我成為了她的恐怖情人: 8.落bar

8.落bar
如是者又過咗好多日，我嘅腸胃炎都好翻好多，然後因為係happy Friday，所以就約咗李曉同我嘅同學仔去清bar飲下野，如是者同行有李曉，我，司徒，同埋有兩個friend一齊去飲，一開頭我同另外兩個friend飲住先，然後司徒同李曉先至一齊出現，坐得喺度飲野嘅人都知道李曉比司徒追緊，又係一啲公開嘅秘密，但係又知道司徒好唔主動咁樣，又怕怕醜醜咁樣。所以大家都唔知點算好，點幫司徒。

跟住大家都食下Shsha，傾下計，挽下game禁，到傾到咁上下嘅時候，就有人提出埋單走，因為司徒住天水圍返屋企要好遠路程，並且當時已經係凌晨，所以司徒係冇直車返到去，而係司徒同李曉去咗廁所嘅時候，我同另外兩個friend就講。分別係朋友D同朋友M

：「你哋覺得佢兩個轉頭會點？」
D：「屌，話唔定去爆房呢!」
M：「下，屌我覺得唔會囉，司徒咁驚青。」
：「喂，屌又唔好諗到佢哋兩個咁！😂」
D：「李曉又醉下醉下咁。唔知㗎」




：「李曉行緊嚟啦，唔好講啦。」
李嘵：「喂，你地講緊咩」
D：「冇呀，講緊點樣整蠱你兩個。」
M：「喂，李曉你不如試吓扮醉睇下司徒有咩行動都好喎！」
D：「係囉屌，佢咁淆底！😂」
李曉：「都可以嘅，但係我點扮醉」
D：「不如你轉頭橋住我，跟住我話我屋企有位，你唔係好掂，然後接你上我屋企，睇吓司徒有咩反應同行動好啦！」
李曉：「喂，得喎，就禁話！」

等咗一陣，司徒出咗嚟，然後李曉已經橋住左朋友D，然後話唔係好掂，有啲辛苦，然後司徒去咗對面8仔買支水比李曉飲，然後就計劃緊點樣返天水圍。




朋友D：「不如杍曉轉頭想去我屋企，你唔多掂。」
李曉：「可以喎，我都想嘔。」
跟住我哋見到司徒好似又係冇乜反應，所以我哋就截咗架的士，我首先坐咗喺後座，跟住就係李曉，一上車去經橋住我，同已經請我食緊波餅⋯⋯然後再隔離就係朋友D，而前坐就係司徒，跟住我哋就叫司機車左去司徒有得搭車返天水圍嘅地方先，然後再車朋友D翻去，當然係呢個時候仲話緊李曉係會想朋友D度過夜，跟住司徒落車嘅時候，就同李曉講，自己小心啦，然後司徒就頭也不回禁走咗⋯⋯

朋友D：「司機xx邨，喂Carson翻到學車錢再夾翻比你，冇禁多cash。」
：「ok」
朋友D:「喂李曉，司徒真係唔多掂喎，佢聽到你會上我屋企佢都好似冇咩反應咁。」
李曉：「係囉，佢就係咁㗎啦，又怕事然後又好唔主動。」
朋友D「唉，唔知你兩個，我到啦，落車先，再約！」





：「司機馬鞍山，唔該」

跟住我同李曉都冇講其他嘢，因為大家落咗車之後，李曉依然係橋得我好實，個波餅由上車到李曉落車個一刻仲食緊，我同李曉都冇講其他嘢，一直靜靜地由尖沙咀返到馬鞍山，因為我個腦仲消化緊啱啱發生嘅所有嘢，以我嘅感性同理性都仲喺度打緊交，同埋我以為李曉已經瞓着咗我一直郁都唔夠膽郁，李曉落咗車，我有一種失望，以為李曉會邀請我上佢屋企飲咖啡，但最後都冇，李曉返到屋企又WhatsApp同我講，我翻到啦，翻學見啦😬😬

司機大佬：「乜你哋啲關係咁複雜嘅」
：「唔明喎，司機」
司機大佬：「個女仔由一上車就已經橋到你實一實，到第一個落車嘅時候佢仲橋住你。」
：「嘿，我哋好friend 㗎嘛」
司機大佬：「我睇就唔係啦，個女仔其他人落車都冇望過一眼，但係佢走嘅時候有回望到你。」
：「可能佢怕漏咗野呢，習慣嚟」
司機大佬：「唔知你哋啦，我個感覺就係女仔鍾意你，或者對你有興趣啦。」

我冇再答司機大佬，因為我都喺度諗緊司機大佬嘅問題，我同李曉嘅關係會進展成點，感性同理性又喺度打交，感情好似進步咗好多，但李曉個心好似唔係我度。嗰日我返到屋企都三點幾，然後我涼都冇沖，坐咗係沙發諗嘢就瞓着咗。