《十七歲嗰年，我做咗Miss隻兵》: 第九章（4）

自從那天起，Miss Lam的笑容變多了、燦爛了，不再像以前總是滿懷心事，板着一張臉，和阿祖的相處也不那麼拘謹，常常沒穿內衣便在家亂逛，看得阿祖晚上總對她想入非非。

        這對阿祖而言應該是好事，只可惜她的笑容不只為他綻放。

        星期五放學後，義工小組的負責老師Leung Sir和Miss Li本來要帶義工小組的同學社區中心做義工，可這天Miss Li臨時不舒服請了半天病假，其他老師又都也忙着回家照顧小孩，副校一時找不到人，便對正埋首改卷的Miss Lam打起主意。

        「係咪好忙好多卷要改呀？每次經過都見你係到埋頭苦幹緊咁。」副校突然站在Miss Lam桌前問道。

        Miss Lam的位置就在走廊前、影印機旁邊，其他老師經過時都會看到她的一舉一動。



        副校也不例外，有時候還會找她說說閒話。

        這天，Miss Lam以為副校又來找她說閒話，便暫且放下手上改不完的功課，對副校微笑道：「係呀，中六堂堂都Pastpaper，我又改得慢，無計啦。」

        副校雖已為人父，年紀早已不輕，可是男人的成長好像只有數字上的增長，外表卻像能永久凍齡般永遠年輕，即使說只有三十多歲大概也會有人相信。

「係呀，仲諗住Miss Li病咗，諗住一陣搵你代佢，同Leung Sir一齊帶啲學生出去活動添。你啲卷急唔急架？」

Miss Lam知道副校不是真的想知道功課是否急着要改好，而是在等她主動答應代替Miss Li帶活動。



        Miss Lam本來約了阿祖一起回家看Sex Education的結局，很想對副校說急得很，可想起自己只是一個合約老師，根本不像其他「老屎忽」有拒絕的權利，只好說：「都唔係好急姐，反正今日都無約人，我OK呀。」

        「辛苦晒你啦，明明唔係義工小姐都要黎帶活動，仲要係寶貴嘅星期五，你無約人咩？應承得咁爽快。」

        有呀，係咪唔洗帶呀？Miss Lam心想，卻說：「我都好少約人嘅，翻到屋企都係改卷，不如同啲學生去學下野好過。」

        「難得喎，年輕人竟然無活動，咁就靠晒你同Leung Sir啦。咦，Leung Sir呢？」副校這才發現坐在Miss Lam旁邊的Leung Sir的座位竟空空如也。

        「喔，佢仲未落堂。」



        「咁麻煩你一陣幫我同佢講聲，由你代Miss Li呀。」

        「無問題。」Miss Lam微笑回應道。

        救命，星期五都要遲放工，OT仲要無補水，仲慘過狗，唉，Miss Lam心想，發了則信息給阿祖：今日要帶活動，要OT到8點，嗚⋯⋯。

 
        「喂喂喂，唔好走住。」肥仔文拉着準備離開課室的阿祖說。

        「做咩？」阿祖不解地問道。

        肥仔文把頭探出走廊看了看，發現目標人物還未到，只好隨便找些話說：「我想問你，究竟點樣先可以成功溝到條女？」

        肥仔文是個不會說謊的人，阿祖一早便看穿了他，還是敷衍他道：「你呀？減個肥先會快啲。」



        這雖是敷衍，卻也是事實。其實肥仔文的五官並不差，且皮膚又白又滑，若能稍減一下，說不定真能成為小鮮肉。可惜，對於美食他總是無法抗拒，又抱着「能坐就不會站，能躺就不會坐」的座右銘做人，自然是不可能成功減下來的。

        「點呀，你究竟等緊邊個，放得我走未？」阿祖從褲袋掏出手機，不耐煩地問道。

        要不是猜到Miss Lam應該還未可以離開學校，阿祖應該早就撇下肥仔文了，才沒耐性在這和他一起不知道在等甚麼。

        「唔係呢，你等多陣啦。」肥仔又看了看走廊，續說：「你估減肥咁易呀？仲難過打機。話時話我打嗰隻新Game，打極都破唔到關，你幫我破呀，我連隻Game都帶埋返黎架啦。」肥仔文指着背包說。

