中四那年，我因為五毫子而成名: 2.10 水機？

我一邊食飯，一邊觀察著小食部的人龍，似乎回到「指南」剛推出的時候了。可是，操場的水機今天忽然大排長龍，水機前排了二、三十人，平常頂多只有兩三個人排隊。

好久沒見的Robin突然出現在我面前，他拿著杯麵。

「Joyce，有冇人坐？」Robin指一下我旁邊的空位。

「冇啊，坐。」我說。

每次Robin來找我總是覺得有事情發生，我的直覺不會錯。





「上面三樓、四樓同五樓嘅熱水機都壞左，所以地下部機好多人排隊。」Robin解釋了人龍的出現。

「怪唔知得咁多人啦。又會冇啦啦今日一次過壞三部？」我說。

「係囉，好奇怪，不過學校應該會搵人維修嘅。」Robin說，然後吸了一口杯麵。

我嘗試整理一下這兩個星期發生的事情，首先是我們發佈了指南，然後學校叫外賣和自備午餐的人多了。接著學校打壓外賣，然後就到今天壞水機。
「你覺唔覺得怪怪地？由我地出完指南之後，學校唔比人叫外賣，然後封左啲熱水機。」我說。

「你咁講又真係好可疑，唔通佢係針對我地？但係點解要針對我地？」Robin思考著。





「佢做呢兩樣野最大嘅利益者係邊個？」我想著。

「係小食部。」我們兩個異口同聲的說。

「我地出指南教大家叫外賣同自備lunch，最大影響嘅係小食部。」Robin說。

「我地上去睇下啲熱水機係咪真係壞，就會知道答案。」我說。

我們兩個二話不說，離開飯堂，拿著水樽跑上了三樓的水機。





三樓的水機上面貼著一張寫著「壞機，冇熱水」的紙在出水的鐵柱。

我一手把那張紙撕去，然後扭開水制，熱水冒出蒸汽從鐵柱流出，流到我的水樽。

「吓，啲水熱嫁。」我一臉驚訝，水機根本沒有壞。

「係，唔似有壞。」

我們兩個再去了四樓和五樓的水機測試，結果都是一樣，水機根本沒壞。如果講出來，會震驚全校吧。

我拿著水樽，看著Robin，我實在想不透下一步該做什麼。

「我地去搵陳主任。」





「好。」

我們熟悉的走到四樓的教員室門口，然後敲門。

陳主任依舊坐在門口在吃飯，凶巴巴的看著我們兩個。

「陳主任，我想問下今日係咪有幾部飲水機冇熱水？」

「又係你地兩個啊？係啊，壞左啊，寫住左嫁。我地搵左人維修，不過要啲時間。」陳主任平靜的說。

「其實啲水機係咪冇壞？」Robin問。

「你講緊咩？」陳主任一臉疑惑。

「部機出到熱水。」說罷，Robin把我手上的水樽拿給陳主任。





「都……都話部機壞……你地仲走去試。」陳主任顯然有點緊張，應該是謊話被揭穿吧。

「呃……可能係間唔中出到掛，唔知啊，今朝係啲同學話唔得咋。唔，總之等人check左冇問題先用啦，唔好用住喇。」陳主任不敢直視我們。

「哦，咁幾時會黎check？」我繼續問。

「應該過兩日掛，唔知啊佢地未覆。」

「好，唔該曬你啵。」Robin故作禮貌的說，然後我們離開教員室。
「我地有新工作，將呢件事寫上Facebook話比大家知其實啲水機冇壞。」我說。

「加多句，壞左嘅係陳主任，唔係水機。」Robin說。

「哈哈。」我禁不住笑。





「好好笑咩？我認真嫁。」Robin無奈的看著我。

「好，唔笑囉。」我收起笑容。

放學的時候，我們再次相聚電腦室，為的是我們的Facebook貼文。

「我地唔單止要踢爆，仲要話比所有同學知背後嘅陰謀。」Robin說。

「放心交比我。」我說。

登入Beans Kong的賬號，我開始輸入：

「[個野壞左？]
今日有三部水機被貼上「壞機，冇熱水」的標示




經過測試，三部水機可以正常出熱水
我懷疑，應該係寫告示嘅人壞左，唔係水機壞左

另外，起我地覓食指南推出後嘅呢兩個禮拜
學校打壓叫外賣嘅自由
宜家又發生假壞水機嘅事
呢兩件事，好難唔令人聯想起
學校係想阻止我地發起嘅罷食小食部行動

香光人，我地有權食好啲！！！」

Robin確認可以後，我按下發佈的按鈕。

「估唔到食個飯姐，都可以搞咁多野。」Robin看著電腦的屏幕慨歎著。

「係，我希望以後嘅人，真係可以食好啲。」我說。

「但係點解學校要幫小食部？小食部唔係外判出去比人嘅咩？」Robin一臉疑惑。

我們想了良久還是沒有答案，於是離開了電腦室回家去。