唔係吓話，我去咗《教父》世界！: 參節

無事嘅，無事嘅，幻覺嚟嘅啫，嚇我唔到嘅。
 
咩都冇變，睇嚟谷德昭冇咩用。
 
唔係喎，可能發夢嘅啫，可能好似潛行兇間咁死一死就冇事呢。
 
唔得，如果冇里安納度陪我一齊死，我唔制。
 
睇嚟我要認真思考生存嘅問題啦，人生很難。
 




我睇過教父N咁多次，無論點睇投靠教父係最好嘅選擇。
 
向好方面諗我而家只係需要等見教父，點解咁講？
 
因為係人都知教父從不拒絕求助嘅人，所以我都話教父係男人典範。
 
我離開嗰個唔起眼嘅角落，決定一邊周圍行一邊思考見到教父要講咩。
 
我見到舞台中間載歌載舞，最神奇嘅係成班鬼佬一齊唱緊懷舊廣東話歌，我決定上去好似慶回歸晚會咁過吓癮。
 




「係要找到理想 一於要站在臺上 換過現在模樣 終歸會聲威最響」
 
喺大家用發現痴線佬嘅眼神望住我嘅時候，我見到台下有條友用誠懇嘅眼神望住我。
 
就喺我唱完落台嘅時候，佢行嚟同我講：
 
「高遜先生，教父想見你。」某個鬼佬講。
 
我呆咗一呆，高遜？
 




「積尼高遜先生，唐人街代表？」呀鬼佬講。
 
「哦，係呀，好呀。」
 
「請跟我行。」呀鬼佬講。

------------------------------------------------------------------------------------------------------------------------------------------------------------
 
馬龍白蘭度，煲呔，紅玫瑰，坐喺櫈玩緊隻貓，果然同我想像中一樣。
 
我睇喜劇之王學過咩係方法演技，冇事嘅。
 
「教父，好高興受邀出席令媛嘅婚禮，祝福新人連生貴子，早日抱孫。」
 
「感謝你，年輕人，我的新朋友。」馬龍白蘭度講。




 
「教父，戰爭很殘酷，十幾前我與家人因為內戰逃至美國，幾年前戰爭使我與家人永遠相隔，現在我想重建一切，我需要生活，我可以投靠你嗎？」
 
「積尼，你這麼年青已經能成為唐人街的代表，年輕有為，必定有著過人之處，為什麼想著離開？」馬龍白蘭度講。
 
「教父，你有否聽說過幾年前洛杉磯唐人街與水壩騙案的關係？唐人街道德敗壞，沒有公義，犯罪和邪惡充斥社會。」
「那裡只有窮兇極惡的廝殺和生存，那裡沒有生活，沒有幸福，沒有為家人創造幸福的環境，那裡是個無間地獄，就讓我直接從那裡消失。」
 
「只有愛家的男人才是真正的男人。你是一個正直的人，我會幫助你，年輕人，出去享受這場派對。」馬龍白蘭度講。
 
好在我睇過唔少舊戲啫，將《教父》同《唐人街》撈埋都呃得吓人。
 
實在太出色，如果呢套教父會上映，我一定攞硬金像獎。