我以為自己要孤獨一世，直到你出現: 第二章-見工

「邊一個發明了番工～我要給他米田共」鬧鐘係到響，我伸手禁熄佢，望一望個鬧鐘，仆街！又唔知醒！遲到啦！

我起身急步走去廁所檫牙洗面，換好衫，就出發去番工

「多謝你$17.5呀」Send咗封Email仲未有回音，唯有繼續返住7-11先, 咁既時勢有工就返住先啦，鬼叫我係窮撚孤兒仔咩

「呀賢，係個樣咁愁未有回信咩? 」Ben拍拍我膊頭

「屌，係呀」唉，真係唔知幾時先搵到份全職呀



我趁經理唔係到，打開手機check下Email。

今日Check Email既時候收到封

「高賢：

你好高同學，我已經send咗你份CV去一間工程公司，而職位係電機學徒。


果邊回覆，你可以6月20日，2點去到 油麻地威個大廈 18樓A室 面試」



感謝呀婆保佑呀！我有得面試啦。我終於可以正正式式有份工可以見啦

等等先，20號咪即係聽日？！屌！我咩都未準備好呀！

11點

終於捱到收工，要準備下聽日見工既野啦 。話晒都係我第一份見既全職，我應該著咩衫去見工呢

返到屋企打開衣櫃... 望一望，打個電話比呀希 「喂！我聽日要去見工呀，著咩衫去見呀」



「著套老西去啦，實冇死，絕對夠誠意呀」呀希好認真答我

聽到佢呢個提議，我懷疑自已係咪識咗個ON9，見學徒都著老西.........到最後我都係著到普普
通通咁去見工就算啦

見工嗰日，我特登提早去到寫字樓，比個好印象人地。等咁冇耐，就入到去見工房，
一入到去就見到個掃把頭又閪口閪面既老女人坐咗係。

唉，做得呢行相關，點會有後生靚女呀。面試都係問果D問題啦... 點解想做呢行呀...等等等

等直到我聽到個人工 萬二

聽到呢個價，真係講咗句 屌！萬二蚊想買起我？ 係內心大大聲講



「請問個價包唔包勤工果D傢」我微笑對住個老女人，咀角微微震動問 

「包晒所有啦，仲有冇野問」個老女人繼續閪口閪面

唔撚係掛人工咁低搞唔掂喎，一番咗full-time關愛基金就唔會再關愛我，再加上要還債，到時三餐都未必溫飽到.....

「我需要啲時間考慮下」我答佢

個老女人比咗卡片我，之後我起身離開，去到巴士站，手機響！我望一望，原來係7-11果邊出咗下個禮拜更表，
仆你個街！得番4日更！仲要得4個鐘番 ！19-23。

「你好，我考慮完啦，後日可以番工架啦！」 我打電話番公司

唉，死就死啦，番兩份工都應該頂得順，唯有捱住先啦，



就係咁樣，我俾萬二蚊人工買起咗我。