《十七歲嗰年，我做咗Miss隻兵》: 第十四章（3）

         時間一分一秒地過去，過了大約十分鐘，正失望地低頭看着地板的Miss Lam的眼前突然出現一雙熟悉的黑色波鞋，她記得是阿祖常穿的款式，再次點燃了Miss Lam快要熄滅的希望。
        然而，當她高興地抬起頭時，卻是一張從未見過的臉。
        「你好呀，想問你知唔知邊到有7-11？」眼前的男人低頭問道。
        「呃，好似係嗰邊轉右就係。」Miss Lam指着左邊的方向說。
        「係呢，頭先見你地咁多人，你地係咪去遊學團？去邊呀？」那男人繼續問道。
        「係呀，去台灣。」Miss Lam微笑回應道，心裏卻開始感到疑惑。
        「咁啱嘅，我都係去台灣喎，我去台北，你地呢？」那男人拿起手上的機票和Passport在Miss Lam眼前揚了揚，剛巧是Miss Lam他們將要乘的那班機。
        這使Miss Lam稍為放下了戒心，說：「係呀。」
        「哇，你真係幸福，咁細個有得去台北遊學。」
        「我？」Miss Lam疑惑地問道，那男人點點頭，Miss Lam才知道他誤會了，連忙解釋道：「我唔係學生啦，我係佢地老師，負責帶佢地去遊學。」


        「咁後生又靚女嘅Miss？」那男人驚訝地問道。
        Miss Lam不知怎回應，只好尷尬地微笑着。
        「其實我今次都係一個人去台灣想去放鬆下，不如我地交換個電話，到時夜晚約出黎食下野呀，我知台灣有好多好正嘅夜市架。」那男人把自己的手機遞到Miss Lam手上。
        死啦，點樣拒絕佢好呢？Miss Lam心想，當她正苦惱如何禮貌拒絕眼前人之際，突然多了一把熟悉的聲音。
        「Sorry喎，Miss已經有人約，唔得閒同你去食。」阿祖奪過Miss Lam手上的手機，拋到那男人身上，伸手Miss Lam把她拉到自己身後。
        「你終於到啦！」阿祖的出現頓時點燃了Miss Lam方才暗淡無神的雙眼，Miss Lam高興地看着阿祖說。
        「哈，你係佢邊個，憑咩？」那男人不屑地冷笑道。
        「憑我係佢男朋友。」阿祖摟着Miss Lam的肩，把她拉到自己身旁說。
        「你？」那男人難以置信地看着看起來比Miss Lam還要年輕的阿祖，可是Miss Lam沒有反抗，他也只好當真，無奈道：「OK，Fine，咁祝Miss你同男朋友玩得開心啲啦。」
        直到那男人離開後，Miss Lam才掙脫阿祖的手，說：「你做咩又扮我男朋友？」


「講下又唔會有BB嘅，唔洗咁擔心喎，Leung Sir又唔係到。」看着Miss Lam那緊張的臉，阿祖笑着說。
        「你做咩咁遲又唔聽電話？」Miss Lam問道。
        「Miss，我無你咁幸福，我要靠自己對手養活自己，咪遲咗囉，琴晚又唔記得叉電。」阿祖理所當然地說道，彷彿自己遲到是應份的。
        Miss Lam本想繼續狙擊阿祖這樣的態度，可是看了看手錶發現已快到登機的時間，連忙拉着阿祖的手，說：「唔理啦，就快趕唔切，我地快啲去Check In先。」
        Miss Lam拉着阿祖的手腕跑向Check in的櫃枱，接着又拉着他跑向登機閘口，全程沒有鬆開過他的手。
        「好彩⋯⋯好彩趕到。」Miss Lam氣喘吁吁道，手還握着阿祖的手。
        看着Leung Sir那不悅，卻又無可奈何的樣子，阿祖心裏竟有一絲快意，為自己的遲到感到慶幸。
        「仲有個學生呢？」Miss Chan問道。
        「err……」Miss Lam看到阿祖那刻，頓時把那位學生拋諸腦後，結巴道：「我⋯⋯啱啱先咗佢15分鐘架，真係唔見佢，所以我帶祖耀入咗黎先，一個無到好過三個無到呀嘛。」
        Miss Lam邊說邊點頭，像這樣可以加強說服力似的，Miss Chan連忙掏出手機來再次致電那位學生。


