中四那年，我因為五毫子而成名: 1.3 那個男生

那個男生也跟著我們倆，我停在汽水機旁邊，終於離開啊姐的視線。

「頭先真係唔該曬你。」我對那個男生說。

「好小事姐，咁我見到冇理由唔講嘅。」那個男生笑起來眼睛瞇成一條縫。

「其實都係五毫子姐，不如算啦。」Lily一臉可憐的求我，她怕會把事情搞大。

以她的性格，他會覺得多一事不如少一事，她就是如此怕事的人。





「唔得，唔係單單五毫子嘅問題，佢咁樣對你啵。你睇唔到頭先佢點樣得寸進尺咩？道理上佢都唔啱啦，呢啖氣我啃唔落啊。」為了掩蓋心中的怒火，我把沒有豉油的燒賣塞入口。

這樣執著的自己很不像平常的我。可能是因為她這樣罵Lily，讓我看不過眼。

那個男生認真的說：「雖然我唔識你地兩位，但係我都覺得佢咁樣做好有問題，真係好應該投訴佢。」

「但係我地應該搵邊個投訴？」我問。
我對這間學校的架構真的不清楚，雖然今年是我在這裡的第四年。

「學生會？佢地應該可以代我地反映。」那個男生眼珠向上滾動思考著。





「叮噹叮噹、叮噹叮噹」上堂鐘聲響起，小息快將完結，我們唯有邊走邊講。

「我諗我地放學先去到學生會。」我說。

「咁不如我同埋你地一齊去？」那個男生說。

我本來打算放學和Lily去學生會，始終這件事都只是我們兩個所遇到的事情。他提出繼續幫忙，我也覺得不好意思，好像麻煩了人家。

「會唔會麻煩到你？我自己去都OK嫁。」我說。





「唔會啊，我放學都冇野做。」

既然他誠意拳拳，我都無謂諸多推搪啦。

「呃，講左咁耐，其實你叫咩名？」畢竟還會再見面，臨走前當然要知道這大好人的名字。

「我叫Robin，4E班。」

我心想，Robin這個名真的跟他很配，古有羅賓漢，今有Robin，都是行俠仗義。

「我叫Joyce，佢係Lily，我地4D。」

時間剛剛好，我們都上到四樓。





「咁陣間起頭先個位見啦。」Robin說。

「ok，byebye。」我推開課室門。