那些年，我最愛的兩個女孩子: 10

「程太，令公子今次犯左5條罪，好有機會要上庭」
 
「要上庭呀……咁樣會點?」
 
「好大機會要入勞教中心，柳記d人一定會打到佢傻，折磨到佢死」
 
「咁有冇辦法…」
 
「方法唔係冇嘅，因為…佢係單親家庭，所以我打算安排佢警司警誡，接受警員兩年看管，守行為，即係掛噹噹，只要佢呢兩年乖乖地，咁樣就唔會有刑事紀錄」
 




就係咁，我俾人送左去見黃警司，我果陣真係俾佢鬧到低頭，估唔到坐Office果d都咁惡，我上次打傷果個沙展見返我嘅話，我仲有命嘅?
 
終於，我開始左掛噹噹生涯，所以我係學校俾人打果時都唔可以還手，每晚返屋企都係腫哂咁返，不過媽媽就開心左好多，起碼我冇郁手先
 
到左4月果時，媽媽係公司暈低左，我同家姐第一時間就心諗，唔好再黎一次呀…我地接受唔到架啦
 
去到醫院，我同家姐坐係醫生面前…兩個都未成年，決定唔到任何事，所以，我地打俾我地信任嘅人，契媽，同埋黃警司
 
「孔女士、黃SIR，程太而家情況唔樂觀，佢而家已經係第4期腦癌，希望大家做好準備，佢好快會離開」
 




「醫生…做手術唔得?呢兩個細路已經冇左爸爸，如果佢地連媽媽都冇左…」
 
「孔女士，已經冇可能做手術，癌細胞已經擴散到全身，而家用藥…都太遲，病人都知道自己冇時間，佢冇要求化療、佢只想舒服咁離開」
 
媽媽都即將走啦…我地兩姊弟….

係病房內，媽媽交帶家姐好多野
 
「逸怡…媽媽份人壽、存摺、樓契果D，妳交俾契媽管理知唔知?」
 




「媽咪…」
 
「妳大個女啦，讀大學啦，要好好照顧細佬知唔知?」
 
「知道啦…」
 
「阿風…媽咪唔可以再照顧你啦，你…以後唔好再打架啦好嘛…」
 
「我知道啦……」
 
「可以嘅話，你乖乖地讀書啦，你嘅能力，比家姐更多，你比小學同學雪凝更犀利，唔好收埋自己知唔知?」
 
「我知道啦……」