我成為了她的恐怖情人: 9.司徒？

9.司徒？
係上次送完李曉佢地翻去之後，我同李曉變到更無話不談，而司徒亦都慢慢介意我同李曉挽得禁耐玩得咁埋，慢慢開始同我疏遠，但當時李曉表面上答應過同佢一齊，而一切嘅理由我都聽過，就係叫司徒喺超市揀一支綠茶俾李曉睇吓係咪佢心目中所諗嘅，然後李曉話司徒揀中咗，雖然我聽到嘅時候我腦有一個疑問就係，真係揀中咗？

不過點都好，就係見到佢兩個會一齊食飯，但李曉會喺佢哋食完飯之後會約我出去食糖水，當然係三個人，仲記得有一次李曉同司徒出完街之後，佢哋嗰日dress code嚟搵我食糖水，兩個都着間條 T-shirt，兩個都着牛仔褸，就係喺佢哋對面嘅我，可憐得像隻狗🥲

都後尾司徒同李曉分開咗，係因為李曉發覺司徒嘅一啲缺點，慢慢呢啲缺點放大左同李曉嘅愛冇辦法包容到司徒嘅呢一啲缺點，並且李曉聽司徒身邊啲friend，話司徒講李曉似水泡？然後李曉對司徒死心，並且知道司徒同李曉並沒有錫錫🤓，最多只係司徒錫佢額頭，所以李曉好快就睇清楚司徒呢個人，覺得佢係搵水泡，同埋唔主動。

雖然到呢一刻我都唔知李曉同司徒分手嘅過程，因為我每一次問李曉佢都只係會同我講，覺得司徒喺度搵緊水泡，所以亦都亦都冇太大嘅感覺LU，並且唔知係咪因為李曉嘅星座問題，李曉同我講㗎：「天秤座從來唔會主動聯繫一個人 甚至對沒興趣的人交談又會懶理 如果要天秤不再對有興趣的人主動 他便不再會主動甚至不想再聯繫這個人了。」

雖然我唔知佢講真定假，但至少係佢口中，我聽過。