野性呼喚: 第一百零四章 ： 突然巨變
Van仔曾經懷疑我同XX發玍咗問題，佢直接問過我兩次，我都一概否認。
可能佢太了解我，觀察到我行為同情緒變化，我對佢講大話，但係我感激佢，起碼知道佢係闞心我。
我同van仔之間嘅交往，由認識到發生關係，來往由頻密變成間歇，由平淡變為激情，兩個人糾糾纏纏大約有兩年幾時間。
過程之間，我對佢嘅感情，亦不知不覚間產生咗蛻變。
我係充滿幻想，思想簡單，鐘意做白日夢。
我同XX關係越穩定，但係我外鶩之心越強，想再一次回味初戀被追求，大家想辦法互相吸引，又患得患失嘅心情。
Van仔就啱啱喺right moment，right place 出現喺我面前。
van仔同男友係兩個唔同世界、兩個極端嘅人，男友溫文、呵護，van仔狂野、我夾喺佢哋兩個人中間，兩方面都可以滿足我。
我認識van仔之初，我一廂情願，諗住只係同佢停留喺互相調笑，有限度身體接觸。
所以我同佢摟抱嬉鬧，但係一踏上呢條路就停唔落嚟。
閒談中滲入咗情慾話題，我哋開始接吻，俾佢愛撫。
繼而陪佢裸泳，單獨上佢屋企，身體接觸程度越嚟越大，我抗拒唔到佢嘅誘惑，一次又一次嘅邊緣性愛，只因為我想得到嗰種既怕又想嘅矛盾感受。
van仔本身好多缺點，佢答應我疏遠佢嗰班𡃁妹仔，答應我避免講粗口，呢啲承諾令到我心甜，覺得佢肯因為我而改變。
被追求呢種虛幻感覺隨住同佢日漸熟絡而淡化，同佢去澳門，經歷整整兩日兩夜嘅瘋狂做愛，初戀浪漫就好似一層包裹住我同佢嘅薄紗，徹徹底底咁撕破，因而演化我同佢喺小海灘再次裸泳，喺佢架客貨van車斗、蓆天寞地，無遮無掩咁胡天胡帝到凌晨四點，我同van仔已經蛻變成爲肉慾追求。
⋯⋯⋯⋯
XX過咗去總公司之後，我同佢嘅接觸頻率亦不斷改變，由開始疏落到幾乎終斷，後嚟又續慚頻密番。
最近佢每日都定時定候俾電話我，為咗遷就我，佢選擇喺我午餐時間，佢嗰邊大約係凌晨時分同我視訊。
今日佢過咗時，我等咗一日，都無佢嘅電話，我怕自已有miss call，已經不停留言住個手機，有啲失望。
手機喺我臨瞓前終於震動起嚟，我鬆咗一口氣。
一開口佢對遲咗俾電話，向我道歉。
佢無講原因，我相信佢唔講，一定有佢道理，只要最後佢搵我就可以。
好明顯XX今晚講電話同前一輪好唔同，喺個mom 見到佢有啲焦慮，欲言又止，有啲嘢唔好意思開口咁。
我相信一定有尷尬事情同我有關，否則佢唔使咁不安，我估計同Julie訂婚介指有關。
我好奇想知佢想同我講乜嘢，亦都擔心佢同我講真係我所估計，我唔想聽嘅消息。
“C，最近有無放假？”
佢無厘頭咁問。
“無呀！”
自從佢離開我之後，我心灰咗一段時間，乜都無興趣，到而加心情都仲係咁孤寂，已經一年無放過假。
“上次你問我放假安排嘅，而加我有咗定案，返嚟之前我會放三星期假。”
XX睇嚟好開心，難怪嘅，佢辛苦咗接近兩年，終於可以放吓假，仲有Julie陪住佢。
“做咩咁嘅反應呀？”
XX見到我有啲落寞。
“無嘢呀，我唔知講咩好之嘛！”
我同佢一齊嗰時，我做錯事，又或者同佢鬥嘴，無論咩原因都好，只要我無話可說，我都會依偎住佢，講呢句說話。
“C，我想邀請你過嚟！”
XX邀請我？我立即意會到佢同Julie喺嗰邊結婚。
XX正式邀請我參加佢嘅婚禮！
“恭喜你⋯⋯”
我好無奈，唔想親眼見證到XX同Julie，但係唔答應佢，又怕XX失望。
“恭喜我咩呀？！”
XX愕然，佢對眼登得好大。
我張Julie喺face book訂婚介指嘅事講俾佢知，不過我強調Julie佢自己無講過係訂婚，只不過係我同佢face book一班朋友意會啫。
“無件咁嘅事！C，我今日俾電話你係想邀請你過嚟陪我一齊渡假，但係過去一年，我傷害咗你咁深，我一直唔知點開口，我怕你拒絕我！”
XX好激動。
呢個係年幾以嚟，我最開心，最振奮嘅消息，我高興到唔識講嘢，淨係流眼淚。
“C，我好想你可以陪我，我哋從新開始好唔好？”
“點解咁突然嘅？我怕⋯⋯我怕係發夢！”
我怕係發夢，我拍吓自己個面。
“你無發夢，係真嘅，過去一年先至係一個夢，我夢醒咗，C，你相信我，我唔會再傷害你！”
我對住個mon不停點頭，我要俾XX知道我相信佢。
“C，你相信我，我好高興，我先搞清楚一啲事情，你嗰邊時間已經好夜，聽日我再call你，向你交代我同Julie嘅事。”
“我哋傾得好哋哋，點解要聽日先再搵我，XX，我以為你唔再要我，而家你俾個好消息我，我想你永遠陪著我，唔好再離開我！”
我同佢嗰度時差十三個鐘，即係話佢趁午飯時間搵我傾偈。
“C，我都係想一直陪著你，不過我想知道Julie點解喺face book 發放呢啲消息，我需要一啲時間。”
“你都知道Julie喺face book嘅嘢？”
“我先幾日同師姐傾公事，傾完之後，佢都打聽過我同Julie最近嘅發展，佢好粗略講過少少，佢似乎一直有留心Julie，我想再搵師姐，睇吓佢知道幾多。”
“XX，無論點都好，希望你唔好責怪Julie，佢做咩都出自於佢愛你！”