那些年，我最愛的兩個女孩子: 21

係學校我打開份卷，立即將識答嘅都答哂上去先，我拎住雪凝送俾我果枝墨水筆，不停咁係試卷上答呀答，真係答到手都軟，其實由我收到雪凝送俾我果枝墨水筆之後，我都慣左係屋企用墨水筆寫野，所以，我就自己買左枝同系列嘅藍色墨水筆。點解雪凝會送筆俾我呢…不過估唔到又真係幾有用
 
經歷左兩星期嘅考試周，係最後一科交卷之後，我地成班都鬆一口氣。一出校門，我地就去食飯，今次食豪D，去貴少少嘅餐廳到食，而且果到有好多英華妹食飯，可能自細跟媽媽同契媽多，我係鍾情旗袍校服，特別係英華同真光兩間學校，我都懷疑自己係咪有D變態
 
「喂喂喂，睇下果個，正喎」
 
「妖!你地咪睇得咁揚啦!!一陣俾契媽知道，你地實冇命」
 
「我諗阿風你係唯一一個可以係英華門口冇穿冇爛咁返黎嘅男仔」
 




「我鍾意嘅話，我衝埋入去都得啦」
 
「不過阿風，我地好唔明，點解你不停要自己讀書，你想做成績最好果個?」
 
問到班朋友咁問，我都唔知點答佢地好，我又唔想咁揚話自己要做女校男生
 
「哦…我媽咪臨走前，叫我好好讀書，所以先將我送過黎，我咪乖乖聽話囉」
 
「其實，你兩姊弟生活有冇問題架?始終有長輩照顧下你地會好D」
 




「生活問題唔太大，雖然住hall唔係自己屋企，但真係好多野睇嘛」
 
「圖呢?」
 
「冇」
 
「咁你監護人係你契媽定家姐?」
 
「兩個都係啦，仲有監管我果個警察都係」
 




「你上次係球場果幕真係好大膽，果陣我地差d瀨尿」
 
「果d藍燈籠者，其實公司愈低級d人就愈高調，想上位，但d大通常就係唔鍾意咁樣，仲係古惑仔年代咩，d大嘅而家撈正行啦」
 
「但係你果陣呢…有冇跟大佬?」
 
「都算有嘅，不過我大佬知道我俾皇氣罩實，而家都唔會黎搵我架啦，而且呢到又咁遠，地鐵都未有，佢地點會黎丫」
 
「遲d好似話有個警方嘅分享會，叫F.1-3學生去聽，遠離黑社會，唔知會唔會搵你上台講下野呢?」
 
「如果係搞，學校實搵我嘅」
 
就係對卷之後果日，校長叫左我去校長室