       
        來到台灣已是下午一時多，旅遊巴直接開往這幾天要交流的大學，先是到大學飯堂吃午飯，接着聽了兩小時的講座，再來兩小時的校園參觀和交流，終於可以回酒店放下行李稍作休息。
        當Miss Lam和導遊走到櫃枱前替大家Check in，一切都非常順利，拿到房卡，以為可以回房間稍為休息一下時，竟發現無論她怎數，房卡的數量還是不太對。
        「不好意思，你是不是少給了一張房卡？」導遊問道。
        「不是呀，54張房卡，應該是剛好的。」
        「可我們訂的是56間。」導遊拿着列印好的付款證明說。
        「欸，可系統顯示的是54間，可能出錯了，可是今晚的房間已經滿了，沒有多餘房間了。」職員為難地說，「不然我們可以幫你訂附近的其他酒店。」
        「唔得，我地一定要所有人住同一間酒店，如果唔係take care唔到啲學生。」Miss Lam對導遊說。
        「但我地唔係有個學生無黎咩？」導遊問道。
        「係呀，但就算係咁都係差一間房。」Miss Lam苦惱道。
        「發生咩事，做咩搞咁耐？」Miss Chan走到二人身旁問道，導遊馬上向她解釋。在得知事件後，Miss Chan幾乎是折射性反應，說道：「唔洗啦，你同Leung Sir一間房咪得囉，本來都係因為我地單丁咗一男一女先訂56間房，你地應該唔會介意？」
        「會唔會⋯⋯唔係咁好？」Miss Lam尷尬地說道。
        「咁⋯⋯一係你同祖耀一間啦，反正你地係表姐弟。」
        「都唔係咁方便嘅。」Miss Lam為難道。
        「咁⋯⋯唔通叫Leung Sir訓副校間房？」Miss Chan小聲地在Miss Lam耳邊說。


        為把費用降至最低，所有師生都是二人一間房，唯獨副校一人獨佔一間房。
        「但⋯⋯比學生知道會唔會⋯⋯」Miss Lam糾結起來。
        聽到Miss Chan那些不合理的建議，Leung Sir不禁皺起眉頭來，走到她們身邊，說：「有個男同學無到，姐係應該有個學生係一個人一間房啦，我同個學生一間房咪得囉。」
        「做咩搞咁耐嘅，係咪遇到咩問題？」副校突然也走過來問道。
        聽到副校的聲音，Miss Chan連忙戴起親切的面具，從Miss Lam手中拿過一疊房卡，笑着說：「啱啱唔夠房，不過我已經諗到解決方決，解決咗個問題，可以派房卡啦。」
 
        為了監視姪女Yuki，以免她晚上偷溜到夜店，Miss Chan決定和Yuki睡一個房間。Miss Lam因此獲得獨佔一整個房間的好機會，還要是一張雙人床，使她回到房間，還未脫鞋，已興奮地跳上那張軟熟的大床，一天的疲勞終於得到舒緩。
        「你就好啦，一個人一間房。」房裏突然響起一把聲音，嚇得Miss Lam連忙從床上跳起來，定眼一看，竟是阿祖，正站在玄關處，倚着牆觀望自己。
        「你點入黎架？」Miss Lam指着阿祖驚訝地問道。
        「你道門都無閂實，我好心想入黎提醒下咋，點知原來係你，都係嘅，你份人咁大頭蝦，我應該一早就估到係你。」阿祖說。
        「真係多謝你嘅提醒，無其他事嘅話，門口係嗰邊。」Miss Lam微笑道，手向着門口的方向，示意他盡快離開。
        「唔洗咁擔心喎，我嘅好表姐。」
        「表你個頭，行啦你。」說罷，Miss Lam把阿祖推向大門的方向。
        站在門外，當Miss Lam準備關門時，阿祖卻用手擋住了門，說：「我走唔緊要，不過有啲野想問下你。」
        「咩？」


