那些年，我最愛的兩個女孩子: 72

「契媽…呢樽…我尋日見到妳學校學生係藥房買」
 
「媽咪?我地D學生?會食安眠藥?」
 
契媽以一個不可相信嘅口吻講
 
「我唔太相信我地英華嘅學生要買安眠藥，佢叫咩名，點嘅樣，形容俾我知」
 
我望一望詩敏，用眼神講佢知果個人係邊個。而詩敏係我眼中已經知道左事實
 


「佢….契媽妳一定唔會相信…」
 
「你係咪親眼見到?」
 
「係…呢樽藥…係佢親手交俾我」
 
「佢叫咩名?如果你唔知佢叫咩名，你可以形容我知」
 
「佢…佢…」
 


「快D講!如果唔係我星期一就開大咪問」
 
「佢F.5，扎住對麻花辮，白白地…」
 
「有好多同學都係咁，有冇詳細D?」
 
「媽咪，唔洗問啦，我知道係邊個」
 
「詩敏妳知?」
 


「阿哥識果個師姐，應該話係識佢兩姊妹」
 
「阿風你除左詩敏之外仲識我地學校學生?係邊個?」
 
「係….係…」
 
「林雪凝同林雪晴。所以去藥房買安眠藥果個，一定係Jessie姐姐，Karen係絕對買唔到安眠藥」
 
「阿風，係詩敏有冇講錯?」契媽果一刻殺氣好重
 
「係…我係藥房見到雪凝，佢拎住張醫生紙去買安眠藥」
 
「咁有醫生紙就冇問題啦阿哥，你就話冇者」
 
「我仲聽到個藥房職員話好奇怪，點解個醫生會開咁重藥俾一個小妹妹」


 
「咁醫生嘅事，我地唔會明」
 
「契媽妳係咪唔記得左…醫生紙對雪凝黎講…」
 
契媽聽到我呢番說話之後，就開始發覺件事嘅嚴重性