那些年，我最愛的兩個女孩子: 76

「我細佬好似唔係到，你入黎啦」
 
我同詩敏對望，家姐有男朋友?
 
幾秒後，有個著機師制服嘅男仔跟住家姐入黎
 
「嘩…家姐識到個飛機師男朋友喎」
 
「我都估唔到佢咁都有人會吼」
 


阿男朋友四圍咁望我地屋企，家姐都撓坐男朋友指住張相同佢介紹
 
「呢對係爸爸媽媽，呢個係我細佬，人渣」
 
「呢個呢?」
 
「係我地契妹，佢由細到大都好鍾意我細佬，鍾意到就快要嫁俾佢」
 
「佢幾可愛丫」
 


「佢著起英華套長衫校服真係好靚女，好似契媽」
 
「妳唔係話當年妳媽咪同契媽爭妳爸爸咩?」
 
「嗯…不過最後佢地都以爸爸愛妻身份送爸爸走」
 
「咁妳地契妹會唔會係…」
 
我同詩敏一聽到之後個心涼一涼…如果係嘅話…我地兩個…
 


「當然唔係啦!!詩敏佢B型血，我地成家都係A型血」
 
「妳地好錫佢?」
 
「契媽流產左幾次先陀到詩敏，到佢果時又差D小產兩次，所以當佢心肝寶貝咁架」
 
「咁佢呢世都唔可以嫁人?」
 
「咁又唔係嘅，如果我細佬娶佢，契媽會立即答應」
 
「咁如果我娶妳呢」
 
「邊個話會嫁你呀?你呀!!!上次呃住我呀!!成程機要我擔心咁耐」
 
「咁俾個驚喜妳丫嘛」


 
「驚喜?尋晚你真係驚喜啦，無啦啦捉我去你間房，又唔用….好彩呢幾日安全咋」
 
家姐講完之後就錫落男朋友到，嘩….激吻添呀，兩個錫到好忘形，我同詩敏已經開左薯片坐係到睇戲，然後就聽到家姐大叫嘅聲音

「你…你地兩個做咩係到架!!!」
 
「呢到係我屋企，點解我唔可以係到?」
 
「幾時開始睇架!!!」
 
「由妳入門口果一刻囉」
 
「詩…詩敏妳做咩又係到?」
 


「尋晚黎瞓囉，不過家姐….妳尋晚…嘻嘻…」
 
「妳…妳….」
 
我拎出個套係家姐面前揚黎揚去
 
「要唔要護身符呀家姐?」
 
「好啦好啦!!!!!我大個架啦!!!!」
 
我同詩敏望住佢男朋友
 
「麻煩自我介紹一下丫，高級副機長」
 
「你好呀細佬阿妹…我係逸怡嘅男朋友，我叫danny….方禮言」


 
「幾歲呀?」詩敏已經係到起緊佢底
 
「今年….29」
 
「嘩…家姐妳搞忘年戀呀?」
 
「咩呀!!!佢…大我7年之嘛…」
 
「哥哥第一次拍拖呀?咁緊張嘅?做機師應該唔少女仔埋身喎」
 
「呀….唔係唔係…」
 
「做咩尋晚唔用套呀?」
 


「好啦!!!夠啦你地」
 
估唔到家姐都會有男朋友，真係世界變囉