那些年，我最愛的兩個女孩子: 73

「你係話，Jessie佢果張醫生紙，係佢自己係林醫生診所到偽造出黎?」
 
我點一點頭「雪凝佢一定唔知自己買左咩藥，佢應該係自己上網搵藥名，再係診所打醫生紙，然後冒佢爸爸簡簽再吸醫生印。如果真係咁，成件事就合理，佢俾樽藥我果陣雖然背住我，但我見到佢果刻係成個人好驚…」
 
詩敏聽完我咁講，佢完全唔信
 
「阿哥你呃我!!Jessie姐姐….Jessie姐姐絕對唔會咁做!!!」
 
「詩敏….我都唔想相信，但我親眼見住佢買，咁多年黎我有冇呃過妳?」
 


「阿風，呢件事有冇人知?」
 
「冇…我拎左佢樽藥，今日立即上黎搵妳地，如果搵契媽妳唔到…我就會返去西區官小搵我地舊班主任」
 
「老公，準備車」
 
「媽咪…妳…想而家去搵Jessie姐姐?」
 
「Jessie而家偽造文書!!!係刑事罪!!要盡快阻止佢，唔可以俾警察知道!!件事一曝光嘅話，Jessie前途就冇架啦，仲會連累到屋企人!!」
 


「老婆妳冷靜d先….點解妳唔星期一先去問妳學生?」
 
「但係..」
 
「妳放鬆d先啦，休息下先」
 
契媽真係好聽契爺話
 
「阿風你今晚留係到食飯啦」
 


「係…知道」
 
「媽咪，今晚我跟阿哥返屋企，睇實佢」
 
「嗯…好啦」
 
食完飯後，我同詩敏一齊返我屋企，我地拖住手係海邊行，全程詩敏都冇出聲
 
「阿哥…」
 
「嗯?」
 
「我地…應該係時間分開架啦」
 
「傻妹…妳做咩咁講?」


 
詩敏擰擰頭「我一直都呃住你…我早就知道…麵包姐姐係英華…我第一日返學已經遇到佢」
 
「咁又點呢傻妹」
 
「你鍾意果個係佢呀!我只係…只係…係到阻止你同佢相認…上次…」
 
「我係維園果日已經見到佢啦」
 
「暑假已經…」
 
「不過我都冇嬲妳，而且我話要F.6果陣先決定，可能我做唔到女校男生，又可能佢去外國留學，我同佢冇辦法見面呢」
 
詩敏雙眼充滿眼淚咁望住我「你…唔嬲我?」
 


「應該係妳嬲我先啱…我地兩個…咩左」
 
「咁係我自願同你…咩者…」
 
「傻妹妳喊完未?」
 
「嗯…」