我倆的緣份，於半世紀前已經開始: 真正嘅獅吼功

「慧思，做咩搞到浩翹咁尷尬呀?」
 
「婆婆，係佢蝦我先架，唔關我事」
 
我走去婆婆身邊雙手撓實婆婆
 
「我先唔信妳呀，咁多年黎，浩翹都唔會蝦妳，只有妳蝦佢」
 
「人係會轉變呢婆婆」
 




「妳睇妳，似足妳媽咪，妳公公寵到妳媽咪咁，妳爸爸又寵到妳咁牙尖咀利」
 
「但係婆婆妳教到媽咪收服到daddy喎」
 
「哼，唔係婆婆幫妳媽咪，邊得到有妳存在?」
 
婆婆轉身望向樓上教員室
 
「慧思，叫媽咪落黎」
 




「知道!!!」
 
我吸一吸氣
 
「媽咪!!!!!婆婆叫妳落黎呀!!!!!」
 
其他英華學生係到睇下我呢個恐怖雞三世嘅獅哮功去到咩程度
 
教員室冇反應
 




原來都係不值一提
 
「媽咪係咪出左教員室啦?」
 
「哼….妳睇下婆婆點嗌啦」
 
我同哥哥雙手塞住耳仔，然後聽到婆婆用獅哮功叫媽咪
 
「張詩敏!!!!!!!妳個衰女唔好係教員室到偷食零食啦!!!!!!!返去食飯啦!!!!!!!飯妳又唔食!!!!!湯妳又唔飲!!!!一日到黑掛住食薯片!!!!!」
 
然後五分鐘後就見到媽咪同契媽好快咁走落黎，而媽咪同契媽咀邊仲有薯片係到
 
「奶…奶奶….」
 
「媽咪….」




 
「妳兩個幾多歲呀?有正餐唔食，雪凝妳F.1上堂同Ivana成日偷食糖，詩敏以前妳仲犀利!!成份三文治拎上課室食唔止，仲要飲埋汽水，成個微型雪櫃放係Locker到。到而家大個做媽咪做老師，兩個都改唔到壞習慣嘅?」
 
「得啦得啦….唔好提啦好嘛…好多學生係到」
 
「唔鬧下妳點得!!好彩慧思唔似妳以前咁曳咋」
 
媽咪用獅哮功向我發出㗅聲，而我都不甘示弱
 
「㗅……」「㗅…..」
 
其他英華學生就係到，好似暗笑緊媽咪咁
 
「媽咪妳又點知妳孫女係學校搞d咩呢?」
 




「嘿!我又點會唔知!!!佢最多係上堂食痴飯之嘛!!!」
 
「我冇媽咪妳咁過份喎」
 
「妳….恃住有婆婆係到」
 
「㗅……」「㗅…..」
 
「奶奶….妳唔坐多陣?仲未有車到」
 
「哼，妳奶奶我仲係咁硬淨，我似70幾歲咩?洗乜坐」
 
「係啦係啦，媽咪妳最叻啦」
 
Daddy部車到左，我同哥哥陪婆婆上車，媽咪返上佢私人位，契媽跟我地一齊陪婆婆




 
係婆婆屋企，永遠都係最多野食，而且我仲要食極都唔肥
 
同埋，我食野真係好冇儀態，呢樣都係媽咪遺傳