我倆的緣份，於半世紀前已經開始: 究竟我媽咪以前係咪Les?

「唔?你諗緊咩?」
 
「下?唔…我諗緊我地個joint school show之嘛」
 
「你唔係話唔表演咩?」
 
「但係妳又上台演出，無理由要個老婆自己上台架嘛」
 
我聽到佢叫我做老婆時，我面紅紅望實佢
 




「你…咁快想我做你老婆啦?」
 
「妳唔係話要嫁我咩?」
 
「喂呀…你蝦我嘅」
 
「戰鬥暴龍妳練好琴未呀?」
 
「唔….仲有時間，不過我晚晚都有練」
 




「我期待妳嘅表演呀」
 
返到屋企，攤係床上邊
 
唉，點解會應承媽咪幫佢架……
 
就係中期試之後，我地個joint school talent show又差唔多開始啦
 
好多同學都不停練習；有唱歌、夾band等等…
 




而我就係屋企不停同媽咪仲有契媽係到夾，雪晴姨姨就係到俾意見
 
「慧思妳打算幫媽咪上台唱歌呀?」
 
「係呀，『小城大事』丫嘛」
 
「妳媽咪當年唱得好好聽架喎」
 
「咁…媽咪得，我都得者，我係佢個女喎」
 
雪晴姨姨望一望周圍再同我講
 
「知唔知點解妳媽咪唱得咁好聽?」
 
「點解呀?」我一面黑人問號




 
「因為妳媽咪果陣仲….唔…」
 
「仲係好鍾意契爺?」
 
「可以咁講」
 
「媽咪真係咁長情?」
 
「我肯定妳媽咪而家都係鍾意風哥哥，如果妳daddy同我家姐唔係到，佢會立即再嫁」
 
「嘩!!!咁我咪冇得嫁俾翹哥哥?」
 
「傻啦!!!妳都唔想發生架嘛」
 




「咁當然啦」
 
「咁慧思妳會上台唱咩歌呀?」
 
「唔…我會唱返婆婆當年首歌，仲有媽咪果首」
 
「仲有冇?」
 
「唔….我自己唔知唱咩好….」
 
「妳想呢?」
 
「真係諗唔到呀」
 
「咁妳同媽咪會唔會合唱?」




 
「呀……呢層…….」
 
媽咪係我同姨姨後邊出現
 
「談情說愛囉」
 
「媽咪?」
 
「姐姐妳仲記得?」
 
「同妳合唱喎，點會唔記得?」
 
「媽咪…我唔明喎」
 




「雙人單手琴，我彈過兩次，一次係同妳婆婆夾，另一次呢….」
 
媽咪走去姨姨背後，雙手摸住佢膊頭，將下巴挨落去
 
「就係同雪晴姨姨一齊表演」
 
「嘩…..妳兩個以前Les架?」
 
「雪晴，咀咀~」
 
「錫~」
 
睇黎媽咪同雪晴姨姨以前都有過一段情