唔駛一定入U，我揸van仔，都溝到好多女。: 108 套料
“想買平嘢，最好員工價！”
我用阿Sue個手機號碼搜尋，發咗個what’s app俾阿Sue。
“叫Gigi幫你囉，佢啲配額用晒喇咩？”
幾分鐘後，阿Sue覆我。
“靚女幫到我手先有價值嘛！”
“尋晚先讚你錫Gigi，我而加收番呀，哈哈。”
“對人好，係感受過先知嘅！”
“我唔知你對邊個好喎，總之唔係我啦！”
“世事無絕對㗎，唔好講到咁實，或者有人想對你好呢？”
“對我好嘅人早幾日唔要著數，俾咗錢我賺喎！”
“或者佢想對你再好啲呢，哈哈！”
我見過阿Sue好多幾次，每次我都摟鳩吓佢吹水，就算唔方便傾偈，我都周不時望住佢，等佢知道我留意緊佢。
有時環境許可，我都會好似上次咁，乘機快閃捉吓佢隻手，佢無反面，反應都唔撚錯。
“如果要做好心，聽晚都可以可以過嚟我度嘅，早啲吖，八點！”
阿Sue暗示Gigi放早。
“返唔返嚟食飯？今晚煲湯。”
Gigi果然返早，六點幾佢返到屋企就what’s app我，話佢無蛛絲馬跡又唔似，你話佢有呢，佢就收工又買餸、煮飯、煲湯，同以前無乜撚嘢分別喎，真係諗爆頭。
－－－－－－－－－
我準時去到counter，奇撚怪，阿Sue已經換好晒衫，走咗去隔離化妝品counter同嗰度啲sales吹水。
我揚下手，阿Sue走埋嚟。
"行得喇！"
我搲撚晒頭，乜我唔係嚟買嘢架咩？
真係要佩服女人心思好撚細密，阿Sue同我一齊離開商場，過咗兩條街，就有一間佢哋公司門市。
哈哈，明白晒，喺嗰度食，唔好喺嗰度屙，我買嘢送俾佢，阿Sue唔想喺番自己counter買咁撚揚。
雞髀打人牙骹軟，雞髀就送撚出去，同阿Sue入咗間咖啡室坐低，呢個先係我今晚嘅目的。
"點呀，靚女，近來忙嘛？"
"Van哥，我點及得Gigi吖，唔怕講吖，我今個月啱啱跑夠數咋！"
"唔係嘛，你咁靚女，淨係做熟客都夠啦！"
"哈哈，熟客唔係無，不過唔及Gigi囉，佢熟客又多，仲有啲好撚闊綽！"
呢個唔撚出奇，Gigi把口又甜，又識得收兵。
"Gigi喺我哋嗰區，幾乎個個月都係top sales，近呢一年，嚟咗個熟客，就更加唔洗講，呢個客買得多，又買得密，Gigi而家單起一隻腳都跑贏晒我哋！"
今晚似乎阿Sue爆料俾我多個我向佢套料，聽佢口氣，係有啲唔妥Gigi。
"哦，個客係咪四十零歲，做乜撚經理加嘛！"
"哈哈，係呀！原來van哥識佢嘅。"
我屌吖，呢個咪之前溝鳩Gigi嘅狗公。
阿Sue本來講撚得眉飛色舞，我形容咗條狗公出嚟，佢以為我知道晒佢哋啲嘢，無是非八，當堂謝撚晒，笑都笑得好假。
"唔係呀，好撚耐之前，Gigi提過吓咋！"
我扮撚晒乜都唔知，阿Sue又興奮返晒。
"係呀，van哥，我老實講嘢，你唔怪我吖嘛！"
我屌，你恨呢個機會都唔知恨撚咗幾耐啦，唔八俾我聽，你驚自己會口臭咋。
"呢個客可能想溝鳩Gigi㗎咋，早幾個月佢開始接Gigi放工，嗰時佢都係偷偷摸摸，喺商場出面，隔住條馬路等，我撞見過佢哋好多次，而家佢就大模斯樣，嚟接親Gigi都喺賣女人內衣嗰區度，一路睇女人內衣褲，一路等Gigi換衫！"
雖然估都估到，但係聽阿Sue講佢親眼見過N咁多次條狗公去接Gigi放工，仲越嚟越放肆，就算有撚晒心理預備，都好撚心噏。
"佢買過幾次內衣褲俾Gigi，套套都超性感㗎！"
阿Sue慌撚死打Gigi毒針打唔夠。
唔撚知呢啲係咪叫做現眼報，我最初當細C係女神，無論做乜都錫鳩住佢，屌佢都因撚住，好溫柔咁對佢，不過而家就唔得咗，對佢真係無咁憐惜，乜撚嘢花款都同佢玩，難度越高嘅姿勢越想玩，就算佢唔係太願意，我都利用佢就得人，容易𠱁嘅性格，𠱁到佢肯為止。
而家諗返轉頭，我對細C同對其他女有咩分別呢？講得好撚聽啲，係俾新體驗俾佢，實際上我又咪只係想玩撚到佢盡？
難怪細C而家開始疏遠我，不過佢始終對我有感情，仲會掛住我，到佢忍唔住都會搵我。
