那些年，我最愛的兩個女孩子: 77

秋去冬來，新年過後，即將要面對會考
 
不過考mock之後，係阿熙生日，所以我地點都要幫佢好好「慶祝」一下
 
「唔?條羚羊就生日啦喎」
 
「阿熙?係呀，妳想買野俾佢?」
 
「咁佢有送野俾我，我都應該送返俾佢嘅」
 




「妳打算送咩先」
 
「唔…底褲掛」
 
於是我同詩敏走左出去買野俾阿熙
 
「佢著咩碼架?」
 
「中碼」
 




「你點知呀?你睇過呀?」
 
「成班男仔一齊換衫當然睇過」
 
詩敏買左條中碼超人底褲送俾阿熙，就係我地考完mock果日，詩敏帶住阿熙條底褲黎到學校
 
「嘩!!!!豬西妳做咩無啦啦黎呀?」
 
「食飯時間我行落黎唔得咩?」
 




「妳搵阿風呀?等等…」
 
「我搵你架」
 
阿熙聽到詩敏搵佢果時，成個人緊張起上黎
 
「妳….妳黎搵我?做咩」
 
「搵…搵你唔得呀?今日你生日丫嘛….我黎送份禮物俾你」
 
「送俾我?妳無啦啦….」
 
「咁…我生日果陣你送左條手鍊俾我…」
 
「唔洗咁客氣啦….」




 
詩敏一手拎個紙袋出黎 「送俾你架」
 
「咩…咩黎架…」
 
「自己睇下啦」
 
阿熙見到係底褲果陣，佢顯得手足無措
 
「喂….呢樣….」
 
「著俾我睇」
 
「下?」
 




「著啦」
 
「妳…13歲咋喎….」
 
「你…你諗咩呀!!!而家著係外邊呀!!!」
 
「唔好啦!!!」
 
「我專登買俾你架!!!」
 
聽到詩敏咁講，阿熙就乖乖地拎出黎著係外邊
 
「陪我去食飯」
 
佢以一個求救嘅眼神望過黎，而我地成班就恥笑緊佢，不過佢咁聽詩敏話，等於話俾我地知，佢自己鍾意詩敏




 
成餐飯，阿熙都俾人以恥笑眼光望住，一個佢永遠唔會忘記嘅生日