我倆的緣份，於半世紀前已經開始: 開始行奶奶政策的我

「契媽」
 
「唔?慧思?妳唔陪浩翹?」
 
「咁契爺入左去駕駛倉，我咪黎陪妳囉」
 
「傻妹，咁快行奶奶政策?」
 
「契媽….妳真係俾我叫妳做奶奶?」我面紅紅咁講
 


「我同妳契爺拍拖冇耐，我已經叫妳婆婆做奶奶啦」
 
「咁婆婆係咪好開心呀?」
 
「果陣呀?妳婆婆真係開心到彈起添啦」
 
「但係契媽…妳係咪真係F.6果年同契爺半同居呀?」
 
「果陣嘛…..佢有一排壓力過大，所以係學校暈低又流哂鼻血。所以我爸爸就叫我去佢到住照顧下佢」
 


「咁即係同居啦喎?」
 
「嗯…都算係嘅，一開始學校見哂家長架，不過奶奶同ba b一力承擔，所以學校都冇得反對」
 
「從此之後妳地咁甜蜜?」
 
奶奶佢笑一笑「講甜蜜都唔夠妳daddy媽咪呀?」
 
「咁佢地又真係幾甜嘅」
 


「妳媽咪咁多年都係冇變，佢k3果陣一個人食哂我俾佢嘅麵包，又唔肥先好野」
 
「媽咪k3果時點架?」
 
「妳媽咪好得意架，眼仔碌碌咁樣」
 
「不過佢去到中學就成個惡霸咁呢」
 
「其實妳媽咪係好幫人，同學有事佢永遠第一個企出黎。當年有個男仔追我，追到黎學校，佢又推跌雪晴，當時妳媽咪就搵左妳daddy同翀契爺上黎救我地。我仲好記得妳媽咪撓實雙手個樣，真係好有威嚴」
 
回頭望一望daddy媽咪，佢地真係一個願打一個願捱
 
「我聽講呢…daddy係媽咪F.1時已經睇中左佢啦?」
 
契媽望一望佢地，然後轉頭同我講


 
「係呀，妳daddy果時仲唔敢追妳媽咪」
 
「定係….果時媽咪同契爺…..」
 
「呀…係喎，果陣佢地拍緊拖，不過妳daddy好用心咁等妳媽咪啦」
 
「奶奶妳都係者，妳等足5年喎，而且個求婚仲咁甜」
 
「丫….妳個傻妹丫，咁八掛嘅」
 
「咁我有時都幾好奇架」
 
「慧思呀，上次妳daddy講果d野呢…我唔會反對嘅」
 


「妳指….搬上黎住?」
 
「嗯…」
 
「不過我仲未想離開媽咪呢，佢咁辛苦湊大我」
 
「所以話，我地生女係好過生仔」
 
「生男仔唔好咩?」
 
「生女痴屋企多d嘛」
 
「咁浩揚哥哥同家琪姐姐都成日返黎食飯丫」
 
「佢地又係一對糖痴豆咁，浩揚果時成日話唔想跟我返學校幫手，點知去左學校幾次，就好快追左家琪返黎」


 
「咁果時妳有冇驚喜呀?」
 
「果時真係嚇死添呀，係街到撞到自己個仔同自己個學生拍拖，拖哂手咁樣，仲要著住校服，搞到我又諗起中學果時d野」