Killer: 第一個死者

第一個死者

「二零一九年六月十二號，呢晚係悲哀嘅一晚，金鐘有一大班人唔瞓覺都走出嚟，亦都係標誌住香港開始走向黑暗腐敗嘅一晚，喺呢個時候，柒婆亦都瞓唔著，開咗眼。」

柒婆Vanlee的眼罩隨即打開，傳媒接著便問︰「今晚你想睇邊個嘅身份，請指佢出嚟。」她猶疑了一會，最終選了坐自己對面的人。

「佢嘅身份係僭建驊，而家你要瞓喇。」傳媒透過眼罩的耳筒告訴她的選擇，待柒婆的眼罩關上後，傳媒繼續透過小丑喇叭說︰「除咗柒婆瞓唔著之外，喺深夜時份，正正就係起底組最活躍嘅時候，起底組開眼，請你指出想起底嘅人。」

身為起底組的阿Moon羞怯的看了四周，最後選了坐她右面的人。





「佢係醫護。」透過耳筒得知自己選的目標後，眼罩再次關上，傳媒亦邀請下一位人士︰「作為柒婆管治班子之一，主子瞓唔著，奴才又點會瞓到？僭建驊，到你喇，指出你想告嘅人。」

拿著僭建驊牌的偉傑重見光明，他左顧右盼，不知從何下手，最終用「點指兵兵」的方法，選了G鋒，然後眼罩再度關上。

「作為捍衛法治嘅正義之師，對住一個亂告人嘅政府，你又點會坐視不理？大律師公會，請你好好揀一個受害者為佢辯護喇。」語畢，大律師公會的阿綺開了眼，她很迅速的下了決定，選了Ray哥。

「一大班人喺深夜鬧事，一哥同PoPo睇怕都喺時候做啲嘢，殺一儆百，雖然而家無TG同警棍，但請用你哋嘅手指決定人選。」一哥及四個PoPo眼罩開了，他們心大心細，沒有共識，分別指了港台Adrian、醫護Harry及誠哥Andy，但最終決定權在一哥阿Tim手上，他掃視了三人後，最終決定選Adrian，然後眼罩又被關上了。

「一直喺最前線嘅鄺神，見到咁令人髮指嘅亂殺人事件，你唔係忍呀？開眼，睇吓你救唔救呢個人。」然後傳媒再次經耳筒告訴鄺神的代表Shirley，被殺的是港台，與自己同陣營的人被殺，Shirley很想幫助，但心想︰「技能只得一次，唔可以隨便用，況且我用咗又唔代表醫護實肯救佢，而且我哋陣營有誠哥，就算死咗一個，我哋嘅票數都唔會少，由大局嚟講係無咩損失，留住先。」





演完一輪內心戲後，Shirley搖搖頭示意不使用技能，接著她的眼罩又再關上。

「估唔到鄺神見死不救，唯有希望醫護會揀中被害者喇，開眼，睇吓你啲第六感點。」醫護Harry眼罩打開了，他決定救自己。

在醫護眼罩關上後，傳媒繼續主持︰「醫護雖然可靠，但遠水不能救近火，走在前線嘅岳義士，到你搲頭喇，究竟救唔救人呢？」岳義士LU未待眼罩開啟，便已經猛搖頭示意，MC傳媒也很快的繼續說下去︰「每次都要搞盡腦汁幫前線PoPo執手尾解畫嘅PPRP，終於到你出場。」

PPRP Jasmine打開眼罩後，迅速的選了阿Tim來保護，原因是想讓他的存活時間更久。

「到今晚最後一位，一直坐喺屋企睇直播嘅中立撚，究竟你而家偏向邊面呢？請揀一個人。」中立撚阿瑩眼罩被打開，她現在要決定自己的前路，但她暫時對各人的身份完全沒有概念，所以隨便的選了阿偉──藍絲的代表，暫時加入了藍營。





「經過漫長又黑暗嘅一晚，有人被殺，有人被告，因為係第一Round，所以問一次，有無人想用技能？第二Round我唔會再問，要用就舉手。」傳媒好心提醒，港台的Adrian舉了手。

「好，惡夢嘅開端終於結束，而家全員都開返眼。」燈光轉黃，傳媒續說︰「今次一哥同PoPo本身諗住殺嘅人，畀港台揭露咗所以無事，老實講，我要畀你嘅捨己精神感動咗，真係要為你鼓掌。」小丑喇叭傳出「啪啪啪」的掌聲。

「只不過，由於你發動咗技能，所以你都犧牲咗，不過拎住港台牌嘅Adrian，我講件事你知，就係本身佢哋要殺嘅都係你，但你咁用咗技能，搞到少左一次揾出真兇嘅投票機會，你真係死得好無辜，再見。」

「嚓」一聲，Adrian也來不及說話，電子眼罩隱藏的針打入他的頭，血便從那些針孔噴灑出來，就像噴水池般，血漿四淺，嚇人情度直逼恐懼鬥室，坐鄰近的人更洗了一個血漿浴。

「嘩屌！」這是在場人士的第一個神經反射的反應。在場不論男女都被嚇至花容失色，有的跌坐在地，有的瑟縮牆角，有的破口大罵，有的胡亂拍打牆壁大叫要離開，可是都得不到任何回應，只有傳媒透過小丑續說︰「除咗港台犧牲之外，亦都出現咗第一位被告──朱Ling。」朱Ling聽到後沒有什麼表情，或許是驚嚇過度，又或許是正盤算著些什麼。