我以為自己要孤獨一世，直到你出現: 第三十章-酒後亂性(上)

「喂！你想對佢點呀？」我扶住Chris，大聲兇番果個男人

「我都係佢朋友喎，不如等我送佢番屋企」個男人竟然咁厚面皮到為咗呃蝦條，認做Chris朋友

「我係佢男朋友呀！你再唔走我就報警」只有更厚面皮先可以對付呢啲人！個男人聽到我話要報警之後，個眼神都有啲慌張

「你好野！睇住黎啦～」個男人手指指之後走咗

「Chris！做咩飲咁多呀？」我拍拍Chris塊面



「你唔好理啦～」Chris推開咗我，之後S字型咁走去bra枱

「喂Chris！」我追上坐低係Chris隔離

「Chris！你唔好飲啦」Chris大大啖飲冇理到我，我見到咁唯有搶走佢手上既隻酒杯

「都叫你唔好理我囉，你走啦」Chris好唔耐煩咁講，隨即Chris又叫咗杯long Island繼續飲

「Chris唔好再飲啦！有咩事唔開心呀？」究竟係咩事呀？Chris居然愁到咁樣，唔通佢呀媽知道我係假扮既



「你條死毒L會明男女之情咩？走呀！」原來係為仔愁！Chris講完繼續大大啖飲，望都冇望我一下

「咩唔明，我之前都有女朋友架！」一講起隻臭雞就著啦，我都叫咗杯long lsland 降降火

「係咩～睇唔出喎，講黎聽下」Chris摸住個酒杯底講，好似好有興趣咁等的講埋落去

其實知道成件事既人都唔多，我都鬱左係心度好耐。既然Chris想聽，我就一邊講一邊飲，點個愈講愈嬲，我就飲得愈黎愈快，我終於有一人可以聽我講下啦，雖然過左咁耐其實一直都未放低，始終綠帽係男人最痛呀，原來啲酒大大啖吞落去就好似將啲煩惱拋走咁，難怪Chris咁大啖，真係好爽！！！

「飲杯！咪再諗個八婆啦！」Chris聽完我既故事之後拍一拍我膊頭，佢都都慢慢開始同我講係咩事，原來係佢個ex搵番佢復合，所以Chris 諗緊好唔好同佢一齊番



「唔好諗個賤男！我地好好咁飲酒」

我地飲完一杯又杯，個速度就好似飲緊水咁呀，冇幾耐之後我既視野開始變得含糊，個身冇乜力，而Chris同我啱啱見到佢個陣差唔多醉....

「Chris，不如我哋走啦」

「嗯」Chris點頭回應我

我搭住Chris膊頭，而佢攬住我條腰左搖右擺咁行出馬路截的士，上到車之後Chris同我互相挨住，我望住街邊既街一閃而過，望望下我既變得眼皮好重好重之後慢慢咁合理

「先生小姐，到啦！」突然比司機大佬叫醒，我望下旁邊既Chris，佢似乎都係啱啱擘大眼

我比咗錢之後，就互相扶住上樓。返到屋企之後Chris鞋都唔除就走咗去廚房

「呀賢，我地繼續啦～」Chris係廚房拎咗幾支酒出嚟，睇黎係仲未飲夠，而家繼續飲都冇所謂竹，反正我地係屋企都唔會有咩危險發生



我接過啤酒大大啖飲，真係好痛快！！！好似未試過好似今日飲咁多酒

「唔知幾時先搵到男朋友呢？」Chris揸住支酒低頭突然傷感咁講

「怕咩呀？你咁好條件，大把人中意你啦」我望住Chris 

「咁你呢？會唔會中意我？」Chris擰頭埋嚟望住我

係呢知時候，我第一次咁近距望住Chris， 其實Chris真係唔錯呀，雖然冇Cindy果種女神既感覺，但都算靚女而且仲幾可愛，身材都唔錯

「會！如果冇女朋友一定會鐘意呀」我大大聲對住佢講

Chris聽到我呢個答案之後，笑得好開心好似個小朋友咁



我都飲太多啦，個頭有少少暈於是就趴咗係度

「呀賢～呀賢」我聽到Chris係到叫緊我個名，我抬頭望向佢

係模糊間我見到Chris既面愈黎愈近我，下一秒佢已經錫落我個咀.......