我倆的緣份，於半世紀前已經開始: 媽媽們是非，我細細聲講給妳

「媽咪話過，佢學生同我爭男朋友，佢會保持中立，就好似….當年媽咪同雪凝姨姨爭契爺一樣，婆婆會完全中立」
 
Winnie碌大隻眼，唔可以相信我講嘅野
 
「妳話….Miss Lam同Miss Cheung以前爭男朋友?佢地明明咁好朋友」
 
「唔止雪凝姨姨，仲有雪晴姨姨同埋我媽聯手一齊爭，估唔到呢?」
 
「妳….妳點可以同我講呢D野……妳唔怕…」
 


「我點會怕?妳…係我媽咪同婆婆近年最叻嘅學生，而且媽咪話妳唔會計算人地，同我一樣咩都以最真面目示人，係雪凝姨姨心中嘅寵兒。妳，並唔係一個壞人，所以我信妳」
 
「但妳點可以咁對Miss Cheung?」
 
「點解唔可以呢?佢地成日都拎返出黎笑架啦，不坊話埋俾妳知啦，我同哥哥已經係第三代」
 
「第….第三代?」
 
「冇錯，我同佢之間嘅事，係50年前已經開始」
 


「50年前?即係校長同埋….」
 
「冇錯，婆婆同哥哥個爺爺，都係一對曖昧情人。哥哥個爺爺最愛永遠都係我婆婆，佢爸爸永遠都最愛我媽咪」
 
「妳話Miss Cheung….同Clodulf爸爸…」
 
「佢地都叫拍過兩年拖，只不過媽咪唔想輸俾雪凝姨姨，係契爺入英華前同佢分手，公公平平咁爭一次，不過輸左，所以先有我存在」
 
Winnie擰擰頭
 


「我…唔會做人第三者，我只係想祝福妳同Clodulf，可以開開心心」
 
「多謝妳」
 
「妳頭先講嘅….我當聽唔到，或者….可以借黎俾我寫下小說」
 
「妳…..寫小說?」
 
Winnie面紅紅咁講「其實我都係網上出過幾個故事嘅…….」
 
「筆名呢?」
 
「下…..我叫….不扣鈕的女孩…」
 
「woo!!!!!果幾個BL故係妳寫嘅?!」


 
Winnie面紅哂咁望住我
 
「妳…妳有睇?」
 
「有呀!!!我地成班都有睇!!!!隊佢屎忽果幕真係一流呀!!!!!!」
 
估唔到……Winnie都係腐女一族……
 
我行返去哥哥身邊，嘟長個咀望佢
 
「你就叻啦，英華最好果個學生都俾你吸引到」
 
「Winnie佢冇對妳做d咩丫嘛?」
 


「你估佢好似你地d男仔咁樣咩，佢同我傾下計者」
 
「傾咩呀?」
 
「女仔野，你知黎做咩?」
 
「咁…妳係我女朋友嘛」
 
第一次聽佢咁講，個心有d甜
 
「佢同我承認佢對你有意思囉，係咁多咋」
 
「仲有冇?」
 
「唔…咪話好早之前就估我係邊個囉」


 
「就係咁?」
 
「難道你覺得佢問我，可唔可以將個男朋友分一半俾佢?」
 
哥哥低頭諗一諗
 
「都好喎」
 
我聽到佢咁講，就立即碌大對眼望實佢
 
「你…你試下!!我…我剪左你架!!!!」
 
哥哥聽我要剪佢，佢下意識保護自己果度
 


一個皇仁男仔，同一個真光女仔，係英華女校入邊構出左一個得意嘅畫面
 
然後我地聽到好多學生不停打招呼

「校長」「校長」
「校長」
「校長」
 
噢….婆婆出現了