堆測驗，我打算讓自己放鬆一下，休息一天。不過我是獨生子，沒有人陪我玩，同學們也正在拼搏，更加沒可能找他們，悶死了！

於是跟卓瑤聊天，就成為了我最大的節目。

過了沒多久，她就回覆了。

卓瑤:「早晨」





我:「我好悶呀」

卓瑤:「做卷唔悶架喎lol」

我:「我想休息，但係冇人陪我出街」

卓瑤:「你冇兄弟姊妹咩？」

我:「冇呀」





我:「你呢？」

卓瑤:「唔話你知」

我:「講啦」

卓瑤:「唔講！」

我:「講啦」





卓瑤:「唔講！」

我也拿她沒辦法。

我:「係咁你平時悶嗰陣會做乜嘢㗎？」

卓瑤:「睇書、煲劇囉」

我:「我好少睇劇集」

卓瑤:「係咁……我幫你唔到喎，女仔同男仔鍾意做既野唔同嘛！」

我:「唉」

我:「真係好悶」





卓瑤:「搵D嘢做啦」

我:「陪我傾計 :)」

我打完這一句才驚覺自己是多麼大膽。

卓瑤:「好呀」

但是若果沒有這麼大膽又怎會成功呢？

然後我們的話題就從早餐吃什麼到煎蛋還是炒蛋好吃再到我說自己不懂烹飪然後她教我煮公仔麵再不知為什麼談到擇偶條件。

卓瑤:「係咁你第時真係要揀一個識煮野食嘅老婆喔！」





我:「係呀，首要擇偶條件」

卓瑤:「WOW係咁有冇對象呀？」

我:「女仔friend都唔多一個去邊度搵個對象」

被她這樣問一問，我心中忽然彈出一個念頭: 到底我是不是對她有好感呢？的確沒有好感的話，我怎會經常想找她聊天？

而且如果你問我要跟哪個人拍拖，我第一時間一定想到卓瑤。

卓瑤:「你要搵就一定搵到嘅！話唔定你身邊嘅人可能係你將來嘅老婆呢！」

我:「唔會啦」

我:「不過我都唔知點樣先算係鍾意人」





卓瑤:「我都係」

卓瑤:「不過如果對住一個男仔我會好開心嘅說話，可能我係對佢有好感……唔知呀！」

我:「根本都唔知點樣先算係愛點樣先算係鍾意」

我:「好難分 :(」

卓瑤:「鍾意係想同嗰個人一齊」

卓瑤:「愛係即使唔可以同嗰個人一齊都會盡量畀幸福佢？好似係咁」

我:「愛真係好偉大」





我:「想搵一個愛自己嘅人好難」

卓瑤:「唔難，爸爸媽媽囉」

我:「當然啦，但係唔係講緊親情嘛」

卓瑤:「我都唔知喔……」

卓瑤:「好喇我要出街唔同你傾住喇byeee」

我:「bye」

雖然我有點不明白為什麼要出街就不可以跟我聊天……