那些年，我最愛的兩個女孩子: 30

「唔該哂你呀，要你送我返屋企」
 
「咁唔通要妳一個女仔咁夜自己返屋企咩，妳又著短裙短褲」
 
「你真係幾有風度喎，做你女朋友一定好幸福」
 
「女朋友?我邊有呀」我微笑咁對住Tiffany
 
「你冇女朋友?有次我見你地打波，有個小妹妹痴實你喎」
 


「哦!果個呀?佢係我契妹」
 
「你地…幾時會打波?」
 
「星期三晚同星期六，有時星期五晚都會打」
 
「全部都係我地同學?」
 
「係呀，妳果班又有，我果班都有」
 


「你地邊到打波多?」
 
「西寧街、科士街、英皇果D囉」
 
「好丫，唔該哂」
 
就係果個星期六，Tiffany出現左係球場，睇我地打波
 
「果個係… Tiffany?佢黎做咩呀?」
 


「大家估下佢睇中邊個?」
 
每一次Tiffany睇中嘅男仔，佢都會主動出擊，佢係唔會等人黎追佢，當佢一對人有意思，就會馬上攻擊。曾經都有唔少師兄俾人攻陷
 
Tiffany有一對大奶，應該係D CUP架啦，仲成日著背心短裙之類，即使著住校服，都難以收埋佢嘅身材，而詩敏一見到Tiffany就下意識走近我身邊撓實我
 
「詩敏?做咩事呀?」
 
詩敏遠距離望住Tiffany，散發出恐怖氣息，詩敏果然係契媽嘅親生女，連散發出黎嘅氣都係咁恐怖
 
「我唔鍾意果個女仔，佢好似黎搶你走咁」
 
「Tiffany?佢成日都同我一齊溫書架啦」
 
「咩話!!佢同你溫書?有冇去過街!」


 
「我送佢返屋企咋」
 
「兩個人?夜晚?」
 
「係…係呀…」
 
「點得架!!!一陣…你跟佢上樓咁點算呀!!!」
 
詩敏佢真係大個女啦，識得諗埋呢d野，佢真係好緊張好緊張。所以佢之後唔係撓實我啦，係攬實我，然後係Tiffany面前錫左我一下。嘩!詩敏向Tiffany下戰書呀!!
 
Tiffany見到詩敏咁做，佢亦都不甘示弱咁行過黎我身邊
 
「喂，我今日專程黎搵你架」
 


Tiffany咁樣講出黎，同話俾所有人知，佢下一個目標係我冇分別。詩敏聽到之後撓得我更實，用契媽招牌眼神望實Tiffany，而Tiffany都不甘示弱
 
「小妹妹，我借妳哥哥黎傾下計可以嘛?」
 
「咩…咩小妹妹呀!!」詩敏俾Tiffany叫佢做小妹妹之後非常不滿，但係詩敏又唔可以否認，佢都未正式係中學生，係Tiffany面前，佢仲係小妹妹
 
「我黎搵阿風，想同佢傾下計」
 
「唔得!!!佢係我架!!我唔會讓俾妳!!」
 
「但係小妹妹，佢唔係妳男朋友喎」
 
「妳夠唔係佢女朋友囉!!」
 
兩個女仔係到嘈，我真係唔知點解可以為左呢D事而嘈，所以我都係出返句聲