咁廢既超能力都有？我寧願唔要呀…！！: 3

「咁樣既超能力都得，主呀…你係咪玩鳩我？」

我未試過咁虔誠雙手合十跪地向天父訴心聲。

點都好，呢種能力成為左我生活既一部份，古曰生活就像強姦，反抗不了就只好接受，超能力亦然，時間一耐左我開始接受佢對我既改變。

不過呢，件事又唔係衰得哂，對於呢種能力，我都想講句識得用，其實好好用。

「拿拿拿肥成，我表演比你睇。」我同另外兩個同學一齊坐響茶記卡位食晏。





我除低臉上既平光眼鏡，注視遠處水吧果邊既師傅，一秒…兩秒…三秒。

「喔…疑？wow…keekeekeeeeee。」偷睇完人地所望既野，我忍唔住為腦中念頭而笑。

眼見我笑到gapgap既肥成同粗嘴馬上挑起好奇心向我追問咩事，「無呀，個撚樣開工睇咸書。」

「車！都唔撚知係真唔係既。」

對於我地三個人既呢一檯身穿學生服卻粗口橫飛既景況，我留意到有幾個為之惻目既師奶，不過喂係咁架啦，學校唔爆得粗出到黎仲忍？我地學生哥幾多壓力呀，忍忍忍忍你老母瀨屎咩。





「呃鳩你拓咩！」我梗係堅持真有其事，「拿就咁，賭唔賭？一陣我地埋單我就去同收銀個老細講你伙記開工睇咸書，然後個阿叔一定仆街，賭唔賭？」

「驚鳩你，我就賭一舊水。」粗嘴回答。

「好。」肥成和應。

……………

「屌你而家我請你返黎做乜鳩呀？！你同我響度睇書？仲要睇男人屌男人？你同我扯！」如雷貫耳既巨響由茶記內傳出。





「老…老…老細…我…我…我扯左喇。」

「我唔撚係叫你賓周扯旗呀，我叫你躝斯趷路呀！」

肥成粗嘴仲有我響外面笑到攬住個肚，正所謂有咩開心得過睇人唔開心？

「屌你…唔撚…講原來唔止睇咸書…仲要係睇格劍…」肥成笑到無辦法將一句句子完整讀出。

「比d驚喜你地麻。」

「好，我信喇而家，你既。」

望住手上兩張紅色既紙，我突然覺得我既超能力象徵住愛，希望，和平與光明。