那些年，我最愛的兩個女孩子: 2

到左課外活動果日，我自己一個人先去到課室等，我以為會有男同學一齊玩下啦，點知入黎嘅都係女同學，終於，佢都出現啦。
 
佢見到我時嚇左一嚇，然後就坐左係我隔離，明明咁多位，佢偏偏係坐我隔離
 
係搓麵粉果時，呢個大頭蝦用手抹自己塊面果時沾左麵粉上面到，我實在睇唔過眼，所以伸手幫佢抹一抹
 
「妳睇下妳丫，成塊面都係麵粉，唔靚女啦，林雪凝」
 
之後我同佢一齊搓麵粉，等佢可以整多幾個麵包，因為佢話想整俾屋企人食。搓麵粉期間，我同佢對手經常有接觸，應該係話我地好似人鬼情未了咁，不過人地係整陶瓷，我地係搓麵粉
 




「我幫妳放入焗爐啦，費事妳雞手鴨腳啦」我做返應該做嘅事，費事要佢整到手
 
「唔該哂你，你真係好好人」
 
「我好人?哈哈，妳試下同我同班，我實整估到妳飛起」
 
「好呀，我都應承你，如果你同我同班，你點整估我，我都唔會嬲你」
 
「傻架妳?」
 




「勾手指尾丫」
 
「好呀!」
 
呢個係我第一次同佢肌膚之親，除左家姐、媽媽、契媽同契妹之外，佢係第一個女仔同我肌膚之親
 
焗好麵包，都係放學時間，我同佢一齊步出校門
 
「我請你食一個麵包丫，D麵包你有份整」
 




「我只係捉住妳對手整者，不過估唔到妳對手咁滑喎」
 
「咁我俾你摸左，你有咩表示呀?」
 
「妳想我做妳男朋友?」
 
「傻啦!3年級咋!!你想同我拍拖，大個D先囉」
 
係呢個時候，佢屋企人黎接佢走啦，原來佢有個妹妹架喎，仲要好得意。我仲要抱左佢妹妹一陣，我一直都想要個妹妹，不過媽媽話湊我地兩姊弟已經好攰，所以唔再生。
 
但係媽媽同爸爸個中學同學，即係我地契媽，佢有一個獨生女詩敏，佢地一家人經常同我地去飲茶去玩，所以我地都當左佢個女係我地妹妹
 
當雪凝見到家姐果時，佢好主動咁請家姐同詩敏食麵包，家姐睇黎好鍾意我呢個女同學
 
同佢地分別之後，我地上左契媽部車到




 
「嗯?詩敏邊個請妳食麵包?」當我地一上車，契媽就見到我地拎住麵包
 
「係個好靚嘅姐姐請我食架」
 
「係阿風你D同學?」
 
「隔離班嘅，課外活動識」
 
返到屋企，我地細路係到玩，大人就做佢地嘅野，而家姐呢?佢就去做功課同煲電話粥
 
我同詩敏一向都係一齊孖鋪瞓，佢好鍾意攬實我瞓。呢個習慣，去到佢讀中學果時都冇變。
 
我升四年級啦，我一入課室就見到佢，林雪凝。