咁廢既超能力都有？我寧願唔要呀…！！: 2

雖然無任何即刻既反應，但係所謂既超能力好快就出現左，快到只係我落茶記食個飯就出現。

腦海裡面多左種莫名其妙對路過途人既興趣，當我不經意將視線停留響側邊掃緊地既阿嬸…一秒…兩秒…三秒。

我既視線突然變成水泥地面，一支我拎住既掃把，同埋一堆灰黃既落葉。

「哇！！」嚇到我嗌左一聲，而驟然轉變既視野亦一瞬間回復原狀，「發生咩事？」

我細細聲咁問自己一句，然後好快自己確認個答案。





超能力，係，當我注視一個人三秒既時侯，我就可以用對方既眼望呢個世界，同時只要我一念之動就會回復原狀。

但係，我好快發現左一個問題，就係我無辦法控制呢份能力既使用，就好似我隔住條街唔覺意稍到村屋入面既阿婆個頭，三秒之後出現響我眼前既係個阿婆淨係著住底衫底褲對住塊鏡騷首弄肢。

「我屌！唔係！我唔撚屌！！洗眼！！我要洗眼呀仆街！！」

不過幸好，能力既條件在於物理上無任何空氣以外既阻隔。

即係好簡單，我戴眼鏡望人，無事發生。無戴眼鏡，隨時乃野。