我以為自己要孤獨一世，直到你出現: 序章

我叫高賢，好可惜做唔到人如其姓，身高啱啱好170，中等身材，一副孝順仔樣。一出世已經冇老豆老母，而老豆老母唯一比我既野只有銀行債，唯一嘅

親人，婆婆都係兩年前過咗身，而家我係自己一個住，住係一個大嘅二百尺既兩人公屋單位。平時就係靠係7-11做Pt同關愛基金派比我嘅關愛，黎應付學

費、生活費同還債，勉強生活到，就可能係咁，同我拍拖六年既初戀情人-Vicky ，上咗大學之後就比帽我帶，正一死臭雞！而我只係一個讀電機工程高級

文憑嘅IVE仔，點解當初要讀呢啲一個女人都冇既科？因為當初聽人講工程出路好，就業率高再加上有死黨一齊讀，所以就揀工程。但好可惜，一畢業就

咁啱有疫情，好多公司都唔請人。





「屌你呀！行啦！」有把聲男人係喇吧到傳出黎，呢個就係我死黨-呀希

「知啦，買緊裝呀屌你」我對住個咪講，之後用手指公撳住ALT，再用無名指撳住TAB，畫面由google email轉去LOL，只係電腦速度追唔上手速，慢慢咁轉。

今日day off同平時一樣，上DC搵呀希打機，冇女既生活係咁上下。呢排我日日都會check email，睇下send出去既CV有冇回信。唉，一樣係冇回信呀

「唉！屌你老母！」呀希好嬲咁講



「屌！對面家隻jg黎咗十尻幾次」我都好嬲

「轉頭老地方等啦」

「好呀」

我哋所講嘅老地方就係M記，每逢day-off我哋都會去食M記，無計啦，窮呀嘛！我好快就落到樓下M記等呀希。

「喂，仆街！」呀希係我後面拍我膊頭



「喂，你就仆街，行啦」我擰轉身講

我哋攞完野食，搵位坐低之後，我一邊食住薯條一邊諗緊搵工既野

「仲未有回信呀？」呀希可能係見我咁愁就問

「冇呀，都send咗好多間啦」我都好無奈咁答

「最衰我呢間唔請人啦，唔係喎！你可以搵 chan sir 問下喎，佢之前都幫過幾個同學搵工架！」

「咁我email問下佢先」聽到呀希咁講，我立即精神咗

番到屋企之後，我立即登入學校嘅email

「Dear chan sir



你好,我係2020電機高級文憑畢業生，之前聽過有師兄講, 可以搵你睇下有冇工作介紹?

高賢上」

打完我就send咗出去啦。唉，希望得啦。之後全日就同呀希係DC不斷屌自己友，到晚上我就一邊食杯麵，一邊睇Vui TV。臨訓前我再check email，chan sir仲未覆。唉，唯有繼續等啦。