中四那年，我因為五毫子而成名: 3.11

早會開始前的五分鐘，領袖生如常的拿著班別的牌子走到操場，本來打算走到操場的標記上。可是，看到我們都堆在一起，他們只好把牌子拿回去了。

上課的鐘聲響起了，可是沒有一個人像以往的走到班級所屬的位置列隊，大家還是圍成一團叫喊著。

陳主任走上一樓的小講台，我們都看到了陳主任的臉。看到陳主任，大家的聲音有增無減。

「陳主任」

「下台」





操場上不斷的重複著這一句。

「大家靜啲先。」儘管她拿著咪，聲音還是無法超越操場上的同學得叫喊聲。

旁邊的老師在大聲勸喻：

「同學聽陳主任講野先好唔好啊？」

「你地靜一靜先啦。」





同學不斷的叫著口號，完全無視身邊其他老師的勸告。

陳主任實在無計可施，走下講台，然後站到一旁。

過了一會，校長從校長室走出來，走到一樓的講台位置。所有人的目光都投向校長，此刻的校長仿佛帶著光芒。

我們努力了這麼久，終於可以見到校長了！

他拿起咪，然後開口說：「同學聽我講兩句。」





同學們全都靜下來，等著校長接下來的講話。

「各位同學，我係黃校長，我明白大家都有意見想表達，我都想親身見大家，但係礙於我地冇辦法見曬咁多同學，你地可唔可以搵代表上黎？」

同學們四周張望，尋找著那個「代表」。

同學：「代表？」

「邊個召集嫁？」

「我睇Facebook好似叫Beans Hong？」

「邊個叫Beans Hong？」

「乜我地學校有呢個同學？」





我跟Robin對望了一下，然後舉手。

校長看到我們兩個，然後說：「你地兩個上黎。」

「你真係要去？」Lily抓住我的手。

「唔……」說實話，我還是有點擔憂。

「你地自己小心啊。」Kitty大概是知道我非走不可。

「我地會，放心啦。」我拍一拍她的肩膀，然後跟Robin點了一下頭。

我們兩個從人群中走出去，每一步都好沉重。





這是我們期待已久的事情，可是當機會來到，卻是非常不安，完全無法預示即將發生的事。只是走一層樓梯也足以讓我有點喘不過氣來。
上到一樓，我們就看見校長站在講台的旁邊。我們一步一步的走近校長。

從一樓望下去，我不禁感到驚訝。這是我第一次早會的時候從一樓看下去，原來是如此的壯觀，下面都是同學，堆得密密麻麻，就像一窩螞蟻一樣。

此起彼落的叫喊聲，每一隻渺小的螞蟻集合起來的力量居然可以撼動一座大樓。

校長的樣子和藹可親，看見我們的時候還面帶笑容。

「校長你好。」我們急忙鞠躬打招呼。

「入去校長室再講。」校長說，然後走到旁邊的校長室把門打開。我們兩個也跟著進去。

校長室很整齊，就像大家都看過電視上接受訪問的校長的房間。一張檯，後面一個整齊的玻璃櫃，旁邊還有一個書櫃。





校長坐到自己的凳上，然後說：「兩位同學坐啊。」

我們也聽話的坐好。

「你地叫咩名同埋邊一班？」校長一臉認真的。

「我係4D班余楚思，可以叫我Joyce。」我說。

「我係4E班甄志軒，可以叫我Robin。」Robin說。

「Joyce同Robin，就係你地兩個召集啲同學？」校長打量著我們兩個。

「係，我都係逼於無奈先咁做。」Robin無奈的說。

「可唔可以話比我知咩事？」校長把頭伸前了一點，一臉冷靜的問。





「校長你知唔知道同學一直都對小食部有好多意見？」Robin首先反問。

「哦，小食部遴選係有機制嘅，同學、老師同家教會都有代表去投票選出。至於對於小食部嘅意見同反映，通常都係陳主任負責。」

「好多同學都同陳主任反映過意見，佢話會反映但係一直都冇改善。」Robin說。

校長一副沉思的樣子，然後拿起筆在紙上作筆記。
Robin接著說：「呢幾個禮拜都有幾件事發生左，令我地覺得可能有老師包庇小食部。

首先係我地有同學整左本「覓食指南」，入面有唔同外賣同埋杯麵嘅資料，等同學多啲午餐嘅選擇。咁好自然多左人叫外賣。

之後，陳主任就將攞外賣嘅同學記名同訓話，宜家每次攞外賣都要check手機；再過幾日，學校嘅熱水機寫住壞，但係實質冇問題出現，但係陳主任堅稱水機有問題。

仲有學生會提出過想寄賣杯麵，等同學可以食平啲，但係負責老師以唔健康為理由拒絕。

而起Facebook留言批評過小食部嘅同學比陳主任叫左去問話，要佢地刪除所有留言。」

校長思考了幾秒，然後回應：「睇黎呢段時間都發生幾多問題下，你地有冇試過搵陳主任傾下？」

我說：「我地有，但係冇用。」

校長說：「我地學校嘅立場都係想同學有健康嘅午餐，同時都好希望尊重你地自己嘅選擇。如果我地可以整一個公開嘅平台比同學同小食部負責人對話咁樣大家溝通都會好啲？」

我繼續說：「我諗咁樣應該可以提升翻小食部嘅質素。

不過，除左要改善小食部嘅問題，我地都覺得要同學del 留言同check手機都係損害同學嘅自由。」

「其實，學校一向都好尊重同學嘅言論自由，輔導組老師提出一定有考慮好多野嘅。」

「我都明白佢地有考量，但係同學有自由表達嘅權利，我諗最多同學不滿係佢話要維持學校形象所以要同學del post。但係其實成件事係同學無處伸冤先要上Facebook，咁樣簡直本末倒置。」

校長在紙上寫了一會，然後說：「我明白，呢一樣野，我要同訓導組老師了解下。」

Robin說：「最後一樣，可能有少少複雜，關於陳主任。我諗得校長你先可以幫到我地。我可唔可以借一借你電腦？我想開少少野。」

「你開啦。」

「呢個我地Facebook inbox，有個自稱前學生會嘅人，佢以前都係投小食部嘅學生代表。佢話陳主任威脅佢地要投比宜家呢間小食部，如果唔係對佢地嘅經費有影響。我地估呢個就係咁多年黎都係同一間小食部當選嘅原因，就係陳主任威脅學生。」

校長忽然收起笑容，然後嚴肅的說：「我作為校長，會確保甄選過程公平、公開、公正，唔會容許呢啲事情發生。始終你呢個都係網上信息，我諗我都要同相關嘅人查證下。」