唔駛一定入U，我揸van仔，都溝到好多女。: 107 佢喺出面搞乜鬼
早幾日飲撚大咗，對細C毛手毛腳不獨止，仲講撚埋啲侮辱說話。
第二朝清醒番，我屌鳩自己，係咪當細C係雞，佢俾佢條仔屌係天經地義，唔撚係俾你van仔㗎。
我去攞返部車，想搵佢親自道歉，不過新鮮熱辣，搵佢唔知佢有咩反應，就電話同佢道歉。
細C好撚大方，佢無怪我，仲好撚語重心長，叫我咪撚咁衝動，千祈唔好轉工，忍一時之氣。
不過之後再搵佢，佢就無咁積極回覆。
自從問佢攞旅行資料後，同佢由疏遠變番親蜜，攞旅行喼嗰夜佢仲俾我一撩即著，好撚饑渴，好似好耐無俾人屌過咁。
不過見佢一直都好鳩抑鬱，好憔悴，有時睇到佢啲笑容係假扮出嚟。
我前日終於忍唔住，直接問鳩佢，係咪同條仔出咗事，佢就即刻覆我：無嘢呀。
“喂，係咪有咩唔妥呀？即管同我講！”
我第二日再問佢。
佢又即刻覆我：放心，無咁嘅事。
以佢性格，只要我𠱁鳩吓佢，佢一定會講晒出嚟，睇吓點先啦。
⋯⋯⋯⋯
今晚橫掂早收工，無乜節目，諗住同Gigi喺外面食餐晚飯，然後搵番場戲睇吓，同佢溫馨吓，然後屌番鑊先瞓。
去撚到商場，點解唔見咗佢個櫃檯嘅？以前呢一忽全部都係賣化妝品格，我係喺呢度溝Gigi架喎。
無計啦，問下商場服務台，個櫃台小姐第一句問我：請問係邊個品牌呢？
屌，真係呃鳩晒，真係唔記得Gigi賣緊咩牌子嘅化妝品，唯有再同個櫃臺小姐講，佢件制服係鮮紅色嘅。
點撚知都唔掂，櫃檯小姐話佢印象中無一個化妝sales嘅制服係鮮紅色，不過佢就話俾我知，化妝品區幾個月前已經搬咗去商場另一個樓層，佢話埋俾我知邊一層，邊一忽。
上到去化妝品區，頭岳岳咁，好日唔搵吓Gigi，一搵自己就好似個傻撚咁。
好彩我眼利，一鳩見到Gigi其中一個同事，佢sale緊個客，想睇吓其他嘢啦，點知化妝品區隔離係買女人內衣褲嘅。
我男人老狗，點好意思走埋去睇呢，呢一刻幾想細C喺我旁邊，陪佢揀吓底衫褲，送鳩俾佢又點話啫。
“Van哥，乜放假拍拖拍到嚟呢度，Gigi呢？”
Gigi個同事阿Sue亦都見到我，佢做唔成生意，個客行開咗，佢同我打招呼。
Gigi今朝明明話佢返早喎，又會放咗假嘅？
“哦，佢去咗廁所，趁佢行開咗，買啲嘢送俾佢啫！”
輸人唔撚輸陣，唔好連自己條女放假都唔知，衰鳩俾人睇。
“哈哈，玩驚喜！Gigi真係幸福呀，條仔咁錫佢！”
阿Sue跟住就介紹啲化妝品，我連Gigi用緊咩化妝品都未知，又要扮撚到好了解佢咁，有幾個位幾乎穿崩。
“我想要新出品，Gigi好多時唔捨得買。”
我話要新產品，就算我唔知係乜鳩都無問題丫嘛。
新產品吖嗱，埋單就千鳩幾。
“我俾個員工價你啦！”
阿Sue好撚識做。
“俾員工價我，你咪白做，唔好，第日我送嘢俾你嗰陣，你先俾員工價我啦！”
你識做時，我仲識做，三兩佰蚊慳嚟無撚用。
“哈哈，送嘢俾我？唔怕Gigi閹咗你？”
“佢捨得咩？”
我應該唔算誇口掛。
阿Sue雖然無Gigi咁好波，不過佢好撚靚女，仲有少少姣，最重要我想喺佢身上探吓Gigi啲料。
阿Sue好撚好心機包好樽唔知乜春化妝品。
“呢套新制服幾靚吖！”
Gigi返工返邊度唔知，佢換咗新制服又唔知，到底我知佢幾多嘢？又或者幾耐無留意佢，關心佢？
“換咗成兩個月啦，你唔知咩？”
“哈哈，佢同我一齊係唔著衫嘅，哈哈！”
“屌，van哥，唔好挑逗我啦！哈哈。”
我接過樽化妝品，乘機捉住一吓阿Sue隻手，我尾指乘機搲一搲佢手心。
唔知佢指Ggigi無著衫係挑逗，定係撩鳩佢手心係挑逗呢？
阿Sue無縮手，瞄撚吓我，嘴角仲陰陰笑咗一吓。
“產品有問題，俾電話我吖！”
阿Sue俾遞張發票俾我，上面唔撚係佢公司電話，係佢手寫咗佢個手提電話喺上面。
我臨走前，伸開手指公同尾指，放喺耳邊，做個打電話手勢，佢擰轉頭同我笑撚吓先番埋櫃枱。
.......................................
