麥東冬: 《後續》（一）

「永晴！！！」

我感覺到佢鬆開咗我對手，即刻擘大眼。

眼前空無一人，我隨即企起身周圍望。


無。






見唔到佢。



我腦袋空白一片，好似發緊夢一樣，四支無力，坐返低。

只見前面隻肥嘟嘟嘅哥基，坐定定伸住脷同我對望。







「行喇肥基！」主人用力拉開哥基，接著對我講句「唔好意思」。

我苦笑搖頭。


真係咁就完？
唔會再見到？


我實在接受唔到。






我喺前方嘅便利店，買咗一罐又一罐嘅啤酒。


酒精可以令人感覺麻痺，亦可以產生幻覺，係我依刻最需要嘅嘢。


坐喺凳上，我將啤酒係咁飲落肚。

不知不覺間，我攤咗喺凳上。


「永晴…」我默念著。