Killer: 各懷鬼胎

各懷鬼胎

「不平凡」三字話音還未落，柒婆Vanlee的眼罩已經打開了，傳媒接著說︰「作為香港人母親嘅柒婆，而家係睇吓你嘅仔女係咩身份嘅時候，今次想睇邊個？」

她豪不猶疑的指著朱Ling，畢竟剛才他的反應太不自然，還自認藍營，正常玩家都會隱藏自己身份，但他卻大聲宣布，就像故意說給藍營聽以保命，不過剛才的投票已經揭穿了他的身份，所以他肯定是黃營人，只不過要先下手為強，看看他有沒有威脅。

「佢係G鋒，你嘅大敵人。」傳媒透過眼罩把答案告訴Vanlee，然後再公開說︰「深夜先活躍嘅起底組，又係你Show Time既時候。」

阿Moon不約而同手直直的指著朱Ling，心裡想一定要盡快弄個明白，看看這人是敵是友，然後才能真正知道他剛才說話中的玄機。





傳媒透過眼罩告訴她答案後，眼罩也隨即關上，然後繼續他的MC流程︰「香港人母親畀班市民搞到咁無臉要暫緩修例，作為佢左右手嘅僭建驊又點可以唔做返啲嘢？請你揀一個人嚟告喇。」

僭建驊偉傑上次不知從何入手，所以才選擇用「點指兵兵」，但經過上一輪的討論，今次他鎖定了目標，迅速選擇了阿綺，因為她主張越多人留下越好，這明顯有違偉傑不斷削減參加者的想法，所以有這危險思想的人都必定要先剷除，在萌芽階段把這思想消滅，其他人便不會受污染。

「跟住到大律師公會喇，究竟今晚又可唔可以成功令僭建驊嘅指控落空呢？」傳媒略帶期待的說。

阿綺開眼後，揀選了Vanlee，畢竟她宣稱自己是黃營的人，現在黃營告急，能保護一個便是一個。

「有人群聚集嘅地方，罪惡自然會發生，好彩我哋有一哥同PoPo保護，先至可以安居樂業，不過對於擾亂社會秩序嘅人，就絕對唔可以心軟，今晚究竟係邊個要被捕呢？」傳媒越說越激動。





一哥阿Tim，以及四個PoPo Fanny、高軒、阿傑和Ray哥的眼罩都打開了，他們指的都是上一輪有份說話的人，分別是朱Ling、Vanlee、馬仔和阿綺，而最後阿Tim選了馬仔。

「鄺神，今日PoPo做嘅所作所為，你都已經看在眼裡，究竟你幫唔幫佢呢？」被告知被害者是馬仔，Shirley正在衡量利弊︰「馬仔啱啱嘅說話好似表達緊自己係黃營咁，不過調轉嚟諗都可以係藍營，而且佢嗰句『就連啱啱朱Ling有意無意創造出嚟嘅機會都極速被識穿拆解埋，究竟點贏？』好奇怪，就好似藍營貓哭老鼠咁，我認為佢係藍營嘅機會大啲，我嘅技能只會用嚟救真正嘅黃營人，只要唔係100%肯定我都唔會用。」Shirley搖頭示意，傳媒也繼續流程。

「鄺神又再一次見死不救，我對佢實在太失望，但醫護我相信係唔會見死不救嘅，畢竟拯救生命係你嘅天職。」傳媒大聲說著，很顯然是向醫護Harry施加壓力。

但只想自己繼續生存、他人死活與他無關的Harry這次都是選擇救自己，所以他指了自己，正當傳媒打算繼續流程之時，Harry擧起手打斷了他，因為他還要發動他的另一項技能──武肺病毒。

他思前想後，發覺最佳的感染對象就是Fanny。首先，從她的反應看得出肯定是藍營；其次，她是那種經常說話，而且必定令他人回話的人；最後，她的性格太令人討厭，恨不得她早點消失。於是他指了Fanny，傳媒便宣布，武肺病毒已經有隱形病人出現，全場的參加者同時受驚，亦有人開聲說話。





「唔係呀？點解咁做？嫌而家未夠亂？」率先開腔的是岳義士LU。

「醫護，你搞乜？你向咗邊個落毒？」中立撚阿瑩問。

「呢個係我哋黃營唯一嘅反制手段，你做咩咁快用？唔通你已經知邊個係敵人？」黃絲嘉美問，但她完全沒有察過自己已經禍從口出。

「屌，你條仆街醫護，真係想快啲清哂啲人，自己一個人贏咁喎，不過又點會咁簡單？」一哥阿Tim說。

「好呀，殺快啲，隻Game就快啲完，我就可以快啲返屋企。」PoPo Fanny說。

「乜你覺得真係完咗就走到咩？我覺得無咁簡單，傳媒一開始講嘅我哋嘅共通點，我覺得真係要揾出嚟。」誠哥Andy再次向大家提出他的見解，但無人回應。

「好喇，好遺憾咁喺度同大家宣布，武肺病毒已經有社區感染，開始擴散，大家小心啲喇。醫護散播完武肺病毒之後，岳義士，又係你發威嘅時間喇，究竟你會唔會燃燒自己去救人呢？」傳媒令遊戲繼續。

LU想也不想便再次拒絕，因為她知道現在使用技能很大機會會救了敵營的人，畢竟敵營人數較多。





「岳義士龜縮，又有人因為佢而被濫捕，究竟PPRP點解畫呢？」PPRP Jasmine的眼罩在傳媒說完後便打開了，而她今次要保護的對象依然是阿Tim。

「好，漫長嘅一晚終於過去，有人被告，有人被殺，亦都有人感染咗武肺病毒，首先被殺嘅係拎住大台卡嘅馬仔，你仲有十五分鐘討論時間先死，放心；另外被告嘅係阿綺，究竟告唔告得入你，就要睇你自己造化喇。總之呢十五分鐘，大家應該超忙，哈哈哈。」