編寫者（愛情，科幻，小量血腥）: 編寫者 下

電話鬧鐘嘅聲音將我從睡夢中抽離，我攞起手機睇下時間。

「11點.....」我搓一下眼確定無睇錯時間

「死火啦遲左起身」我邊大叫邊行跑去刷牙洗臉換衫

本身約左11點半見工，諗住10點起身，點知遲左一個鐘起。我屋企同果間公司都有d距離，實遲到啦。

我馬上換好衫跑落去坐的士，點知跑跑下撞跌左個小妹妹。





我雖然講趕時間，但係我都係唔忍心，所以走過去扶番個小妹妹。

「唔好意思呀，我撞到你」我邊扶起佢邊講

「哥哥唔緊要啦」佢用天真無邪嘅眼神對我講

我仔細打量一下佢，佢大約6至7歲左右，只得一個人無家長起身邊。佢身穿白色衫紅包外套，面頰上有d啱啱地上嘅灰塵，佢用小手刷掉面上灰塵。

「你得一個人？你家人呢？」我忍唔住好奇問佢





「我宜家去緊嫲嫲屋企，我平時都係一個人去」佢邊拍身上灰塵邊講

我望下時間原來已經11點10分啦，我唯有唔理咁多

「你一個人小心d，記得睇車呀，我有事做要走先」我對佢講

「知道！哥哥你都小心呀」佢對我揮手示意再見

我邊揮手邊跑去坐的士。





坐左大約半個鐘終於坐到目的地。死火啦宜家都40分啦遲左10分鐘，第一次見面印象唔好，睇黎今次都見工無望。

我走到果間公司嘅地址，只見一橦殘破不堪嘅舊唐樓，於是我鼓起勇氣走入門口。

入到去發現成橦樓打通，我身處一樓果層就好似酒店大堂咁放左幾張梳化起到仲有一盞大吊燈起天花板。就算有咁大盞燈起到，成層樓都係比較氛暗。

「唔好意思，有無人呀，我係黎見工㗎」我對住空無一人嘅大廳講野

我見無人覆我咁我就轉身想離開呢個奇怪地方。當我一轉身我感覺到有人由樓上行樓梯落黎

「你就係彌生先生？歡迎黎到紫月出版社，我係呢到嘅負責人一般人都叫我紫式部，你叫我紫就得啦，多多指教。」一個大約30歲左右黑色長髮身材高䠷目測1米75左右，不論外貌身材都係模特兒水準嘅女性對我講

「唔好意思，遲左黎見工」我唔知講咩好先道歉應該會好d

「我哋上左去先，呢到講野唔係太方便」佢一講完就轉身行樓梯上去，佢完完全全比人冰山美人嘅感覺。





我馬上跟上紫嘅步伐，沿途都唔見有人嘅身影，唔通間公司得一個人？行到去一間房，房門寫住總編輯———紫。佢先入去，之後叫我跟埋入黎。

「請坐」

睇黎面試真係要開始啦。

「請你自我介紹一下」紫對我講

「我姓彌叫彌生今年25歲，大學畢業左兩年....」我講講下突然比人打斷

「等等，我都係覺得面試太麻煩，與其面試不如直接人實戰仲好」佢邊按手機邊對我講

實戰？咩實戰呀，我係黎做編輯助手，會有咩實戰。





突然我手機響左響，明明我關左聲點解仲識響嘅？

「我send左野比你，呢個就算係你嘅員工入職試，我好期待你嘅表現。」佢講完之後攞起手上嘅杯飲左一口。

我打開手機見左手機上面多左個叫做「編寫者」嘅程式。我雖然有d驚,但係我都鼓起最大勇氣去按個程式。

——程式安裝完畢———請使用者登記名稱——

「彌生」我輸入自己個名去不知明程式到

——登記完成———歡迎安徒生使用本程式——

安徒生？點解佢幫我改左名

「安徒生，幾好呀個名」紫對我講





——收到黎自紫式部嘅信，是否閱讀？——

我按左是，之後就轉左畫面轉到好似地圖一樣

「你去地圖果到，之後你就知做咩啦」紫對我講

為左我阿妹為左我自己，點都好我都要見成呢份工。

我馬上離開公司馬上去地圖上嘅目的地我屋企附近？！點解會係果到？究竟要做咩？