那些年，我最愛的兩個女孩子: 20

去完契媽屋企食飯後，我同家姐返左hall
 
「喂，暑Sem我地住唔住呀?」
 
「屋企都冇上網，呢到俾埋網妳上唔好咩?」
 
「咁你又冇講錯嘅，不過暑sem冇咩人，又有o camp，好煩喎」
 
「唔…暑假妳想唔想返屋企?」
 


「返下冇所謂嘅…」
 
不過暑假之前呢，就有個大考要應付。我除左係Hall到搵班姐姐幫我補習之外，我自己都會去自修室溫習嘅，我係少數F.3就會落自修室溫書嘅人。
 
每次考試測驗之前一晚，家姐都會幫我按摩個頭，因為佢知道我經常頭痛
 
「你辛唔辛苦呀?」
 
「話唔辛苦就係呃妳，不過…呢個係媽媽遺願，我點都要完成佢」
 


「其實媽媽遺願有兩個，你幫佢完成另一個就得，唔好要自己咁辛苦」
 
「家姐…我知媽媽想向契媽贖罪，但係…無啦啦要我娶詩敏……我地而家仲咁細，而且詩敏大個又唔知會唔會遇到個更好嘅男仔…」
 
「你一向都知詩敏鍾意你架，佢到而家都係想嫁俾你，你唔鍾意佢咩?」
 
「唔係唔鍾意，但係我自己有…」
 
「麵包妹?」
 


「呀…係…」
 
「你鍾意三年級果時個麵包妹?」
 
「係呀」
 
「你仲有同佢聯絡咩?」
 
「邊有丫」我已經攰到要伸懶腰
 
「咁你都要俾個交代詩敏架，要佢等你一世咩」
 
「大個先啦，大個先啦，等佢升中學先再決定」