《十七歲嗰年，我做咗Miss隻兵》: 第十四章 「多謝你收留我，以後我地無拖無欠，我都唔會再麻煩你。」
第十四章 「多謝你收留我，以後我地無拖無欠，我都唔會再麻煩你。」
聖誕假期終於完結，可是新學年的第一天，Miss Lam和阿祖沒有再一起回校上課。
自從那天和Leung Sir十指緊扣的照片流出後，Miss Lam沒有再提起要阿祖搬回去一事，倒是經常不在家，即使難得留在家，她和阿祖說過的話也不超過十句。
阿祖知道Miss Lam在躲避自己，也知道自己應馬上從Miss Lam的家撤退，可是打開手機的通訊錄，上面的聯絡人雖然很多，可是真正熟絡的少之又少，當中又有幾個願意收留他？
一時三刻，他實在不知道自己可以去哪。
就在這個時候，阿祖竟看到他那位久未露面的姐姐出現在校門前。
阿祖收起手機，加快腳步走上前，驚訝地問道：「你點解會係到架？」
「仲好問？咪黎處理你啲蘇周屎，你做咩唔去肥仔文到訓，偏要去你班主任到訓？」阿祖的姐姐用力拍了阿祖的額頭一下。
時間尚早，還未是學生回校的高峰時段，街上的人也寥寥可數。
「咁我可以點姐？唔通真係訓街咩？」阿祖無奈地摸着火辣辣的額頭說。
「你班主任明明咁靚女，」阿祖的姐姐想起那次見Miss Lam時，印象中那年輕可人的模樣，愈想愈不對勁，續說：「你唔係⋯⋯你對你班主任做咩啲咩黎？係咪影人裙底跟住要脅佢收留你！？」
「哇，你咁諗你細路嘅。」
「你楊祖耀，個膽同你呀媽一樣咁大，之前仲癡埋啲死𡃁仔到，我點知你呀，你死唔緊要呀，一陣累到人地Miss，明明好心收留你，結果比你斷送大好前程就唔好啦，唉。」阿祖的姐姐說着說着竟內疚起來。
「祖耀家姐？又會咁早嘅，校長仲未返到，一係你入黎會議室等陣呀。」男副校從校門走出來，準備去買早餐，剛巧遇上阿祖他們。
「喔，好呀，唔該你。」阿祖的姐姐說，接着便跟着副校走到會議室。
阿祖和姐姐坐在會議室後不久，校長和副校便進來了。
會議室的空間不大，中央放了一張長方形的桌子，並圍繞着它放了六張椅子，校長和副校拉開近門的那兩張椅子，坐了在阿祖和姐姐對面。
「你好呀，食咗早餐未呀？」校長故作親切地問道。
「食咗啦。」阿祖的姐姐也微笑回應道。
「其實今次勞煩你黎，係想了解返阿祖最近嘅生活情況。」校長說。
坐在一旁副校拿出一張阿祖的出勤紀錄表，遞到阿祖姐姐面前，說：「咁係了解之前都要讚下阿祖，今年個出勤紀錄比上年進步咗好多，唔單止係咁，品行各方面都有進步，好希望你可以維持落去。咁除此之外呢，都有件事想同阿祖你了解下嘅。」
說完一大堆門面說話後，副校才終於進入正題，續說：「其實就係有同學話見到阿祖同班主任Miss Lam嘅關係比較親密，咁我地都有再深入了解過，咁都有同學話見過佢地一齊返學、放學咁，所以想了解下件事究竟係點。」
「咁啱撞到一齊返學、放學唔得嘅？」阿祖不屑地反問道，這樣的態度瞬間惹起副校和校長的反感。
「祖耀，希望你注意下你嘅態度。」副校嚴肅地說。
「佢青春期係反叛啲嘅，大家唔好介意呀。」阿祖的姐姐嘗試打圓場道，「不過就算真係一齊返學、放學，又有咩問題呢？」
「喔，咁如果只係咁樣單一事件問題又不大嘅，只係有同學唔單止見到佢地一齊返、放學，仲見到佢地⋯⋯每朝都係同一棟大廈走出黎，又一齊返番去，咁傳咗啲遙言出黎，咁其實就非常影響到校譽嘅，所以就想約埋家姐你了解下。」
事情發展到最後，校方關心的仍然是學校的聲譽，擔心會對來年收生造成影響，而不是事情對學生所造成的影響，甚或傷害。
他們口中的有教無類、作育英才不過是個用來賺錢的幌子。
「有咩好了解，你地關心嘅都只不過係學校個名姐，反正都係band3學校，校譽？邊個睇？」阿祖一語道破事實，校長的臉頓時涮上層灰。
阿祖的姐姐連忙在桌下踢了阿祖的腳一下，瞪了他一眼，別過臉又微笑對校長和副校說：「但學生嘅片面之詞，未必係事實喎，你地會唔會再深入了解啲先再作判斷？」
「係囉，證據呢？」阿祖問道，自信他們不會找到證據。
然而，副校卻拿出手機，打開Facebook，裏面竟有幾張他和Miss Lam結伴進出同一所大廈的照片，而上傳者不是Yuki，而是肥仔文。
阿祖的腦袋頓時一片空白，沒想過出賣他的會是他最信任的好兄弟。
