[中學][純愛]讀男校嘅我，到底係咪真係咁難識女仔？: 再遇

這天原是平平無奇的一天，至少我以為是平平無奇，但在此時我卻遇到了她。 

這天是一定很特別的假期，雖然是一個考試天，但我沒有應考的科目。我早早便規劃好要自己一個去閒逛及看新上映的《永恆族》。我依舊走到數碼港，買了一張電影票，看過電影，簡單吃過午飯，再到書局走走。 

當我因為找不到心儀的書而苦惱時，我卻遇到了在英文小說分類東翻西找的Morgan。我內心也不敢相信我倆竟然會再次遇見。 

「我到底好唔好同佢打招呼呢？」這條問題在我心中不斷徘徊，我從未試過主動與女性搭訕，於是我鼓起勇氣，慢慢地走上前。 

「Hi，咁啱嘅。」我輕聲呼喚她。 





她轉過頭來，我們四目相投了兩秒。我不好意思地把我地頭與目光轉向書架，她也害羞地低下頭。 

「係囉，咁啱嘅，好耐冇見。」 她慢慢地抬起頭，我倆再次望着對方。這短短的幾毫秒，我的心掀起了無數的巨浪。 

「你又要喺度嘅？」正當我內心因不知所措而停止運作時，她主動說起話來。 

「我咁啱今日有嘢做，所以先出嚟呢邊。你呢？又會咁啱你都喺度嘅？」 

「我喺附近返學，放咗學咪嚟行吓囉。」 我望向她，黑色的皮鞋，早已掉色的鞋頭，長長的白襪，下半身是潔白的長裙，上半身穿着住一件灰色的衛衣，蓋過了她的校服。 





「你好鍾意睇書㗎？」我問道。 

「還好啦，係平時無嘢做先睇吓英文書咁囉。你呢？」 

「我都係還好，不過幾鍾意睇香港作品多啲，感覺貼地啲。我咁啱都想睇吓啲英文小說，你有冇啲咩推介呀？」我嘗試瞭解她的愛好而問道。 

「好呀！我揀俾你呀。」說完她便彎下身，專心地揀選着。 

「你想唔想一齊食啲嘢？」我衝口而出問道，我也不知道這是哪來的勇氣。 





「我今日唔得呀，下次先啦！」她手持着三本厚厚的小說，慢慢地挺直腰。 

「嗱，呢三本夠你睇兩個月㗎啦。你加我IG呀，等你睇完再搵我，我再推介啲比你」她一邊把書本交到我手一邊說。 

我單手接過她手中的書本，另一隻手接過她的手機。 

「咁我去埋單先啦。」 輸入一番後，我把手機遞回給她，然後走到收銀處。

當我再次回頭，她已不在了。我的眼神中閃過一絲失落，但也只好接受。 

我坐上巴士，聽着歌，回想着這奇妙的緣份，嘴角不自覺地上揚。 

歸家後，我便立刻打開電腦與謙哥分享這段奇妙的經歷。 

「唔會啩，咁都遇到咁有緣。」他的語氣激動得很。 





「係呀！我仲叫咗佢推介啲英文書俾我。」我盡力表現得平靜地說。 

「唔係啩，你竟然會睇英文書？你係咪沉船呀？」他驚訝地問道。 

「唔係呀，點會呀，見過兩次咋喎。」我極力否認着。 

謙哥這條問題在我腦海裡不斷重複着，我到底是否對她心動了？我不敢肯定，這是頭一回我對自己的感覺不清楚了。 

睡前，我選了其中一半英文書來看《Modern Love, Revised and Updated: True Stories of Love, Loss, and Redemption 》，書名真的有夠長。就是這樣，看著看著便進入了夢鄉。 

「賢仔！」一把熟悉又陌生的聲音正叫喚着我。