野性呼喚: 第四十一章 ： van仔、寶馬、洗頭妹

Van仔接洗頭妹放工，見到佢同條髮型師傾緊偈。

“拜拜，我老公嚟咗喇。”

洗頭妹好大聲同髮型師講，強調同van仔嘅關係。

髮型師望吓van仔，眼神表明唔服佢。

洗頭妹等髮型師行遠咗，細細聲同van仔講，就係呢個人想結交佢。



呢個髮型師應該早放工，但係佢係髮型屋搵啲嘢做吓，目的係等埋洗頭妹一齊走。

“我都唔撚知叫你老公叫得啱唔啱，邊撚度有老公成個幾兩個月都唔搵吓個老婆嘅！”

洗頭妹乘機單打van仔，埋怨van仔唔搵佢。

“今晚咪搵你囉。”

van仔有好多缺點，但亦都有佢嘅優點，佢對洗頭妹好長情，雖然洗頭妹無論喺身材同樣貌都唔及Gigi，但係van仔都同佢保持來往。



原因係佢哋背景相似，佢哋都係單親家庭長大，成長環境唔好，讀書唔叻，最重要係Van仔識洗頭妹嗰時，佢係初學師，乜都唔識，成日俾啲髮型師鬧。

洗頭妹怕做錯嘢俾師傅鬧，雖然van仔都係學緊師，但係洗頭妹都當咗van仔係師兄，乜都問佢，日日同佢一齊食飯，偷偷哋一齊走出舖頭食煙。

雖然洗頭妹頭腦簡單，不過心地唔壞，遇著van仔咁中意同女仔玩，佢哋好快仲上埋床。

................................................................

“乜唔撚係上你屋企咩？你帶我嚟呢度做乜撚？”



Van仔同洗頭妹嚟到間五星級酒店門口，佢哋無乜機會嚟呢啲地方，見到間酒店華麗裝潢，佢好緊張咁問van仔。

佢哋行到大酒店大門口，酒店門童已經得開門但佢哋，van仔同洗頭妹有啲不知所措，淨係不停咁講「唔該」。

不過兩個門童見到佢哋嘅衣著咁MK，對佢哋有啲白眼。

“我帶你嚟賣俾人，賣俾阿拉伯酋長，哈哈！”

Van仔借同洗頭妹講吓笑嚟鎮定自己。

“屌你啦，賣老婆！”

洗頭妹雖然好緊張，一路行，一路捉實van仔手臂，半分鐘都唔敢放手，但口頭上佢一啲都唔輸蝕，細細聲鬧翻van仔轉頭。

佢哋喺間吧坐定，四周圍嘅人各自傾偈，根本無人留意佢哋，洗頭妹先放翻鬆。



個侍應走埋嚟先用英文同佢哋打招呼，然後再用中文問佢哋飲乜。

洗頭妹見van仔好純熟咁order咗啤酒，佢好崇拜，但係佢唔知道van仔其實咩都唔識。

如果唔係寶馬帶過佢嚟呢間酒店兩三次，佢自認呢世人都未必會嚟呢啲高級地方。

第一次寶馬帶佢嚟，van仔先知道啤酒都好多唔同款式，佢都係靠寶馬同佢order，以後嚟呢度，避免出醜，佢都係獨沽一味，叫翻第一次飲嗰隻啤酒，今晚當然亦都係一樣，唔例外。

“你唔係發撚咗達，帶我嚟呢度搞嘢嘛？”

“屌，我都唔係有發達相啦，我嚟呢度等人啫！”

“喂，你想搞P？”



van仔提過話搵個男仔同洗頭妹玩3P，洗頭妹諗住van仔只係同講笑，無諗過會係真。

“咪撚搞啦，我唔想俾兩條仔一齊屌呀！”

就係呢個時候，寶馬行緊入嚟，van仔叫洗頭妹唔好再講。

今晚van仔就係帶洗頭妹俾寶馬見吓面先，佢要睇清楚係乜嘢人，佢認為安全先一齊玩，唔啱就告吹。

寶馬不愧係做生意高手，佢同洗頭妹好好傾，好似相識咗好耐咁，傾咗一陣，佢話去洗手間。

“你哋飲埋杯啤酒上房啦，我喺房等你哋！”

寶馬what’s app van仔，叫佢帶洗頭妹上房，仲俾埋個房號van仔。