「希望家姐你明白其實我地並唔係話要處罰阿祖或者點，其實都只係想了解下件事。」副校收起手機說道。
「其實呢，⋯⋯本來依件事我地都唔諗住拎出黎講嘅，不過事到如今，都唯有照實講啦。其實⋯⋯」像是卡了在喉嚨的痰，阿祖的姐姐幾乎用盡全身力氣才終於把它吐出來，說：「其實Miss Lam係阿祖表姐。」
吓，我幾時多咗Miss Lam依個表姐？阿祖心想，眼睛因受刺激而不自覺地瞪大了，卻又馬上恢復正常，以免表現得太過驚訝會影響姐姐的表演。
「咁啱依排屋企有啲事，阿祖去咗佢表姐到暫住，咁大家同一間學校返工返學，有依張相都⋯⋯都好正常呀。」
「你意思係阿祖同Miss Lam係親戚關係？」副校聽得皺起了眉頭問道。
「表姐同表弟，你話呢？」阿祖姐姐攤開雙手問道，像是在說：白癡都明啦，吓嘛？
「如果係咁，點解一開頭唔同學校講？」
「咁⋯⋯咁Miss Lam搵工都唔容易架嘛，萬一因為阿祖嘅關係，影響到佢份工就唔好啦，先至無講咋嘛。」彷彿謊言說多兩遍就會成真，阿祖的姐姐愈說愈順口，理直氣狀地說道，阿祖則不發一言地看着她，以免破壞她這場好戲。
「原來係咁，你會有咁嘅疑慮都正常嘅，多謝你話比我地知依件事。如果係咁事情就好辦得多啦，原來只係一個誤會。」副校微笑說道，頓時鬆了一口氣，不然他可要想辦法面對外面昨輿論壓力。
「你地唔會對Miss Lam點架可？同埋依件事，你地唔會周圍同人講呀嘛？」阿祖姐姐試探道。
「唔會唔會，依件事我地會盡可能保密，唔洗咁擔心。」校長客套地回答道。
「咁就好。」阿祖姐姐安心地說，唯獨阿祖還是不安地盯着滿臉油光的校長和副校。
這夜月光稀微，坐在公園的鞦韆上，沒有月光可以欣賞，只有活受寒風的罪，即使是滿身肥膏的肥仔文也快要耐不住。
「唔好喊啦。」肥仔文坐在Yuki身旁的鞦韆安慰道。
那夜被阿祖糟蹋後，Yuki馬上跑到樓下的公園，還打了給永遠隨傳隨道的肥仔文。
這次也不例外，肥仔文明明和Ken他們剛到蘭桂坊不久，酒還未點，聽到Yuki的電話後，又坐的士趕了回來。
「明明我對佢咁好，點解佢要揀Miss Lam唔揀我？」Yuki把頭埋在臂彎裏，服在雙腿上哭着說。
「阿祖份人不嬲都鍾意向難度挑戰架啦。不過，⋯⋯佢今次又真係過份咗啲嘅，明明我都未食到就比佢食咗⋯⋯」肥仔文愈說愈小聲，愈想愈不甘心。
「你講咩話？」Yuki突然抬起頭看着肥仔文問道。
「無，我係話佢點可以咁賤格，為咗拎返條片竟然咁對你，明明你對佢咁好！」肥仔文激動地說。
「好又有咩用？唔鍾意我都算，仲要咁對我⋯⋯」Yuki含着一腔淚，看着遠方空無一人的長椅，不甘地說道。
「依啲仆街唔好理佢啦，當無識過佢依種人。」肥仔文勸說道。
「但⋯⋯但我真係好唔開心，唔甘心⋯⋯」Yuki的眼神變得凌厲。
「咁你想點呀？坐係到吹風都唔係辦法架。」肥仔文從鞦韆上站了起來，走到Yuki身旁，掏出紙巾，蹲下來想要替Yuki擦眼淚。
Yuki卻迴避了，一把鼻涕一把淚地說：「我唔好過，佢地都唔可以好過。」
看着Yuki那充滿怨恨的眼神，肥仔文不知怎勸說下去才好，雖然明知不會有用，還是勸說道：「冤冤相報何時了？」
「唔得，我唔會比佢地好過。之前Amy明明話見過佢地一齊返學、放學，你講，你係咪呃我？佢地其實係咪一齊住？！」Yuki的目光突然從長椅移到肥仔文身上，水汪汪的瞪着他問道。
「邊⋯⋯邊有呀。」肥仔文心虛道。
「真係？你發誓呀，如果你有半句假話，就一世溝唔到女！」
在Yuki的恐嚇之下，加上看到她傷心可憐的模樣，肥仔文終於忍不住說：「呃⋯⋯唉，好啦，係，佢地係一齊住，但⋯⋯」
肥仔文話還未說完，Yuki突然一下子吻上他的嘴唇，而他除了張大眼睛便甚麼都不會做了。
藏在心裏這麼久的女神，眼中從來只有阿祖、籃球隊隊長等的風頭躉，她的愛和吻也從來只屬於他們，而他只有接受她淚水的份。
雖然這個吻是鹹的，對肥仔文而言，卻被蜜糖還要甜。
「我就知道你對我咁好，一定肯幫我，好彩仲有你係我身邊。」Yuki又突然一下子抱着肥仔文說道。
肥仔文很想拒絕，可是當Yuki牢牢抱着自己，她身上的香氣馬上淹沒他的理智。
「好，只要你唔好再喊，咩都好。」肥仔文也伸手抱着Yuki。