中四那年，我因為五毫子而成名: 3.12

「你地頭先講嘅野，我mark底左。一個禮拜後，我見多次你地，我會比個交代你地同全部同學。」

「校長，最後我想同你講聲唔好意思，我地呢個禮拜日日放學叫口號騷擾到你。」我向校長鞠躬。

校長好像有點錯愕，他連忙說：「唔好咁講。我唔好意思就真，如果冇你地我唔會知道學校原來一直咁多問題。」

我看著校長，內心只有感謝。

「多謝你，校長。」我說。





校長打開門，外面再次傳來嘈吵的口號叫喊聲。於是，校長把門關上。

「你地可唔可以幫我做一件事？」校長問。

我和Robin同時點頭。

「我陣間要向操場嘅所有同學交代，你地兩個可唔可以企起我隔離？」
===================

我們三人走上小講堂，校長站在中間。下面的同學看見我們三人就安靜下來。





「各位同學，頭先我同左兩位同學代表見面，我了解左大家嘅情況。由於事情有少許複雜，我已經向兩位同學承諾一個星期後會答覆大家……我交比兩位代表同大家講下。」

我看了一下Robin，Robin用眼神示意讓我來講話。或許是Robin畏高，他從站在講台上就好像一直平視著，沒有俯視下面的同學。

我深深吸了一口氣，然後用抖著的右手從校長手上接過咪：「呃……正如頭先校長所講，我地將呢兩個月發生嘅事情講左比佢知，佢話會跟進，一個禮拜後會再見我地。」

我俯視著下面的同學，他們都抬頭看著我。我再深深吸了一口氣，繼續說：「我地希望大家繼續罷食小食部，直到校長比我地一個答覆。」

我把咪交回校長，手心都是慢慢的汗。





「咁今日嘅早會我宣佈完結，大家可以翻翻去自己嘅課室準備上堂。」

說完，他就走下講台，我們兩個也跟著。

「Joyce，Robin，咁我地下個禮拜放學時間再見，你地有咩隨時搵我。」

「好，到時見。」我說。