我以為自己要孤獨一世，直到你出現: 第六十九章-我的生日（上）

訓醒望下手機今日1月6號啦！聽日就係我生日，唔知Chris準備點同我過生日呢？唔知佢送比我既禮物係咩呢？我都唔介意佢將自己包成禮物送比我，之後比我拆禮物傢，真係諗一諗都期待又興奮呀！！

呢幾年黎都冇人同我一齊過生日或者節日，今年有Chris係我身邊，真係令我前所未有既期待呀

「呀賢，我今日都要遲少少先返到呀，可能今晚得你同小柒一齊食飯啦」Chris臨出門口時突然同我講

「今晚都會？都係約咗朋友呀？」Chris好似好少晚上唔返黎食飯喎，仲要係兩日

「係呀...有個朋友突然間約咗我呀」Chris答得好似有啲唔自然，難道佢係約左男仔唔想比我知......



「Chris，你要早啲返屋企呀，我同小柒都會掛住你傢！」我將Chris拖到實一實，但同時又控制唔到自己亂咁諗野

上到小巴之後Chris就恰埋眼，我望住佢，我應唔應該問佢係咪約左男仔呢

「司機前面有落」

「好！」

Chris比呢兩把洪亮既聲音嚇醒咗



「呀賢 ，你鐘唔鐘意隻手帶住啲野傢」Chris望一望我，舉起我地拖住既手

「都ok傢，但好少帶」Chris又會問埋啲咁奇怪既問題既

今日又可以同呀俊一齊開工，真係一個最啱既時間啦，可以問一問佢問題，反正佢都識Chris

「呀俊 我有啲野想問問你呀」

「點解，同呀嫂有咩問題呀」呀俊即刻成個八婆咁既表情痴到好近，等我講



「即係咁... Chris呢兩日好似怪怪地，兩日都好遲返屋企，返到黎又好似好攰咁，我諗緊佢呢
兩日係咪約咗男仔，問會去邊又好似唔想講咗... ...」

呀俊聽到之後大笑幾聲

「賢哥仔，你頂安全帽係咪變左綠色呀」講完之後自己繼續笑到唔停

但我自己完全笑唔出，努力由Cindy陰影中走出嚟，唔好再經歷呢啲事啦

終於挨到收工啦，今日雖然有呀俊同我一齊開心，但啲時間都係過得好慢

返到屋企開到門，只係小柒愛理不理咁望我兩眼，Chris真係冇返到屋企呀，佢係咪唔記得咗我就快生日呀

「喂，Chris？我想問小柒既狗玩具係邊呀」最後我搵咗個藉口打電話比佢，因為想知佢做緊咩



「係啦，係啦，就係咁樣.....」點解有把男人聲咁近電話既

「放左係鞋櫃上面呀，你食咗野未呀」Chris仲關心我食野未

「我食咗啦，你早啲返啦」聽到果把男人聲，不禁令到我胡思亂想

「小柒呀，我係咪唔應該對Chris有多啲信心呀」小柒聽到我叫佢既名，居然跳上梳化爬咗係我旁邊

我一直摸住佢，一直不停諗住Chris，不如不覺就訓著咗，冇幾耐，就被天氣凍醒咗我，突然有人開門嘈醒咗我

「Chris？」我見到有一個細細粒粒既身影

「 呀賢～」個人手上仲拎住個蛋糕，而蛋糕上既蠟燭一支一支亮光，啱啱好照亮到佢個樣，係Chris

「Chris～」我立即衝過去攬住Chris



「唔好攬得咁實啦，整到個蛋糕呀」 Chris拍一拍我