我倆的緣份，於半世紀前已經開始: 輕輕偷吻

「慧思?妳醒未呀?」
 
「媽咪?唔?翹哥哥呢?」
 
「浩翹?佢係浩揚間房瞓緊，佢好似好攰咁」
 
「唔…..今日係攰左少少嘅」我係翹哥哥張床上伸左個懶腰
 
「妳地兩個好叻喎，識去買餸」
 




「係翹哥哥叻者，唔…我去廚房幫手啦」
 
「打邊爐d野?契媽搞掂哂啦，妳快d去叫醒翹哥哥啦」
 
「知道!!」
 
我走到去浩揚哥哥間房，入邊全部都係模型、槍，而翹哥哥間房就係書同埋書
 
翹哥哥瞓左床上，我慢慢行埋去，望一望後邊確定媽咪同契媽唔係到果時，我偷偷咁錫左翹哥哥一下
 




咁大個女第一次主動錫男仔，仲係自己鍾意嘅男仔，個心真係跳得好快好快
 
「唔……」翹哥哥開始郁，我立即坐返好，然後用我最招牌嘅方式叫佢起身，我成個人坐上佢到
 
「起身啦!!!!食飯啦!!!!」
 
「唔?思思?妳醒啦?」
 
「我叉滿電啦!!!」
 




「咁我去廚房準備野啦」翹哥哥好攰咁落床
 
「唔洗啦，媽咪同契媽準備好啦，出去食野啦」
 
我地出到去，媽咪同契媽已經準備好哂D野，我地兩個一坐低就食野
 
「拿!!!食牛啦你!!!」
 
「做咩對我咁好呀?」
 
「見你俾我地成班女仔玩左咁耐」
 
「浩翹呀?真光好唔好玩呀?」
 
「咪又係女校一間，不過佢地班真光妹真係幾好玩嘅」




 
「咁你以後上黎玩多D囉知嘛」
 
「慧思，唔好整估阿哥啦」
 
「都係學妳者媽咪，妳以前咪成日要daddy去接妳放學」
 
「唔?Jasmine妳要阿熙去接妳?冇俾奶奶震落山咩?」
 
「佢次次都係公園仔等我啦，媽咪邊會俾男仔係學校門口等人放學呀，除左阿哥之外」
 
阿哥仍然不停係到食牛肉，佢都有幫我夾烏冬
 
「唔?浩翹你知道呢個麻煩女鍾意食烏冬呀?」
 




「姑姐呀，我識呢個傻妹16年，點會唔知佢鍾意食咩、唔鍾意d咩。如果妳叫我而家立即娶佢，我都冇問題」
 
我聽到翹哥哥咁講之後立即碌大雙眼望一望佢，然後立即面紅紅咁低頭食野
 
係我低頭果時，我又見到媽咪同契媽係到暗笑
 
「嘩….妳好熱呀?定係怕羞呀?妳唔係以為我真係會娶妳呀?」
 
「我…我又話過一定會嫁你…你你你想同我拍拖就去排隊拎張form填左先，然後返屋企等通知interview」
 
「妳有冇咁多人追呀?肥鴿話妳係有男仔追，一個King屎仔，一個華仁仔，一個喇沙仔、一個db仔，都係4個者」
 
「嘩…慧思，估唔到妳仲多人追過妳媽咪」
 
「唔?媽咪細個唔係好多人追架咩」




 
「妳媽咪?同一時間有兩個男仔爭佢，佢等人爭到尾果時先話人知妳爸爸嘅存在」
 
「邊係呢，我邊夠Jessie姐姐妳多人追呀?」
 
「唔?契媽又好多人追?」
 
「妳契媽有個綽號架，同大家姐一樣，係冰山美人」
 
「點解嘅?」
 
「好啦好啦慧思，唔好問啦」
 
「哦!媽咪呀?因為佢一早就俾爸爸俘虜左，係小學三年級果時」
 




「邊…邊個講你知架浩翹?」
 
「姑媽同阿姨囉，唔通爸爸咩」
 
「呀!!!!!佢地咁多口架」
 
「Jessie姐姐，怕咩俾人知者」
 
「我仲知姑姐妳當年同爸爸兩個人打低成隊校隊嘅事添」
 
「呵呵，英華d校隊我一向唔放係眼內，到而家都係」
 
「媽咪…好心妳幾廿歲人就唔好想當年啦，妳而家打完波都要休息返幾日呀」
 
「衰女!!妳咁話我?妳媽咪我d三分波技術仲係到架」
 
「係囉…不過俾爸爸一下拍落黎之嘛」
 
「詩敏妳仲係俾阿熙咁拍呀?」
 
「係呀!!!今晚我又會趕佢出廳瞓架啦!!」
 
點解我覺得今晚daddy同媽咪又會大戰一場嘅…