我晨咁撚早返到屋企，將嗰樽化妝品連埋佢公司個紙袋放正喺床邊，Gigi當做化妝枱嘅木枱上面。
其實我應該好撚慚愧，Gigi連一張正式啲嘅化妝檯都無。
踏正九點九，即係我通常返到屋企前三個字，Gigi開門返到嚟，唔撚係以為早我少少返屋企，我就唔知吖嘛。
佢見到我坐喺廳，又望見嗰樽化妝品，佢呆咗一呆，知咩事，不過佢即刻就好撚自然，好撚淡定咁。
“今日放假同咗阿媽上廣州玩，買咗啲嘢俾你食。”
佢似乎無呃我，真係喺個斜孭袋裡面攞咗一盒乜春蛋黃酥出嚟，個包裝盒的確印住廣州白雲區個地址。
“係呀，佢哋仲約咗下個月初過澳門玩兩日。”
屌，又係澳門。
“咦，係喎，其中一日係你生日喎！”
我突然間醒起。
“⋯⋯係⋯⋯係咩⋯⋯我都唔記得咗添！”
Gigi口窒窒咁答我。
咪當撚我係傻㗎啦，女人邊會唔記得自己生日㗎！
澳門，生日，我毛管都戙篤企起晒！
“阿伯母唔係咁有心，同你過澳門慶生吖馬？等我都參加埋一份先！”
我留意Gigi反應。
“好吖，我以為你唔鐘意同我屋企人見面，以為你有時間都搵細C咋！”
點撚知Gigi好自然咁串鳩我，一啲破綻都無。
“屌，年鳩幾前嘅嘢都挖番出嚟講，把撚咩！”
“你呃鳩我好哋哋，我正經同你講，你就疑神疑鬼，好吖，你想去，我叫佢哋預埋你，仲有三個幾星期，趕得切㗎！”
Gigi大鳩我。
“你咪以為大鳩我，你生日都唔撚預我，我係你咩人呀？”
我火起上嚟，隨手攞起千鳩幾蚊買嘅乜春化妝品，出力掟落地下。
「啪」一聲，嗰樽嘢散撚晒，好彩有包裝紙包住，唔使啲玻璃碎飛到四圍都係。
換做以前，Gigi一定攬鳩住我嚟講對唔住。
不過佢今晚佢竟然粒聲唔出，走去攞掃把，掃番晒啲玻璃碎，抹乾淨地下啲化妝品。
"你沖唔沖呀？唔沖就我沖先。"
Gigi搞撚返掂地下個爛攤子，就問我。
我懶鳩得睬佢，佢就唔撚多講，自己去沖涼先。
跟住佢如常執屋，不過就一句說話都無，唔撚似佢平日一輪嘴，講過唔停。
我屌，佢發撚生咗咩事呀？
我沖完涼，一鳩跳上上格床，同Gigi玩冷戰。
我成晚碌來碌去，瞓得唔冧，不過Gigi喺下格都唔好得過我幾多，佢成晚都喺度㩒手機，個mon嘅藍光一路發光。
橫掂瞓唔著，我試吓重組案發經過。
珠女生日前幾日，Gigi仲先過我話返阿媽屋企食飯，不過無話會留低過夜。
到珠女慶生完，我送細C返屋企，知道有下文，就what’s app佢話夜啲返。
個短訊單剔，即係未接收，我屌完細C，返到屋企三點幾，佢成晚無返。
第二朝我俾電話佢，電話未能接通，即係話佢一直熄搖咗機，佢係一個全天候機不離手，三佰六十五日唔熄機嘅人，乜撚嘢導致佢熄咁撚耐機呢？
Gigi搬鳩埋過我度住之後，佢好似未撚返過屋企過夜，連食飯都少，就算團年，我同佢屋企人幾撚唔啱牙，我千萬個唔願意都好，佢都拉鳩埋我哋一齊食餐飯。
而加佢就一星期一兩晚返屋企食飯，個零月返去過一兩晚夜。
唯一係佢成家返鄉下同親戚拜年，我同佢哋三唔識七，佢先無預我。
今次佢生日咁大日子，我話撚晒係佢唉吔老公，佢竟然唔預我，我唔撚踢爆佢瞞住我放假，佢都唔出聲。
佢喺出面攪乜鳩呀？