我倆的緣份，於半世紀前已經開始: 唱校歌嘅孖女姐姐

「是A、也是0，是A0也是單身!入得英華，預左sheshe，渡過這6年。讀書，讀到傻，assignment，多到抽筋。見恐怖雞，大把驚喜，she must let you down」X2

有兩個同學手拖住手，唱住學生流傳嘅校歌，一齊出場，係一對孖女。

「大家好，我地係….死啦…..呀….3年…係3年前畢業嘅畢業生，我係陳柏玲Frederica，我係陳柏瑩Elizabeth，我地係Twins」X2

出現啦!!!!英華好多年都未試過有孖女出現過表演

「我地兩個都好多謝校長婆婆一直以黎，對我地嘅照顧，好多謝校長婆婆係我地兩個升學果時俾好多意見我地，亦係婆婆將我地嘅潛能發揮出黎。校長妳好信任我地兩個，妳力排一班只有肌肉而腦部簡單嘅體育老師建議，將英華女校羽毛球雙打組合交左俾我地兩姊妹6年。我地讀書成績冇Nataile姐姐咁叻，但係我地為左報答校長妳，都用盡力去考好每一次試，校長妳亦係我地揀大學時俾好多意見我地。所以我地6年黎所有獎牌獎杯，都係屬於校長妳嘅，祝妳退休後有個美滿生活」X2





然後兩個姐姐又再唱住首校歌彈去佢地長椅個位到坐

婆婆拎起枝咪

「妳地呢對孖女嘛…冇得彈，daddy係屋企日日隻耳就俾妳地同埋媽咪三個人係到炮轟，係屋企嘈到飛起。不過，妳地真係好乖，讀書又叻打波又叻。不過妳地兩個又好反斗，激到姨媽Miss Lam生蝦咁跳」

「哦!!我地所有事都係姨媽教我地架，唔關媽咪事架」X2

好多人想搵契媽，但係佢地都搵唔到





然後，另一個音樂再次響起，今次奏出嘅竟然係英雄本色，唔通係哥哥?冇理由丫，今次上台嘅一定係英華學生，但係點解呢個人會用哥哥首歌嘅?

我諗一諗，只有一個人會用到呢首音樂

當年呢位英華大師姐為左保護d小師妹，帶領一大班同學好似講數咁去包圍一堆男仔

果然冇俾我估錯，再一次著起英華校服嘅大家姐，程詩敏雙手撓起企左係台上

大家姐果種煞氣呢，真係直迫媽咪