那些年，我最愛的兩個女孩子: 9

升中後嘅我，生活一片混亂，我去左間好差嘅中學到讀，都唔可以叫學校架啦，d學生心口擺包煙係到都冇人理，d女仔條裙又好短，mk頭都冇人理。點解?媽媽要賺錢養家唔得閒理我，家姐就預科，忙緊考大學，邊有時間理我?
 
於是，我就做左警署常客，北角警署更加成為左我屋企
 
「點呀!!!又係你呀風哥!!」
 
「點呀167，仲係167咁係到呀?仲未扎呀!!」
 
「咁X易喎，喂!今次冇人保你喎!你阿媽同家姐電話唔通喎」
 


「X!學校呢?」
 
「冇呀!!冇人肯保你」
 
「咁呀…」
 
「一係去臭格坐下囉」
 
「俾電話我啦，我搵人保我」
 


我只有打電話返小學搵校長，之後我以前班主任黎保釋我
 
「阿風!!我地唔救得你幾多次咋!你可以生性D好嘛!」
 
「知啦Miss Lau…我少D同人郁手啦」
 
「總之，你要照顧自己啦」
 
「得啦….我知啦」
 


「我走啦，你小心D啦」
 
「呀..Miss Lau…我想問…」
 
「係…」
 
我頭耷耷唔知點樣開口，我點可以突然問我地小學個模範生係邊?但係Miss Lau係我小五小六班主任，佢點會唔知我心諗咩
 
「你想知林雪凝係邊?」
 
我面紅紅咁點頭「嗯」
 
「佢而家係間傳統名女校讀緊，仍然係全級第一，依然係模範生，你想知佢邊間學校?」
 
「唔…唔洗啦，費事佢….費事佢俾人誤會就唔好啦」


 
「阿風，如果你真係鍾意雪凝，你就乖乖地，行好自己條路，唔係話你襯唔起佢，而係你身為男仔，點都唔可以要女仔擔心你，知唔知?」
 
「我…我明架啦…」
 
「返屋企搽下藥酒，休息下，可能你下星期又要返黎架啦」
 
果然，俾Miss Lau講中，兩星期後，我又返黎俱樂部，不過今次唔洗保釋啦，今日我係衰刑事毀壞、公眾地方行為不檢、傷人、拒捕、襲警，肯定會入勞教中心架啦，但係點都估唔到，我有重生機會
 
今日，負責我case嘅幫辦叫左媽媽黎