我就賤鳩格，最近有一次，心裡面呷佢男朋友醋，屌緊細C嗰時，心裡面竟然諗：你好撚叻咩？我而家屌你條女呀！
我唔知條狗公屌Gigi嗰時，會唔會都係講：吹咩，撚屌van仔，你同Gigi一齊出嚟食飯，迫鳩佢同我分手，串我？！哈哈，我而家就屌緊佢嘞，慘撚得過佢任我屌！
唉，呢啲真係現眼報。
"van哥，我係咪講多咗？！"
阿Sue拖撚住我隻手，想安慰我咁款。
我失驚無神，扐起阿Sue拖住我嗰隻手，放埋口錫一啖。
"嘢！人哋關心你，安慰你，你就抽鳩人哋水！"
阿Sue咋我嬌。
"等我電話，過兩日我搞掂埋啲手尾，搵你出嚟食飯睇戲，等你再安慰吓我，好唔好？"
⋯⋯⋯⋯
呢個幾兩個禮拜，Gigi好似回復番正常，無再返阿媽度食飯，返早就放工買餸，煲湯等我放工，放夜就朝早去咗街市買定餸，夜晚返到去即刻郁手煮飯，不過沉默晒，說話唔撚多一句，唔撚同我同床，我瞓下格，佢就走去上格瞓。
揼吓揼吓仲有個多星期就係佢生日，唔同前一兩年，未有啦來到生日，佢已經講定要食咩，點慶祝，今年佢無出聲要求，我想開口，但係又放唔撚低面子，我開聲先，咪即係我認撚咗輸。
反撚到公司，肥婆老闆娘無派「痾打」俾我，俾著過往，一定好撚開心，做少啲喎！
不過今時今日，做多做少有乜鳩咁大件事吖，做多咪揼行啲油，走快一兩步啫，不過旁邊唔妥我條撚樣就牛咁眼，唔撚順超肥婆老板娘。
話鳩知佢哋啦，如果唔撚係細C，我晨早搵過第二份工啦。
"死仔包，過嚟！"
班伙記出晒去，肥婆老闆娘叫撚住我，佢好耐無同我傾嘢喇。
"死仔包，你係咪溝女溝到上腦呀？"
肥婆老闆娘帶我入房仔，刪埋門劈頭第一句就屌埋嚟。
我死狗咁無聲出。
"上次你去完日本，我已經同你講過，Gigi唔係籮底橙，佢大把人追，叫你好自為之啦，你而家算點先？！"
肥婆仲緊張過我咁。
"咩算點呀！"
"你個死仆街仔，水浸到眼眉喇，知醒啦！係咪等Gigi派餅卡俾你呀？"
"平日你就牙斬斬，而家我屌你，你就聲都唔聲！人哋大學畢業，經理級，五六萬一個月，條件好過你好多，老實講，我都叫Gigi揀佢呀，死仔包！"
"屌！你哋個撚個都話佢好，Gigi咪跟佢囉！"
"好！你咁講就得嘞。唔怕話埋你知，今個禮拜六，Gigi帶佢返屋企見未來外父外母，下星期一齊過澳門玩，慶祝生日，Gigi叫埋我過去，我諗緊去唔去。"
屌，原來佢哋咁撚多安排，我仲一舊雲咁。
"死仔包，我係Gigi契媽，憑良心，我想Gigi好，人哋有樓有車，我唔係話佢有錢就係好，不過你個仆街仔就爛滾，瘟女，瘟細C瘟上腦，我贊成Gigi跟佢㗎！"
我頭耷耷，唔撚知講咩好。
"死仔包，呢條仔婚姻失敗過，不過人哋吸收咗教訓，識得珍惜Gigi，Gigi同佢過過夜，同佢一齊生活過，雖然得幾日，大家算夾得嚟，你唔緊吖嘛，就係咁啦！"
肥婆老闆娘起身走。
"屌，我無話唔緊呀！"
"緊Gigi嘅，就即刻同我返你屋企，同Gigi講得一清二楚，佢今日放假，喺你屋企執番佢啲嘢準備搬，唔緊嘅，我有疊「屙打」喺出面櫃桶，一陣俾你躝出去開工！"
－－－－－－－－－－
我個腦塞撚晒咁，戇鳩鳩喺條街度逛咗個幾鐘先返屋企。
肥婆老闆娘啲情報好撚準，Gigi真係喺度執緊嘢，個行李喼擺撚滿佢啲衫褲。仲有兩個紅白藍袋做後備，佢搬埋嚟住咗咁長時間，有好撚多濕碎嘢係度。佢每扐起一樣，都望一大輪，好多懷緬咁。
"老闆娘同我講咗，幾時走，駛唔駛我幫你車啲嘢走？"
"執得晒啲嘢，就今晚，執唔晒，就聽日或者後日，到時佢會嚟車我！"
Gigi無望我，耷低頭，對眼停留喺啲雜物上面。
既然Gigi立心要走，我都唔撚知再講咩好，淨係坐埋一邊，一枝駁一枝咁食煙，睇住佢執嘢。
Gigi執得好撚慢，好幾次執咗一大堆衫落紅白藍，跟住又好似唔撚滿意咁擺啲衫，扐番晒出嚟，再摺過，再擺過，到差唔多晚飯時間，都好似無乜進展，都床一地都係衫褲、雜物。