[中學][純愛]讀男校嘅我，到底係咪真係咁難識女仔？: 交流

「望咩望到咁入神呀？有靚女咩？」 

熙姐一邊問我一邊往那女子方向望去。 

「想識咪去撩人傾計囉！」 

阿衡帶著他一貫自大的語氣說。 的確，所有事在他的角度也是非常簡單，但我卻沒有上前搭訕的勇氣，大概是怕别人把我當作怪胎吧。 

「唔好啦，咁尷尬。」 





話音剛落，他卻早已走了過去。那女子先是錯愕，然後嘴角上揚，下一秒他們便一起走過來。我望着他倆，下巴都掉下了。 

「Hi，我叫Morgan」 她的自我介紹中有着三分害羞及七分尷尬，她望向我們輕輕揮了手。 

「Hi，呢個係熙素，佢隔離係我女朋友Natalia，再隔離係覺得你好靚女嘅賢仔。」 

阿衡他介紹我們說。不得不稱讚他在另我尷尬方面從未失手。Morgan尷尬地望着我，我們相視，微笑地點了點頭。 

我們一邊聽着阿衡大聲地分享着自己的事，一邊渴酒。過了半小時，八罐啤酒也快要喝完。 





「我同Natalia去買多幾Pack酒先，好快返。」 阿衡站起來，與Natalia手牽手地離去。 

我，熙姐和Morgan三人靜靜地望着大家，我很想說些話來炒熱氣氛，但我卻沒有這勇氣。 

「我留咗啲嘢喺架車度，好快返。」

 說完，現在也只剩下我和Morgan對望着。我深呼吸，腦海裡想著有甚麼話題可以打開。 

「我哋係咪見過面？」 





她突然開口，把我從自己的腦海世界裡拉回來。面對這條問題，我心裡出現了數不清的問號，我思考了一會。 

「應該無？或者有但係耐到我都唔記得。」我摸了摸頭說。 

「咁睇嚟係我記錯啦。」她帶着些許失望的語氣道。 

「係喎，你用Discman機㗎？」 我突然開口問她。

這是我為數不多與異性交談的機會，所以我決定主動出擊，當然這是一條「阿媽係女人」的問題。 

「係呀，你又識嘅？我以為已經無人識呢啲嘢㖭。」 她望向我，眼神中帶住驚喜。 

「我之前喺屋企執嘢嗰陣搵到部，不過已經壞咗。估唔到竟然見到仲有人會用Discman出街聽歌。」 

現今香港社會稍為出位及破格的行為都很容易被標籤，網絡上的行屍走肉們最喜愛便是透過一張極低清的照片去發揮自己的「小宇宙」。就是這樣的氣氛，另到不少人都變成一隻有一隻「社蓄」，每天都是活在他人的目光下。 





「因為我鍾意玩實體嘅Album，咁買返嚟又無得攞出街聽好嘥㗎嘛，所以咪喺屋企搵部Discman出來用囉。」她一邊說一邊把弄著手中的Discman。 

與我這麼投契的女子我也是第一次見，我抑制着心中興奮的心情與她交流。 

「咁你有冇特別鍾意聽邊個歌手？」 

「都係Ed Sheeran，Taylor Swift嗰啲囉，由細聽到大。」

就在此時，他們三人回來了，阿衡高舉着手中的啤酒，興奮地高呼着。看來他今晚又要搭的士歸家了。