我倆的緣份，於半世紀前已經開始: 犯上死罪

Silvia用手肘撞一撞我「喂，身有屎呀妳?」
 
「邊…邊到有呀?」
 
「妳把口話冇者…但係妳個樣同埋緊張嘅表情出賣左妳喎，拿，tissue呀，抹下面先啦」
 
「唔該哂…..呼….舒服哂」
 
放學嘅時候，我同Silvia一齊行落山，佢確定OV唔係我地後邊果時先問我
 


「其實妳係咪….鍾意左妳哥哥呀?」
 
「唔係啦…點…點會鍾意佢喎」
 
「喂，講真話呀，沙律」
 
真係任何事都瞞唔過呢個幼稚園開始同我同班嘅同學
 
「拿….只係….好感咋….只係怕…佢俾OV搶走唔再錫我咋」
 


「哎呀，妳犯死罪啦沙律」
 
「我…我又唔係鍾意佢」
 
肥鴿同我一齊坐係公園仔到，慢慢咁同我詳細分析
 
「妳諗下，OV而家旨意妳幫佢令妳哥哥對佢有意思，但原來妳自己又怕OV搶走佢，咁係咪自相矛盾先」
 
「又可以話係嘅……」
 


「仲有喎，OV知道妳同Clodulf 有一條家傳頸鍊，仲要係可以併埋一齊嘅情侶鍊，妳話死唔死?」
 
「咁點算呀….」
 
「最重要果樣都未到呀」
 
「係咩呀?」
 
「Clodulf佢自己對妳好似有意思，今日佢d同學同妳講左d咩，之後妳塊面紅哂?仲要係極速果隻喎」
 
「今日….佢地話我係程太…」
 
「都話架啦，妳地呢d青梅竹馬嘅契兄妹實會出事，咁妳媽咪同佢爸爸…」
 
我點一點頭話佢知事實


 
「Shit!!!!!喂，妳地兩家人搞咩呀?做唔成夫妻，就旨意下一代?」
 
「係第三代…..老契爺一開始係鍾意婆婆先…..」
 
「嘩頂!!!!妳地呢段愛情故事真係橫跨三代呀!!!有冇興趣出返本小說咁呀?」
 
「妳咪亂講啦….OV同佢真係幾襯…兩個又係理科人，成績又好好….我邊襯得起佢丫……」
 
「襯唔襯呢，就要相處落先知」
 
「咁我都同佢相處左16年啦」
 
「喂，妳果陣係佢妹妹喎，而家我地講緊係妳同佢拍拖，甚至係嫁俾佢做佢老婆喎」
 


一聽到做翹哥哥老婆，我又不自主咁面紅
 
「咁其實呢….妳地細個有冇話玩煮飯仔，妳做佢老婆咁架?」
 
「嗯….」
 
「咁….有冇咀過呀?」
 
我望一望四周之後，好怕羞咁點左下頭
 
「Oh!!!!!所以妳一早就鍾意左佢?只係妳咁耐以黎唔想承認?」
 
「冇….冇呀!!!!咁我呢d獨生女…..自然想搵返個哥哥錫我照顧我….」
 
「咁妳又唔搵排第二果個嘅?」


 
「揚哥哥?佢……唔…..中學已經有女朋友，所以佢好少陪我玩」
 
「英華妹?」
 
「嗯」
 
「嘩….佢成家男仔都鍾情旗袍校服架?」
 
「係掛…」
 
「今日傾到呢到啦，妳哥哥黎緊啦」
 
「嗯…」
 


翹哥哥同肥鴿打完招呼後，就過黎同我去搭車返屋企
 
「俾個書包我啦傻妹」
 
「做….做咩喎，一陣俾OV同埋其他同學見到….」
 
「怕咩喎，妳係恐怖雞三世嘛」翹哥哥好順手幫我拎書包，我好拘謹咁樣收埋兩隻手係背面，刻意保持一段距離同佢行
 
我地兩個住得近唔近?當然近啦，所以我地經常會約埋一齊返放學
 
「喂，OV佢話想同埋我地一齊溫書喎」
 
「咁….你同佢一齊去溫咪得囉，唔洗同我講架」
 
「其實…我同佢講我同妳經常兩個人去溫書，所以…佢又想一齊黎」
 
「你…你做咩話同我一齊溫呀!!!」
 
「咁我又真係想見妳多D嘛」
 
我聽到佢咁講，腦中出現左一個念頭，之後立即返回現實。唔會嘅….我同佢係兄妹關係，絕對唔會越界
 
「咁你地…想幾時係邊到溫?」
 
「聽日去中央溫囉…妳會唔會陪我?」
 
「暫時…唔太好」
 
「點解?」
 
「OV佢對你有意思，你唔係唔知呀?」
 
「唔…又唔會嘅…佢做到咁明顯」
 
「你同佢相處下啦」
 
「但係…..」
 
「你係咪已經唔聽我嘅說話啦……」我再一次扁起個咀望住佢
 
「但係思思呀…」
 
「我怕我俾人話同OV爭男朋友呀….呢個係女校係死罪黎架…..你係咪想我係學校俾人杯葛丫…」
 
「唉….好啦好啦….」

返到屋企，即刻拎埋衫褲去沖涼

「今日想浸～」係洗手盆隔離拎咗一個獨立包裝嘅溫泉浴鹽

開咗一大缸水之後將浴鹽嘅包裝撕開倒入水中，浴鹽頓時浴化喺熱水之中，等到水位差唔多嘅時候，閂上水龍頭，然後坐入去熱水中

「呼～」頓時感覺到壓力同疲倦瞬速飛走