我以為自己要孤獨一世，直到你出現: 第十八章-EX

「乜你仲係單身咩～」我攞住個調味兜漸漸接近聽到，眼前呢個女人眉心狹窄，嘴唇偏薄，下巴尖尖，正宗八婆樣！而隔離企住一個青靚白淨，但係有好重既黑眼圈，望落去好似打咗10次飛機咁.......好虛

「係又點呀？」Chris好冷淡咁講

「冇，好彩你同Bryant 分咗手咋，如果唔係我都無而家咁幸福呀～」個女人講完之後拖住隔離果個男人，原來個男人係Chris EX

「咦，BB！呢兩個邊個黎架？」我即刻影帝上身跟番個劇本，話晒Chris都對我唔差，點都幫下佢啦

「呀賢......哦，呢兩個係我中學同學黎架」Chris聽到我咁叫佢都有啲驚呀，不過佢好快好似知道係咩事，就配合我咁講



「正我話呢，係好彩你同Chris分手咋，如果唔係我邊有咁靚既女朋友呀！」我擺低調味兜，望住個男仔，（攬住Chris條腰拉近我）

「望落去咪係公屋仔」個女人上下打量我，之後依然好囂張，仲要睇我唔起！好！！！

「呢個係我張片呀，有機會黎我公司坐下呀」我係銀包攞果陣見工派比我果張卡片遞比條八婆

「好叻咩，我地走」條八婆係咁（咦）望咗一眼，之後就條氣唔順咁扯左個男人走，好彩佢冇望張卡片上面個名咋，如果唔係就穿煲啦

「我地繼續食野囉～」我同Chris都坐返低



「呀賢頭先多謝你，果個男仔係我個EX黎」Chris突然之間望住我咁講，我都望住佢，佢講起就好似有啲傷心

「乜係咩，都過咗去啦，由佢啦」我見佢有啲傷心都故意扯開話題，費事佢喊，到時啲人又望住我......

「你聽我講！」Chris突然加重左語氣，我俾佢嚇一嚇，眼甘甘咁望住佢

Chris一邊不斷同我講佢同ex啲野，一邊係咁隊手上既熱朱古力奶，原來係條八婆搶走左Chris男朋友，不過我都係第一次見人打邊爐飲熱朱古力奶

「嘿！食隻蝦啦，哈哈哈！」我夾隻蝦落Chris隻碗到



「㘉～低能！」Chris聽到之後笑番

我同Chris食完野之後就番去，我周不時講冷笑話哄佢笑，雖然俾佢笑，但係哄佢到笑都係值得既

今日一起身發現廁所又有人用緊，點解女人去廁所都係咁耐傢，難怪次次女廁都排長龍啦。

冇耐，Chris就由廁所出返黎，低頭望地下慢慢咁行，成隻喪屍咁，但我已經冇時間問佢啦，比佢拖一拖我又就快遲到，到我出返黎之後，佢已經出咗門口。

「喂！呀賢 ，呢排做咩返工都咁趕呀，成日都最後個秒先到」呀俊換好衫坐定定等我

「唉，唔好提啦」我一路換衫一路咁講，唔係我想成日咁遲呀，屋企多個人，仲要係女人成日霸住廁所

「喂喂喂！望前面望前面」呀俊有啲激動，用踭撞撞我，叫我望前面

向前望原來係Chris，原來今日佢又要落黎工地，由後面望佢背影，點解行得咁慢，唔似佢平時喎