我倆的緣份，於半世紀前已經開始: 圖書館

係第二日嘅放學時間，我係OV班房門口等佢
 
「妳同阿哥今日去溫書呀?」
 
「嗯……妳呢?」
 
「我呢，就唔做電燈膽啦」
 
「但係妳唔黎…佢會唔會好被動?」
 




「就算我黎左佢都會好被動架啦，去啦妳」
 
隨住OV出發去中央圖書館，我同Silvia都慢慢行落山，同平日唔同嘅係，我係頭茸茸口咁行落去，而且，仲係行斜路，唔係行樓梯
 
一邊行一邊諗，佢地兩個今日會唔會溫到好開心，溫到好夜，之後阿哥送OV返屋企….然後係一D暗角位同佢……
 
「喂，沙律…沙律!!!」
 
「呀!係!」
 




「妳擔心佢呀?」
 
「邊…邊到有呀」
 
「但係，妳做咩無啦啦會黎到呢到呀?」
 
「邊到呀?」
 
「妳自己睇下啦」
 




[中央圖書館]
 
「唔…唔係妳帶我黎架咩」
 
「妳咪屈我呀，妳自己慢慢行過黎架」
 
「咁…咁走啦」
 
「入去啦，妳明明就係想裝佢地」
 
「唔係太好啦，佢地兩個第一次單獨相處」
 
「咩唔好呀，妳睇下幾多同學係到行黎行去」
 
我轉頭一睇，果然有好多同學係圖書館內遊蕩，而好多都係我識嘅，應該都係黎睇戲居多




 
「搵個位坐低啦，不過妳阿哥鍾意坐咩位架」
 
「窗邊，一定係，大約…4樓」
 
於是我跟住我自己嘅直覺，去到4樓窗邊搵左兩個位坐低偷睇，果然冇俾我估錯，阿哥同OV的確係黎4樓窗邊位置
 
「醒喎，真係俾妳估中!!」
 
「洗乜講，我識佢咁耐，當然知佢習慣啦」
 
「最叻係妳啦」
 
係我同肥鴿傾完計再抬頭果時，已經唔見左阿哥同OV，我亦都好緊張咁起身望
 




「沙律!!!」
 
「做咩呀?佢地唔見左呀」
 
「唔係呢….」
 
「咪嘈啦，要搵返佢地先」
 
「呀…」
 
「李慧思，妳好得閒?」
 
把聲…好熟，然後當我擰轉身時，我個鼻俾人彈左一下，會咁樣完全唔珍惜我呢位美女嘅男仔，只有一個
 
「阿哥…..」




 
「妳唔係唔得閒咩?做咩坐係到呀?」
 
OV見到我坐係到，有少少失落，因為佢以為可以同翹哥哥兩個人相處下，如今我又出現左。所以我要搵個藉口逃跑
 
「我…我黎搵資料架…我夠鐘返屋企啦，媽咪等緊我」
 
阿哥一手拉住我條腰，拉我返佢身邊
 
「姑姐今日要開會，冇咁早走，而且佢叫我今日要捉實妳」
 
「點…點解呀?」
 
「今晚妳冇飯食，要我陪住妳」
 




「媽咪冇咁講喎」
 
「佢10分鐘前打黎，連埋我媽咪一齊打黎」
 
「咁樣……」
 
「留定唔留?」
 
我個心當然想留低啦….不過OV又係到，我可以點揀呢
 
「我留低….你教唔到OV功課喎」
 
「放心啦，我可以一打二嘅，坐低」
 
「知…知道…」
 
我唯有乖乖地坐係佢地對面，本來哥哥想叫我過佢果邊陪佢架，不過我用肥鴿過橋，令到自己住係原本位置
 
既然俾人發現左，唯有乖乖地拎D功課出黎做同溫書啦。而阿哥同OV就係我地對面，OV經常問阿哥問題，不過我聽唔明佢地講咩啦，始終佢地兩個係理科人，而我就係一個文科人，點解我揀文科?家族性遺傳掛
 
正當我係到溫緊geog果陣，對面突然扔左幾份notes過黎；有Eng lit、history同geog，全部都係我elective嘅科目
 
阿哥佢take嘅係PHY,CHEM同BIO喎，而且佢仲會問IS科同學拎Notes黎睇，完全係一個理科人，唔通佢為我而去搵文科notes?
 
而且notes上邊仲有d註解同埋分析，仲有highlight左嘅point，自己jot嘅notes之類，我認得，係哥哥手字……即係…佢同一時間take自己三科之外，仲問IS科拎notes之餘，仲幫我係我果三科elective到問人拎notes同自己幫我睇重點?
 
佢係唔係人黎架!!!所以媽咪同契媽話，契爺三個仔女之中，係翹哥哥最似佢，做咩都係要盡全力咁做
 
望見佢幫我整理嘅notes，我個心非常甜，我眼前呢個青梅竹馬嘅男仔，可能係世上唯一一個會咁錫我，對我咁好嘅人
 
Silvia用手肘撞一撞我，指一指張memo紙，係佢俾我嘅msg
 
<做咩笑得咁甜呀?>
 
<關妳咩事喎>
 
然後佢俾左個奸笑我後，就繼續投入history世界。而我就跟住哥哥俾我嘅notes去溫書
 
我地呢個溫書節目去到夜晚8點左右，隨住Silvia屋企電話黎而告終，然而我聽到嘅唔係佢問我食咩……我聽到嘅係一句令我覺醒嘅問題