        「你頭先入黎之前有無敲門？」
        「敲咩門，我唔信依啲架喎。」
        「平時唔信都OK嘅，不過⋯⋯你依間尾房黎架喎。」
        阿祖這樣一說，Miss Lam把頭伸出房間瞧了瞧，才發現原來自己房間真是整個走廊最後那間，而房間對面竟是一堵牆而不是房間，是真真正正的尾房。
        「聽人講，依種尾房最陰，你仲要一個人瞓，對面又無人，仲無敲門添，我嘅好表姐，加油。」阿祖向Miss Lam做了個支持她的手勢後，便頭也不回地離開了，留在原地的Miss Lam被他這樣一說，平時天不怕地不怕的她竟有種毛骨悚然的感覺。
        猶豫地把門關上後，Miss Lam倚着門回想了一遍阿祖的話，小心翼翼地走到電視櫃下，深呼吸，鼓起勇氣後，閉上眼拉開來看，卻一無所獲。可是她不心息，又走到書桌前，這次她終於找到了她想要的東西——聖經，樣子看起來有點殘破，像被使用過很多遍了。
        看到它這舊歷風霜的樣子，Miss Lam咽了咽口水，心想：唔係比個死仔講中呀嘛？⋯⋯唔會嘅，自己嚇自己姐，唔好諗咁多啦，一陣仲要寫Report，快啲去沖涼先，沖完涼再講。
        Miss Lam這樣哄騙自己，連忙把聖經放回櫃裏，假裝甚麼事都沒發生，實際上腦海卻忍不住不斷回房阿祖的話，每重複一遍，那份恐懼便深了一層。
       
        阿祖的房間和Miss Lam的在同一層，還剛巧是一首一尾，起初他也沒甚麼所謂，直至推門看到眼前人時，才覺得上天在跟他開玩笑。
        「點解你地會係我間房架？」阿祖驚訝地看着Leung Sir和Miss Li問道。
        若可以的話，他真想馬上離開這房間，可是剛和肥仔文吵架了，身上的錢又不多，無法像在香港一樣瀟灑地揚長而去。
        「咁啱同你同房嘅同學無黎到，又少咗間房，咁唯有我地一間房啦，幾日姐，好快過，唔好咁介意啦。」Leung Sir理所當然地說道，繼續蹲在行李前左翻右找的。
        「咁你呢？Miss Li你⋯⋯做咩係我地房？」阿祖問道。
        「祖耀你唔好誤會，係我大頭蝦唔記得咗帶沖涼液，咁啱Leung Sir就係隔離房，咪行過黎借囉，唔好意思呀，打搞到你。」


        咁多女老師唔問，係要行過黎個男人房到借？阿祖心想。
找了半天，Leung Sir從行李箱掏出一袋洗澡用品遞到Miss Li手上。
        「唔該晒你，好彩有你咋。」Miss Li感激地看着Leung Sir說道。
        「唔洗客氣，你快啲返去休息啦。」Leung Sir走到門前，主動替Miss Li打開。
        「你都係，早抖。」
        Miss LI離開後，阿祖故意在Leung Sir面前說：「有女朋友，仲比其他女人入你房，幫人幫到底，你真係好啦，Leung Sir。」
        「我同Miss Li呢，就真係無野，唔係你諗嘅咁嘅。祖耀，其實你咁唔滿意我，我地之間係咪有咩誤會？」Leung Sir誠懇地問道，一心想藉這次交流團與阿祖修補關係，尤其在知道他是Miss Lam的表弟後。
        「誤會？你講你同Miss Li，定你同Miss Lam？」
        「唔理你信唔信都好，我同Miss Li都真係無野，我剩係鍾意你表姐，Miss Lam。」
        「哈，依啲野，你留返同Miss Lam講啦，總之你有咩對唔住Miss Lam嘅，我唔會放過你。」阿祖直勾勾地盯着Leung Sir雙眼說。
        Leung Sir未來得及回應，阿祖已拿着梳洗用品和睡衣走到洗手間，「咔」的一聲把門鎖上。