        「你帶隻Game返黎做乜？都要有部機先玩到架，你媽仲要對我落埋封殺令，點幫你破呀，醒目仔？」阿祖不解地看着肥仔文。

「喂，你兩個做咩唔等埋我？」

就在這時候Yuki突然出現在課室門前。

「你唔係走咗架咩，做咩又行返番黎？」阿祖問道。



「走你個頭，我啱啱去咗隔離班還野咋嘛。」

「我差啲就攔佢唔住。」肥仔文說道。

「做咩，你攔住我就為咗等佢？」阿祖指着Yuki問道。

「哇，楊祖耀，你依家咩態度，好唔想等我咩？」

在Miss Lam還未來這所學校任教、肥仔文和阿祖還未下那個賭注之前，只要Yuki和阿祖那段時間沒有拍拖，三人都會一起下課。

然而，這回Yuki明明已分手了好一段時間，阿祖也沒有在談戀愛，三人卻再沒合體過，頂多是肥仔文和Yuki二人一起下課。

「係咩，好似已經係三萬年前嘅事啦喎。」



「你仲因為上次淋水嘅事嬲呀？好心你咪咁小器啦。」Yuki問道。

「無喎。你鍾意淋邊個咪淋邊個囉，我邊管到Yuki姐你。」

確實，從前Yuki和阿祖曾是最佳好友——自小學一年級，也是因為阿祖，Yuki才會和肥仔文成為朋友。雖然在那段阿祖迷失的時期，他們曾失聯過，可是後來也重新走在一起了。

Yuki以為這次也是這樣，然而，現實卻不如她所願。

而她比他更在乎這段關係，她唯有棄械投降。

「OK，我認我唔應該屈Amy，但我都唔想架，我會比人踢出校架。」Yuki解釋道。

「咁你一開頭就唔應該淋人水。」

「唔係因為你我會淋佢水？」Yuki試圖把責任都推到阿祖身上。



「你自己唔妥Miss Lam唔好賴我喎。」阿祖攤開雙手，一臉無辜地說。

「你日日掛住溝Miss，你講你幾耐無同我地一齊放學呀？」Yuki理直氣壯地問道。

雖然阿祖拍拖時也會把他們二人拋諸腦後，可是阿祖拍的拖都是來得快，去得更快，可這次卻好幾個月沒找他們了。

Yuki的話讓阿祖有些許內疚，可這明明是他和肥仔文的賭注，又反駁道：「係，咁但係我同肥仔文落咗賭注，緊係要溝啦，你知我不嬲講得出做得到架。」

「咁你溝到未呀？」

算係溝到？阿祖心想，自己也對現狀感到混亂，無法為二人關係找到一個確實指稱。

「你又無份賭，唔話你知。」阿祖故作神秘地說道。

三人之間很少有秘密，Yuki不喜歡這種被排擠在外的感覺。

「肥仔文，你話我知，佢係咪已經溝到Miss Lam？」

「我剩係知最近隔離女校有條新女溝佢咋，其他我咩都唔知呀。」肥仔文把雙手舉到耳邊作投降的姿勢說道。

肥仔文看似蠢鈍，卻正正如此，別人才不會懷疑他說的話，於是蠢鈍成了他最佳的保護色。

「邊個？」Yuki好奇地問道。

這時，阿祖手機一震，是Miss Lam傳來的信息：「今日要帶活動，OT到8點，嗚⋯⋯」

8點咁夜？阿祖心想，發了則信息問道：「係邊到完？」

Miss Lam馬上回覆：「深水埗啊T-T」

八點深水埗，依家先得嗰四點未到，我要去邊Hea到你放工？定我返屋企先，再出黎接你？阿祖在心裏盤算着，不自覺地思緒都繞着Miss Lam轉。

阿祖在Miss Lam家住了一段時間後，Miss Lam為免阿祖每次都要等她回來才能進門，便多配了一條鑰匙給阿祖，所以現在的阿祖已能自由進出她的家。

「個女仔WhatsApp你呀？」Yuki把頭探到阿祖手機前，阿祖連忙按下鎖屏鍵。

「係囉，咪就係嗰條條女囉。」阿祖索性順水推舟道。

「你唔覆人呀？」Yuki問道。

「難得Yuki姐親自黎搵我一齊放學，我仲邊夠膽覆其他女仔？行啦。」

「去邊呀？」

「去Namco夾公仔啦，你最鍾意架啦。」

        Yuki以為阿祖還記得自己的喜好，卻不知道那時的她不過是阿祖為了等Miss Lam而用來填補空檔的工具。